C2ko ikasleei eskerrak
Administrazioko hainbat gai, LGTBI+ kolektiboko kideen beharrizanak, segurtasun subjektiboa, klima aldaketa, gentrifikazioa, ikus-entzunezkoak erabiltzeko modu berriak, audientzia-datuak jasotzeko moduak, dislexia, ikuspegi pedagogiko aktibo eta irisgarriak, literatur itzulpengintza, koleopteroen ezaugarriak eta haien garrantzia… UEUko udako ikastaroen egitaraua dirudi, baina aurtengo C2ko ikasleen egitasmoetako batzuk dira.
Esker hitzak baino ez dauzkat ikasleentzat. Horrelako gaiak eta antzekoak dakartzate klasera, eta horiei buruzko hainbat argibide, kontakizun, aholku eta argudio partekatzen dituzte, ahoz zein idatziz. Gogotsu ari dira, eta igarri egiten da.
Esan gabe doa ni ez naizela gai horietan guztietan aditua. Neurri handi batean arlo bakoitzari lotutako testuak eta tresnak eskaini eta zalantzak argitzeko bideak iradokitzen dizkiet. Ezberdina litzateke guztiak tipologia antzekoko ikasleak balira; ni neu ere, gai askori buruzko zertzeladak jaso beharrean, esparru jakin batean espezializatuko nintzateke.
Batzuetan, titulua lanpostu baterako giltza da, baina beste batzuetan, euskaldun sentitu eta euskaraz lan egin ahal izateko gainditu beharreko langa. Eta C2koa oso altu dago, altuegi!
Guztiek ere lan munduan aritzeko bilatzen dute goi mailako titulua. Batzuk jada euskaraz aritzen dira lanean, eta zenbait zalantza eta segurtasun falta izanik ere, arazorik gabe burutzen dute lana. Besteek erraz irudikatzen dituzte lanean egin beharko dituzten zereginak, eta horiek euskaraz egingo dituztela aurreikusten dute. Hori dute buruan, tituluaz gain, noski.
Orain arte ez dugu azterketa oso presente izan programazioan, baina jada bi hilabete baino ez zaizkigu geratzen BECerako, eta horretara bideratuko ditugu datozen 7-8 asteak, tartean Aste Santua. Beraz, idazlanak, laburpenek eta bitartekotza ariketak presentzia handia izango dute haien egunerokoan, eta nirean.
Ikasleetako askok gutxieneko maila izango dute azterketa heltzerako. Lau aste barru neuk esango diet nortzuk dauden gainditzeko moduan, eta “pasea” eman azterketa ofiziala egiteko. Horiek guztiak gai dira (edo izango dira lan munduratzean) euren lana euskaraz burutzeko. Hala ere, jakina, lanean jarraituko dute gaitasuna eskuratzen, beste guztiok bezala.
Baina, estatistiken arabera, %16k baino ez dute egiaztagiria lortuko. Izan ere, gauza bat da maila izatea, eta beste bat azterketaren galbahea pasatzea. Berriro ere, txarto sentituko naiz ikasle horiengatik.
Ikasle horiek lanean euskaraz behar ditugu, eta, batzuetan, titulua lanpostu baterako giltza da, baina beste batzuetan, euskaldun sentitu eta euskaraz lan egin ahal izateko gainditu beharreko langa. Eta C2koa oso altu dago, altuegi!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Bortizkeria zuzenak, agerikoak eta isilak, gainjarriak eta zeharkagarriak, mikroak eta geldoak. Bortizkeria egunerokoan irristatzen da, uneoro, boterea edo erabakitzeko ahalmena duenak ez duenaren aurrean boterea erabiltzen duenean. Hainbeste egoeratan murgiltzen gara... [+]
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Hainbeste jainko, arima, teontzi… beren izatea frogatu ezinik, eta jendeak ez ditu sinesten zientziak, kazetaritzak… ahal bezala, baina geure espezieaz harro egoteko moduan, frogatutakoak. Batzuek Lurra laua dela diote, eta debekatuta dagoela Antartikara... [+]
Maiatza Birjina Mariaren hilabetea den bezala, amak ospatzeko aukera da Mendebaldeko jendartean. Kasualitatea? Ez dut uste. Frantses lurraldean, Vichyko gobernuak besta hori instituzionalizatu zuen. Helburua bertuteko eta sakrifizioak egiteko prest den pertsona hori handiestea,... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Oporretan nago baina oraindik ez dut zutabea hasi. Oporretan nago baina nire gelak ez du igarri. Oporretan nago eta etxeko hautsa ez da mugitu. Oporretan nago eta topaguneko kanpin dendak lokatzez beteta jarraitzen du egongelan. Oporretan nago baina nire agenda ez da... [+]
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Stanfordeko Unibertsitateak dohainik eskaintzen duen Storm deituriko erreminta ezagutu berri dut. Adimen artifiziala erabilita, edozein gairen inguruan artikulu akademikoak sortzeko diseinatutako ikerketa tresna da. Fidagarriak eta baimenduak diren hamaika iturri erabiltzeko gai... [+]