Urriaren 29an epaitegira joan beharra izango duen kidearekin elkartasuna
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin Mozal Legea baliatzen dute inongo bermerik gabe militantzia bat zigortzeko, gelditzen ahalegintzeko.
Egitasmo suntsitzaileen sustatzaileek edozein baliabide darabilte beraien negozioak aurrera ateratzeko; izan Lautadan Solariakoek lurjabeak kikildu eta iruzur egiteko erabilitako jokabide mafiosoak, Nafarroan Kaparrosoko makroetxaldearen aurkako ekintzaileen epaiketa edo AHTren sundaketetan lurjabeen gainetik berauek burutzeko baliaturiko trikimailu juridikoak, Lapurdin Marienia auziko atxiloketa eta epaiketak eta noski, hertsapen ekonomikoa, honakoan bezala.
Mugimenduak ekonomikoki ito eta agortzea helburu duen politika baten zutabe nagusia da Mozal Legea
Mozal Legeak gure kidearena bezalako muntai-polizialak ahalbideratzen ditu. Polizia baten hitza soilik ontzat emanaz eta inolako frogarik aurkeztu beharrik gabe edonor zigor dezakete, egintzen egiazkotasunak axolarik izan gabe. Defentsarako eskubide oro ezerezean geratzen da, lehenengo ordaindu eta gero nahi baduzu izango duzu zure burua defendatzeko eskubidea! Mugimenduak ekonomikoki ito eta agortzea helburu duen politika baten zutabe nagusia da Mozal Legea. Beraz, nahitaezkoa da lege hau bere osotasunean bertan behera uztea.
Natur eta landa-eremuen defentsa eskubidea baino betebeharra dela uste dugu
Natur eta landa-eremuen defentsa gure eta gure ondorengoen biziraupenaren bermea dira eta eskubidea baino betebeharra dela uste dugu. Aurrera eraman nahi diren egitasmoak burutuko balira ez genuke ezta elikagaiak lortzeko gutxieneko eremu bat izango, ez badugu klima aldaketagatik ia jasangaitza izango litzatekeen lurralde batean argindarra eta porlana jan nahi behintzat. Ezinbesteko da tamainako erokeria honen aurrean altxatu eta aurre egitea, ezein xantaiaren gainetik. Ez digute balio ingurugiro arazo eta klima larrialdiaren sustatzaileek inposatu nahi dizkiguten sasi-irtenbide interesatuek. Irtenbidea lurraren defentsan antolaturiko herritarrotatik etorriko da.
Gure babes osoa adierazten diogu epaitegian izan behar den kideari, horretarako dei egiten dugu Urriak 29, asteartea goizeko 9:30etan Gasteizko epaitegiaren aurrean burutuko den prentsaurreko eta bilkurara.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]
Aurtengo ekainaren 25ean Eutanasiaren legeak laugarren urtemuga bete zuen. Nire iritziz, lege hori hainbat biztanleren lanari esker lortu da, eta, nolabait, pentsa dezakegu merezitako saria izan dela; izan ere, lege hori lortu bitartean pertsona askok erailketa salaketak,... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Donostia arpilatua, bortxatua eta propio erreta Espainiako independentziaren alde 1813ko abuztuaren 31n.
1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]