Zer kontzertu egongo dira Donostiako Piratetan?
Bi urteren ostean kontzertu egitarau indartsua prestatu dute Donostiako Piratek, Flamenka gunean. Erreferentziako gune bihurtu da musikazale eta festazaleentzat, eta, aurten ere, aukera zabala izango da, gustu guztientzako estiloekin, euskaraz eta parekidetasuna bermatzen. Donostiako taldeek leku nabarmena izango dute, ia egunero bertako taldeak arituko baitira.
Larunbatean, hilak 13, Laiotz berbena izango da. Igandean, hilak 14, Physis versus Nomos donostiarrak eta Kerobia iruñarrak izango dira. Physis vs Nomos izan da 20. urteurreneko kanta egin duen taldea.
Astelehena, abordatzearen egunean, Iruñetik Broken Brothers Brass Banda izango da lehenik, eta Zea Mays eta Bad Sound System ostean. Asteartean, Alargun Beltzak eta DJ Miau izango dira. Asteazkena izango da egun berezienetako bat, Skakeitanek bere agur biraren baitan emango baitu kontzertua, eta, Antiguako 3gabe2 berbenak itzulera kontzertua egingo baitu.
Ostegunean, rock doinuek hartuko dute eszenatokia: Zestoatik Ezpalak eta Donostiatik Niña Coyote eta Chico Tornadok egurra banatuko dute. Ostiralean elektronikara egingo dute jauzi Piratek, La Furia rap abeslariarekin eta Donostiako Merina Gris hirukote indartsuarekin.
Eta, larunbatean, elektronikarekin jarraituz, Aguraingo Dupla bikotearen ostean Alvva eta Brava DJek sutan jarriko dute Flamenka gunea.
Aurtengo Aste Nagusi Pirata abuztuaren 12tik 20ra egingo da, eta jai herrikoi eta parte-hartzaileak aldarrikatuko ditu. Abordaia 14an egingo dute.
Donostiako Udalak eta Donostiako Piratak mugimenduak sare sozialen bidez jakinarazi zuten asteazken gaueko hainbat kontzertu eta su artifizialak bertan behera geratuko zirela. Haize-bolada indartsuengatik hartu zuten erabakia, herritarren segurtasuna bermatzeko. Zarauzko Udalak... [+]
Bi urtez abordatze sinbolikoa egin ondoren, Abordatzea egin dute berriro ere Donostiako Piratek. Mugimenduak 20 urte bete ditu aurten eta hemeretzi joan dira lehen Abordatzetik. 2003ko abuztuaren 11n lehen aldiz itsasoratu eta espazio publikoaren erabilera komunitario eta librea... [+]
2003an abiatu zuten Piraten mugimendua Donostian, Aste Nagusiaren eredua ezbaian jarri eta jai herrikoiak aldarrikatzeko helburuz. Bi hamarkada geroago, berriz nabarmendu dute "jaia eraldaketa sozialerako tresnatzat" dutela, eta aurtengo ospakizunaren leloa ere horri... [+]
Hogei urte beteko dira aurten abuztuan Donostiako Piratek lehen aldiz abordatzea egin zutenetik. Ordutik hiriko jaien esparruan erreferentzialtasun nagusia eskuratu du mugimenduak. Aurten hogeigarren urteurrena ospatuko dute, eta ospakizun horiek hasiko dira igande honetan,... [+]