“Indarrak batuta soilik lortuko dugu makroproiektuen oldarraldi hau gelditzea”
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu jomugan" azaldu dute, berariaz Hernanin egin duten prentsaurrekoan. Lurraldearen aldeko defentsa egiteagatik kriminalizatu nahi dituzten eta errepresioa jasaten ari diren borrokak gogoan izan dituzte: atzo bertan atxilotu eta askatu zituzten Ostia kolektiboko kideak eta Aroztegiako zazpi auzipetuak.
Manifestazioa iragartzeko Hernani hautatu dutela azaldu du EH Bizirik sareak: "Bildu garen lekua adibide ezin hobea da, enpresa eta instituzio politiko nagusietatik aurrera eraman nahi duten astakeriaren dimentsioa ikustarazteko. Repsolek Urumeako mendietan Euskal Herriko poligono eolikorik handiena ezarri nahi du. Handiena izangatik ordea, izan duen ibilbidea orain arte ikusi ditugun gainontzeko beste proiektuen berdina da. Enpresen mesedetan altxatzen saiatuko diren beste proiektu bat gehiago, instituzio nagusien kolaborazioarekin. Honen aurrean herritarrak antolatzen hasiak dira jada, eta hortxe ireki da erraldoi hauei aurre egin ahal izateko bidea".
Manifestazioaren aldarrikapenak
Manifestazioaren helburuetako bat makroproiektuak sustatzen ari diren "enpresari handiak seinalatzea" da, EH Bizirikek azaldu duenez: "Europatik etorri eta herritar guztiok zorpetu gaituzten diru partidez aprobetxatu nahi duten enpresari handiak seinalatu nahi ditugu, Repsol kasu. Hauek zuzenean edo zeharka makroproiektu hauek aurrera atera nahian ari baitira".
Instituzioak interpelatzea ere bilatzen dute manifestazio honekin: "Ezinbestekoa deritzogu, Europatik hasi eta Frantzia, Espainia, Nafarroa eta EAEko instituzio nagusiak jokatzen ari diren papera seinalatzea. Hauek baitira azken finean, herritarron ongizatearen aurretik enpresen irabaziak jartzen ari direnak". Eusko Jaurlaritza onartzear den Lurralde Plan Sektorial berria horren adibidetzat dauka EH Bizirikek: "Herritarron iritzia kontuan hartu gabe aurrera ateratzear dagoen lurralde antolamendua dugu hau. EH Biziriketik bertan behera uztea exijitzen dugu".
Hondamendi ekologikoari aterabidea ematea ere aldarrikatuko du manifestazioak, "kapitalismo berdearen promesa faltsuetatik haratago". Horretarako, egungo eredu ekonomikoa gainditzea "ezinbestekoa" dela deritzo EH Bizirikek.
Ostia kolektiboko atxilotuekin eta Aroztegiko zazpi auzipetuekin elkartasuna
"Ezin dugu salatu gabe utzi lurraren defentsaren inguruan ematen ari den kriminalizazioa", esan dute EH Bizirikeko kideek prentsaurreko amaieran. Horren adibidetzat jarri dute atzo goizeko seietan haien etxeetan jendarmeek atxilotu eta etxea miatu zieten Ipar Euskal Herriko Ostia kolektiboko bi kideak. Baionako polizi etxean izan zituzten atxikita eguerdira arte.
Ostia kolektiboak salatu du atxiloketa hori lotua dela joan den urtarrilaren 20an, 60 bat lagun Puyo higiezin agentziako lokalera sartu izanarekin. "Okupazio baketsu eta sinboliko horrekin" salatu nahi izan zuten Aiherra herriko Etxexuriaren salmenta espekulatiboa, agentzia hau ari baitzen bitartekaritzan: Etxexuria etxea 2017an 250.000 euroan izan zen erosia eta 1.600.000 eurotan dago salgai emana.
EH Biziriken prentsaurrekora itzuliz, baita ere gogoan izan dituzte "Aroztegiko herri-lurrak enpresa eraikitzaile baten atzaparretatik defendatu zituzten 7 auzipetuak". Izan ere, azaroaren 26an atera berri da kalera Aroztegiaren aurkako mugimendua, zazpi kideri guztira 20 urteko kartzela-zigorra eta 56.000 euroko isuna jarri nahi dizkietela salatzera, "talde kriminala" izatea egotzita. Salaketa hori "faltsua" dela azaldu dio Garbiñe Elizegi auzipetuak ARGIAko kazetari Garazi Zabaletari: “Mugimendua kriminalizatu eta aurrekari bat jarri nahi dute".
EH Bizirikek bai Ostia kolektiboaren eta bai Aroztegiko auzipetuen kasuaz zera esan du: "Lurraldearen defentsa ezin da kriminalizatu, eta gure herrietako bizitzaren defentsarako borroketan aurrekari kritikoa sor dezakeen zentzugabekeria hauei aurre egin behar diegu. Gure elkartasun osoa dute, eta haien alde antolatzen diren salaketa-ekintza guztietarako deia egiten dugu".
Martxoaren 22an Gasteizen elkarrekin manifestatzeko deia egin du EH Bizirikek, "indarrak batuta soilik lortuko baitugu makroproiektuen oldarraldi hau gelditzea".
Finerge enpresak Beizaman eta Bidania-Goiatzen bederatzi makro-eoliko jarri nahi ditu, 229,5 metrokoa bakoitza, guztien artean 45-50 MWko potentzia izango luketenak. Haize-erroten artean sei errepide eraikiko lituzkete eta horrek Errezilgo lurrak ere hartuko lituzke. Beizama eta... [+]
Astearte honetan onartu dute otsoaren babes egoera murriztea, espeziearen kudeaketa malgutzea eta landa-eremuko interesak babestea argudiatuta. Zorrotz babestutako espezieen zerrendatik, babestutako espezieen zerrendara pasatzea erabaki du Europako Kontseiluaren Bernako... [+]
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Bart arratsean izan da. Etxekoak gintonikari zurrupaka. Ni aspaldi dibortziatu nintzen gintonikarekin. Ginak oso gogoko ditut, hortz-haginak ur, baina tonikak ezin edan ditut, gozoegi eta burbuila zakar gehiegi.
2016an ikusi omen zuten lehen aldiz Herrialde Katalanetan. Bi urte geroago, 2018an alegia, Xanti Pagola eta Imanol Zabalegui entomologoek Gipuzkoan azaldu zela jakitera eman zuten. Eta euskaraz izendatu ere bai! Urte batzuk pasa dira eta ez dut esango gure artean ikusteaz ohitu... [+]
Bukatu da (bukatzen ari da) tomatearen sasoia eta unea aprobetxatu nahi nuke uda honetan izandako kezka eta amorruak orriotara ekartzeko.
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Gipuzkoako Batzar Nagusietako Kultura Batzordeak, EAJ, PSE eta PPren aldeko botoekin, azaroaren 22ko bilkuran erabaki du Eusko Jaurlaritzari eskatzea azter ditzala “euskal kulturan hain esanguratsuak diren” gurutzeak eta haien inguruko “ohiturak”... [+]
Hobekuntza horiekin izokinak eta beste espezie migratzaile batzuek erruteko eremu optimoak lortzea eta bizirik irauteko aukerak handitzea espero da. Europako funtsekin finantzatutako jarduera da, Life Kanturibai proiektuaren baitakoa.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]