Lucio Urtubia jaio zen, munduko bankurik handienari lapurtuko zion anarkista nafarra
1931ko otsailaren 18an,
Lucio Urtubia jaio zen, munduko bankurik handienari lapurtuko zion anarkista nafarra. Cascanteko familia txiro batean sortu zen. Soldaduska garaian armadari lapurreta egiteagatik Frantziara ihes egin zuen eta igeltsero hasi zen Parisen. Han erresistentzia antifrankista ezagutu zuen, Quico Sabaté gerrilari mitikoa barne. Anarkismoan murgildu zen eta inprenta bat sorturik, herrialde ugaritako pasaporteak faltsifikatzen hasi zen, bateko eta besteko talde klandestinoei lagunduz. Zenbait urteren buruan, munduko bankurik handiena zen City Bank-i milioika dolar lapurtzeko sistema asmatu zuten: oporretako txekeak faltsifikatzen zituzten eta Europako zenbait hiritan, egun eta ordu berean, milaka dolar ateratzen zituzten ekintzaileek. Diru hori sistemaren aurka ari ziren talde eta erakunde armatuei ematen zieten.
Iturria:
Iturria: Bernard Thomas, Lucio, el anarquista irreductible (Txalaparta).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
