Balmasedako zentral eolikoaren proiektua atzera bota dute, “gutxiago eragingo” duen beste bat egiteko

  • Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal Herria Bizirik plataformak mendi martxa antolatu du gailur horretaraino.

Kolitza gailurrean ermita, mendiaren magaletan tamaina handiko haize errotak eraiki nahi dituzte. Argazkia: Euskadi Turismoa

2024ko maiatzaren 16an - 10:22
Azken eguneraketa: 11:28

Balmasedako (Bizkaia) alkate Alfonso San Vicentek jakinarazi du Blue Viking Barbara enpresak ez duela egingo azkenean Kolitza eta Garbea mendien arteko zentral eolikoa. Proiektuak sei haize errota handi –200 metroko garaierakoak– aurreikusten zituen, eta Balmasedako Udalak ere helegitea jarri zion. Hala, proiektuaren kontzetsio edo emakidarik ez da argitaratu Euskal Herriko Agintaritza Aldizkarian (EHAA).

El Correo egunkariak, Eusko Jaurlaritzako iturriak aipatuta, dio energiaz arduratzen den erakundeak bota duela atzera zentral eolikoa, baina "gutxiago eragingo" duen beste bat egitea aurreikusten dutela, Kolitza eta Sabugal mendien artean, hegoalderago.

EHAAn maiatzaren 12an iragarri zen bigarren proiektu hori, eta Bizkaiko Aldizkari Orokorrean asteazkeneko zenbakian eman dute horren berri. Guztira lau aerosorgailu izango ditu eta 15 milioi euroko aurrekontua.

Mendi martxa Kolitzara

Balmasedan ez ezik, Enkarterri osoan ere eolikoen beste hainbat proiektu dira egitekoak, Artzentales, Sopuerta, Turtzioz, Gueñes eta udalerri gehiagori eragingo lieke. Talde ekologistek eta herrietako plataformek salatu dute ingurumen kalte larriak sortu ditzaketela.

Hain justu, maiatzaren 26an Euskal Herria Bizirik plataformak deituta mendi martxa egingo dute Kolitza mendira, Azpeitiko manifestazioaren segidan antolaturiko mobilizazioa da, Lurraren Defentsan Euskal Herria Bizirik! lelopean.


Kanal honetatik interesatuko zaizu: Azpiegitura handiak
Zubietako erraustegia kudeatzen duen enpresari zigorra jartzeko eskatu du Nafarroako Gobernuak

Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]


Itsasadarraren azpiko tunelaren proiektua geldiarazteko manifestazioa egin dute Getxon

Zapatuan, ehunka herritarrek parte hartu zuten Bizkaiko Foru Aldundiak itsasadarraren azpian egin gura duen tunelaren proiektua geldiarazteko exijitzeko manifestazioan. Subflubiala Ez plataformako deitzaileek 500 parte-hartzaile inguru zenbatu zituzten Getxoko Itzubaltzeta/Romoko... [+]


Erraustegiak lehen pozoiak erakutsi baldin baditu... zer egin?

Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]


AHTren obrak eta Renfe: murrizketak eta buruhausteak Gipuzkoako tren zerbitzuan, zazpi urtez

2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]


2024-06-11 | Mikel Aramendi
ANALISIA
Txina, Kirgizistan eta Uzbekistan lotuko dituen trenbide faraonikoa eraikitzen hasiko dira

CKU trenbide hori egitasmo mitikoa da, hitzaren adiera zuzenean: itxuraz, koherentea ez ezik desiragarria litzatekeena, baina ameskerien mundutik kanpo zertzeko aukerarik gabea, orain arte behintzat. Halakorik inoiz ez nuela ikusiko zinez sinesten nuen.


Eguneraketa berriak daude