Ikusmenaren zati bat galduko du Ertzaintzak Tolosan zauritutako gazteak
Gaztea dagoeneko etxean da, eta asteartean ebakuntza egingo diote begiko lesioa handitu ez dadin. Jon Pazosek, gaztearen aitak, “erantzukizunez” eta “gardentasunez” jokatzeko exijitu die Ertzaintzako goi karguei, larunbateko manifestazioan.
Tolosako (Gipuzkoa) inauterietan foam jaurtigai batekin Ertzaintzak gazte bat zauritu zuenetik asko dira indarkeria poliziala salatzera karrikara atera direnak. Hilaren 17an, Tolosako Triangelu plazan, izan zen azken elkarretaratzea, eta Jon Pazosek, gaztearen aitak, iragarri zuen gaztea dagoeneko etxean dela.
Ez dago argi zein ondorio izanen dituen epe motzera eta luzera, baina Pazosek esan zuen gaztea “oso izorratuta” dagoela psikologikoki: “Lente kristalinoa apurtu diotenez ikusmenaren zati bat galduko du, baina ez dakigu zenbat”.
Begian duen zauria gehiago zabaltzeko arriskua dagoenez, egunak daramatzate begian ebakuntza egin nahian. Hala ere, ezin izan dute lehenago egin begia handituegia zuelako. Gaztearen aitaren arabera, asteartean, otsailaren 20an, eginen diote ebakuntza.
Goi karguei zuzendu, eta “erantzukizunez” eta “gardentasunez” jokatzeko exijitu die: “Ez da bidezkoa eta ezin da onartu horrelako jarrera eta horrelako eredu poliziala gaur egun edukitzea. Nahikoa da! Ea behingoz aldatzen den hau guztia”.
"Ez isildu, irten kalera"
Amasa-Villabonako herritar talde batek antolatu zuen larunbateko elkarretaratzea, eta taldeko kide batek hartu zuen hitza: “Ez kikildu, ez isildu, irten kalera eta egin aurre injustiziari, hori baita etorkizuneko belaunaldiak bestelako eszenatoki batera gidatzeko bidea”. Horrekin batea indarkeria polizialaren aurka jasotako elkartasun uholdea eskertu zuen: “Gertakari hauen ondoren euskal jendarte konprometitu bat altxa da, eta gehiegikeriaren eta minaren aurrean elkartasuna eta maitasuna gailendu dira”.
Herritar taldeak salatu zuen ere, 16 urteko beste gazte bat aurpegian zauritu zuela Ertzaintzak egun berean: “Aski da, nahikoa da, bada garaia gauzak aldatzeko”.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.