Droneen aita sionista

Argazkia: Getty Images

2024ko apirilaren 24an

1950eko hamarkadan, AEBetako armada droneak erabiltzen hasi zen gatazka guneetan zaintza eta errekonozimendu misioetarako. 1994ko uztailaren 3an izan zen Predator dronearen lehen hegaldia, armatuta egon gabe. 1995eko uztailean, Predatorrek Balkanen gainetik egin zuen hegan zaintza misioetan. Kontuan izan behar da, 2000. urtera arte, droneen bateriaren autonomia 15 minutukoa zela, eta etengabe kargatu behar zela. 2000. urtetik aurrera, CIA droneak bidaltzen hasi zen Afganistanera, eta irailaren 11ko atentatuen ondoren lehen drone armatuak jarri ziren martxan. 2002ko otsailaren 4an erabili zuten AEBek lehen aldiz aurreneko Predator armatua. Helburua Osama bin Laden hiltzea zen. Haren partez, Daraz Khan izeneko afganiar errugabea hil zuten, txatarra biltzen ari zela. Predator lehen drone armatuak aro berri bat ezarri du eta sustrai sionistak ditu.

Abraham Karem Bagdaden jaio zen 1937an. 14 urterekin Israelera emigratu zuen jatorri juduko bere familiarekin batera. Han, unibertsitate ospetsuenetako batean ingeniari gisa trebatu zen. Ikasten ari zela, armada sionistaren aireko armadan sartu eta zazpi urtez aritu zen. 1974an, bere enpresa sortu eta tripulaziorik gabeko hegazkinak diseinatzen hastea erabaki zuen. Karemek eraiki zuen lehen dronea armada sionistarentzat egin zuen, ondoren arabiarren aurka erabili zutena Yom Kippurreko gerran. Israelgo armadatik ez zuen jaso berak espero zuen arreta eta hala, 1977an AEBetara zorte hobearen bila joatea erabaki zuen.

Los Angelesen enpresa txiki bat sortu zuen, Leading Systems Inc, eta han sortu zuen Karemek AEBetan hegan egin zuen lehen dronea. Hor abiatu zuen bere karrera eta ordutik 20 bat ibilgailuren inguruko patenteak erregistratu ditu, baina bere asmakizunik ospetsuena MQ-1 Predator da, Afganistanen "debutatu" zuena eta oraindik AEBetan eta hainbat herrialdetako aire-armadetan lanean jarraitzen duena. Bere lanaren emaitzak ondorengo ezizena ekarri dio: Drone father (Droneen aita).

Ezagun egiten hasi zenean, Aerean Space aldizkariak esan zuen Predator hegazkinak mundua aldatuko zuela. Eta hala izan da. Gaur egun, AEBetako dronerik hilgarriena General Atomics MQ- 9 Reaper da, Predator B gisa ere ezagun dena. Hau da, Karemek asmatutakoaren ondorengoa. 20 metro baino gehiagoko hegazkina da, ia bost tonako pisua duena. Milaka kilometroko distantziatik gobernatu daiteke, orduko 300 kilometroko abiadurara iristen da, lau Hellfire misil eta hainbat lehergailuekin kargatuta, eta 14 orduz airean mantentzen da. AEBek mota horretako 300 drone baino gehiago dauzkate, 2021eko datu ofizialen arabera. Bakoitzak 32 milioi dolar inguruko kostua du.


Kanal honetatik interesatuko zaizu: Militarismoa
Gerraz

Si vis pacem, para bellum” kantatzen genuen laurogeiko hamarkadan orduko gazte euskaldunok. Bakea nahi baduzu, prestatu gerrarako, oihukatzen genuen latinez, ulertu barik oso ondo esaldiaren esanahia.

Sasoi hartan, euskal gatazka gori-gori zegoen, eta munduak... [+]


Genozidio ahaztuak

Genozidioa zoritxarrez modan dagoen hitza da. Rafael Lemkinek 1946an egin zuen definizioaren arabera, “talde nazional, etniko, arrazazko edo erlijioso bat erabat edo partzialki suntsitzeko asmoz egindako ekintzak” dira genozidioa. Ekintza horiek “taldeko kideak... [+]


Eneko Etxeberria
“Ez nioke nire semeari Jose Miguelen bilaketaren zama utzi nahi”

Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama.


2024-04-24 | Axier Lopez
Turkiaren droneak, Kurdistanetik Tigray, Sahara eta Ukrainaraino

Droneen ekoizpena gorantza doan industria da, eta Turkia gerrarako droneen fabrikatzaile eta esportatzaile handienetakoa bihurtu da. Haien produktu izarra Bayraktar TB2 da. Modu autonomoan aireratu, lurreratu eta nabigatu dezakeen drone bat, baina giza operadore baten mende... [+]


Eguneraketa berriak daude