Katalanaren aldeko erakundeen iritziz, Kataluniako Justizia Auzitegi Nagusiaren epaiak zuzenean eraso die murgiltze ereduari eta kohesio sozialari. 2024ko dekretuaren zati handi bat baliogabetu du sententziak, eta hala, katalanak hezkuntza sisteman ohiko hizkuntza, komunikazio- eta irakas-hizkuntza izateari utziko dio. Dekretuak Konstituzio Auzitegiaren sententzia bati erantzuten zion, zeinak ebatzi zuen ikastetxeak derrigortuta zeudela gutxienez ikasgaien %25 gaztelaniaz ematera.