Donostiako Piraten kantu berria, 20. urteurrena ospatzeko
2003an abiatu zuten Piraten mugimendua Donostian, Aste Nagusiaren eredua ezbaian jarri eta jai herrikoiak aldarrikatzeko helburuz. Bi hamarkada geroago, berriz nabarmendu dute "jaia eraldaketa sozialerako tresnatzat" dutela, eta aurtengo ospakizunaren leloa ere horri begira sortu dute: Biba festa! Biba eraldaketa! Gainera, urteurrena gogoratzeko Aurtzaka goaz kantua aurkeztu dute.
Hogei urte bete dira Donostia "abordatzeko" helburuz Piraten mugimendua abiatu zela, eta horren kari aurten kantua sortu dute Aurtzaka goaz izenarekin: "Datorren abuztuan hogeigarren aldiz abordatuko dugu Donostiako hiria. Horiek horrela, zer hoberik musika baino jai herrikoien aldeko mugimenduaren 20 urteotako ibilerak eta fortunak ospatu eta ezagutarazteko?", azaldu dute.
"Festa ez da gertakari isolatu bat, gizartetik edo eguneroko bizitzatik aparte dagoen zerbait –azaldu dute Piratek–. Alderantziz, jaiak harreman sozialen, jarraibide kulturalen eta egiturazko arazoen eszenifikazio bat dira. Ospatzen dituen gizartearen errealitatea islatzen dute, eta, zentzu horretan, errealitate hori iraunarazteko mekanismo gisa balio dezakete".
Zentzu horretan, kantatzeari, dantzatzeari eta ospatzeari behar zaion garrantzia emanez, "erritu sozial funtsezkoa delako", lehenago Piratentzat egindako beste kanta batzuei gehituko zaie Aurtzaka goaz izeneko kanta berri hau. Bideoa ere osatu dute:
Egun handiaz gain, kultur egitarau zabala antolatu du Basaizea Elkarteak hilabete osorako.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
"Mugimendu Sozialista gure herriaren errealitate politiko eta sozialaren parte da, eta ideologia baztertzailerik ez duen beste edozein eragilek bezala, espazio zabaletan eta jai herrikoien antolaketan parte hartzeko eskubidea dauka", adierazi dute oharrean. Makina bat... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
