Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Pandemiak kolektiboki zenbateraino eragin gaituen sakonean aztertu gabe jarraitzen badugu ere, ez da gehiegizkoa “gureak” egin ditugun aldarrikapenak utzi dizkigula esatea. Horietako bat, zaintzak erdigunean jarri behar ditugula behingoz.

Zaintzaren auzia geroz eta zentralagoa da Euskal Herrian, zaintza krisiak horrela eskatzen duelako eta hori ekartzen duelako neurri batean; eta Euskal Herriko Mugimendu Feministari zaintza lanak, langileak eta zaintza antolatzeko ereduak eztabaidaren erdian kokatzeko egiten ari den ahalegina aitortu behar zaio, ezinbestean.

Tamalgarria da Emakunde “Emakumeak gora!” esaten ari den bitartean, garbitzaileak ikustea lurretik eta Ertzaintzaren eskuetan kolpatuta

Mugimenduak erakutsi du ez duela “Zaintzak erdigunera!” aldarria edukirik gabeko diskurtso bihurtzen uzteko asmorik. Zaintza lanak kolektibizatzea, zaintza-lanaren balioa handitzea eta profesionalizatzea, zaintza-eredu emantzipatzailea eraikitzea aldarrikatu du aurten: helburu bakoitzerako neurri zerrenda bat adostu eta plazaratu du. Azpimarratzekoa da, gainera, Martxoaren 8aren atzetik datorren dinamika baten baitan kokatzen duela hori, urrats berriei bide emango dioten mobilizazioak izango direla iragarri baitu mugimendu feministak. Edukiak, Mugimendua, egiturak eta bidea. Ekimena eta kemena, aldarrikapen soil bat sakoneko aldaketak eragin ditzakeen borroka bihurtu dadin.

Tamalgarria da Emakunde “Emakumeak gora!” esaten ari den bitartean, garbitzaileak ikustea lurretik eta Ertzaintzaren eskuetan kolpatuta. Tamalgarria, auzia kristalezko sabaian kokatzea, zoru itsaskorra apurtzeko erantzukizun politikorik hartzen ez denean. Emakumeak gora, bai, zaintzaren ardura eta zama banatzen direnean. Lidergoak, bai, botere harremanak iraultzea helburu duten borroketan.


Emakume langileen eskubideak kanaletik interesatuko zaizu...
Itzalpeko emakume arkeologoen itzala

Errenteria (Gipuzkoa), 1892. Aizpitarte kobazuloetan Gipuzkoako lehen indusketa arkeologikoak egin ziren, Lersundi kondea buru zuen taldearen eskutik. Handik hamaika urtera, 1903an Alfontso XIII.a Espainiako erregeak bisita egin zuen aztarnategira, eta aitzakia horrekin argazkia... [+]


Nekane Zabala, polizia-etxetako garbitzailea eta grebalaria
“Bederatzi hilabeteko greba batek marka uzten du, eta batez ere, emakumeengan”

Gipuzkoako ertzain-etxetako garbitzaileek greba deitu dute azaroaren 15etik 19ra. 42 langile dira, ia denak emakumeak, eta kexu dira Garbialdi enpresak eskari gutxienekoak ere ez dizkietela onartzen. Nekane Zabala langile horietako bat da. Badaki zer den greba egitea. 2018an... [+]


Etxeko langile bati langabezia saria jasotzeko eskubidea aitortu diote epaitegietan

SEPE Espainiako Enplegu Zerbitzu Publikoko zerbitzuak ukatu bazion ere, Bilboko Lan Arloko 7. Auzitegiak onartu dio langileari eskubidea, ELAk jakinarazi duenez. SEPEk helegitea aurkeztu du.


2023-10-23 | Garazi Zabaleta
Hitzez
Eta, zaintzaile diren baserrietako emakumeak, nork zaintzen ditu?

Urola Kostako baserriko bost emakumek sortu zuten 2007an Hitzez elkartea, landa eremuko emakumeen osasuna hobetzeko helburuarekin. “Zaindariei zuzendutako sostengu-taldeetan ezagutu genuen elkar, eta lanketa bat egin ondoren, 2006an erregistratu genuen elkartea”,... [+]


Eguneraketa berriak daude