Eternitatearen usaina
Antzinako Egipton, momifikazio prozesuan, zenbait organo ontzi kanopotan sartzen zituzten, eta hainbat substantziaz osatutako baltsamoak erabiltzen zituzten horiek kontserbatzeko.
Berriki Max Planck Institutuko ikerlariek Amenhotep II.a faraioaren inude Senetnay-ren ontzi kanopoetako arrastoak aztertu dituzte eta substantzia zerrenda luzea atera dute: erleen argizaria, landare olioak, animalia gantza, betuna, erretxina, kanela, ilarrak, azido benzoikoa… Momifikazio prozesuaren sofistikazio mailaren eta egiptoarren merkataritza sare zabalaren froga da zerrenda hori.
Gainera, Carole Galvez lurringilearen laguntzaz, baltsamo horren lurrina berregin dute; “eternitatearen usaina” deitu diote eta, oraingoz, Danimarkako Moesgaard museoko bisitariek usaintzeko aukera dute.
New Yorkeko Unibertsitateko ikerlari talde batek esperimentu bat egin berri du, Gizako esfingearen materialak eta eraiki zuten garaiko baldintza klimatikoak imitatuz.
Duela 3.300 urte inguru, Meritaton printzesa, Akhenaton faraoiaren eta Nefertitiren alaba zaharrena, Tell al-Amarnako Iparraldeko jauregian bizi izan zen.
Egiptoar arkeologo talde batek Rosetta harria Egiptora itzultzeko eskaera egin dio British Museumi.
Orain dela 3.400 urte inguru eraikitako hiri baten arrastoak aurkitu ditu arkeologo talde batek Luxorren, Egipton, Nilo ibaiaren ertzetako batean. Amenhotep III faraoiaren garaiko hiria da (k.a. 1390-1352), haren semeak, Akenaton faraoiak hiriburu berri bat sortzeko atzean utzi... [+]
Le Bourget (Île-de-France), 1976ko irailaren 26a. Ramses II.a faraoiaren momia zeraman hegazkin militarrak lur hartu zuen.