Gizonen anaidia akabatzeko premia
Gisèle Pélicot-en kasuak bortxaketetatik haratago dagoen arazo bat erakusten du: gizonezkoon konplizitatea indarkeria matxistaren aurrean. Kezkagarria ez da soilik erasoa, baizik eta, gertatutakoa jakinda, egoera ez salatzea erabaki zuten gizonen isiltasuna. Isiltasun-itun horrek, "anaidia" edo "korporatibismo" maskulinoak, erasotzaileak babesten dituelako eta indarkeria matxista normalizatzen duen sistema heteropatriarkala betikotzen duelako. Itun hori haustea, hortaz, funtsezkoa da indarkeria matxista desagerrarazteko eta gizarte bidezkoagoa (eta feminista) eraikitzeko.
Gizonon anaidia emakumeen edo disidentzia sexualen aurkako indarkeriazko ekintzak egiten dituztenentzako babeslekua da, haien lagunak leialtasunaren izenean isilduko direla bermatzen baitu. Pélicoten kasuan, bortxaketetan parte hartu nahi izan ez zuen gizonen komunitateak nahiago izan zituen erasotzaileak babestu, anaidiari uko egin baino. Beraz, isiltasun hori ez da neutrala, erasotzaileen boterea indartzen eta betikotzen duen konplizitate aktiboa da. Gainera, isiltasun-itun horrek, erasotzaileak babesteaz gain, biktimak ikusezin bihurtzen ditu.
Erasotzaile ez izatea ez da nahikoa; gizonok indarkeria aktiboki salatu behar dugu, baita gertukoengandik etortzen bada ere
Anaidia maskulino horrekin haustea erantzukizun etikoa da. Erasotzaile ez izatea ez da nahikoa; gizonok indarkeria aktiboki salatu behar dugu, baita gertukoengandik etortzen bada ere. Ekintzarik ezak indarkeria betikotzen du, eta bada garaia gizonok heteropatriarkatuaren aurkako borrokan dugun zeregina gure egiteko; ez ikusle gisa, baizik eta subjektu eraldatzaile gisa. Beste gizon batzuk leialtasunagatik babesteak gizartean onartua izateari utzi behar dio, urgenteki.
Gisèle Pélicoten kasuak gizonen artean sustatzen ari garen harremanak birplanteatzera behartzen gaitu. Horregatik, premiazkoa da maskulinitate hegemonikoa zalantzan jartzea, gizon izatea boterekeriarekin eta menderatzearekin lotzen baitu. Eta horrekin hausteak berekin dakar kode horiei aurre egitea. Baita indarkeriaren gaitzespenean oinarritutako harreman-modu berriak sortzea ere.
Benetako ausardia ez datza beste gizonekiko leialtasunean, etikoki jokatzean baizik; pribilegioak galtzea edo kritikei aurre egitea badakar ere. Zeren, bai, etikoki jokatzeak eta isiltasuna hausteak, gizonen arteko harremanak arautzen dituzten arau sozialak zalantzan jartzea eskatzen du, eta aldaketa hori hastapeneko urratsetako bat izango da indarkeria matxistari eusten dioten egiturak desegiteko.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Ez nuke zuen eguna izorratu nahi; ez jende guztia hitz egiten ari denaz hitz egin ere, baina azken asteotan, uda mugitu honen ondoren, sukaldeko leiho ondoko aulkian eseri eta munduari begira jarrita egon naiz. Begiak zabal-zabalik eta isil-isilik begiratu diot munduari bi... [+]
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]
Aurtengo ekainaren 25ean Eutanasiaren legeak laugarren urtemuga bete zuen. Nire iritziz, lege hori hainbat biztanleren lanari esker lortu da, eta, nolabait, pentsa dezakegu merezitako saria izan dela; izan ere, lege hori lortu bitartean pertsona askok erailketa salaketak,... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Aste honetan, etxeko lanak jarriko dizkizuet. Hori gertatzen zaigu urte luzetan irakaskuntzan aritu garenoi: dena bihurtzen dugu arbel, etxeko lan eta ikas-egoera. Demagun euskal jai bat antolatu behar dugula herrian. Zer egitarau proposatuko dugu? Nola ospatu, dantzatu eta... [+]
Bizipen multzoa da gure historia. Esperientziek osatutako atal eta kapituluak. Errutina eta egunerokoa zipriztintzen dituzten gertaerak. Baina adin batera iritsita, bizi izandako momentu batzuk atzenduta geratzen dira, buruaren zokoren batean ostenduta. Ez ahaztuak,... [+]
Ez dira gauza bera. Sistema demokratiko bat, edozein eskalan, parte-hartzailea ez bada ez da demokratikoa. Demos batek ez badu lehentasunik erabakiak hartzerakoan, demokrazia eredu hori hutsala da. Israelgo Estatuan hauteskundeak egiten dira, baina ariketa politiko horrek ez dio... [+]
Trumpen muga-zergen dantza da azken hilabeteetako berri nagusietako bat. Gerra komertziala eta ekonomikoa hedabideen eta analisten ahotan daude oraindik ere. Gehienetan, baina, herritarrei gauzak era oso sinplean azaltzen zaizkie, gutxi-asko esanez Etxe Zurian ero bat dagoela... [+]
Teknologien azken joerengatik galdezka aritu da mastodon.eus-eko erabiltzaile bat, ezagutzen zuenak ez baitzion zirrararik eragiten. Zer pentsatua eman digu zenbaiti, eta jaso dituen erantzunak oso ezberdinak izan dira.
Nik adierazi diot teknologiek gizakion arteko... [+]
Ez dut ikusi nahi gorputza arimaren kartzela gisa. Baina ezin dut saihestu gorputz atletikoak, gazteak, osasuntsuak, ulertzea luxuzko ibilgailuak balira bezala, jabeen eramaile arinak. Gazte (osasuntsu, atletiko) ez garenon gorputzek ere bere jabeok eramaten gaituzte, baina kasu... [+]
Ikasturtearen hasiera, lankideekin, laneko deskantsuan, kafe baten inguruan, atzean utzitako hilabeteen oroimenak mahairatuz. Deskantsua paraje desberdinetan egin izanagatik ez ditugu alboratu gizarte gisa ibiltzen dugun garaia. Distantzia hartu eta geldiunean gaudenean gai gara... [+]
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]