Grebara joko du Bizkaiko metalgintzak berriz ere, oraingoan astebetez
Meltagintza sektoreko langileak azaroaren 28tik abenduaren 2ra arte greba egitera deitu dituzte LAB, CCOO, UGT, ESK, CGT eta CNT sindikatuek. Diotenez, patronalak azken bileran entzungor egin die euren eskaerei.
Azkeneko asteetan sei egunez greba egin ostean, mobilizazio fasea azkartzea erabaki dute sindikatuek Bizkaiko metalgintzako patronaleko arduradunek hartutako jarreraren aurrean. Hala, oraingoan aste osoko greba egitera deitu dituzte langileak, azaroaren 28tik abenduaren 2ra, LAB, CCOO, UGT, ESK, CGT eta CNT sindikatuek asteazken honetan iragarri dute deialdia prentsaurrean. ELA sindikatua ere, bere aldetik, mobilizazio gehiago antolatzeko prest agertu da.
Azaldu dutenez, azkeneko lanuzteen jarraipena oso zabalaren ostean, eta langileen jarrera irmoa ikusita, mezu argia jaurti zioten FVEM patronalari: "Hurrengo bileran sektoreari entzun gabe jarraituz gero eta akordio batera iristeko eduki nahikorik aurkeztu ezean, gatazka gogortu egingo dela eta astebeteko greba-deialdia eramango genuela aurrera".
Asteartean egindako bilera horretan baina, sindikatuen arabera aukera "alferrik galdu" du patronalak: "Gutxieneko hobekuntza batekin etorri da bilerara, ehuneko puntu bateko soldata-igoerarekin, tauletan erosteko ahalmena bermatu gabe eta malgutasunean, gutxieneko bermean eta aldi baterako ezintasun-osagarrietan zituen atzerapenak mantenduz", azaldu dute.
FEVMek ohar bidez esan du "bosgarren aldiz" hobetu duela soldaten igoera proposamena, baina sindikatuek "aldaezin" jarraitzen dutela eta "xantaia estrategia bat" daramatela aurrera.
Metaleko enpresen etekin handiak
Horren aurrean, sindikatu deitzaileek metaleko enpresek pilatu dituzten etekinen datuak eman dituzte. Marta Ayala CCOO-Euskadiko ordezkariaren esanetan Tecunik 3 milioi euro irabazi ditu, Sidenorrek 25 milioi, Artechek 9 milioi eta Ormazabalek 11 milioi.
LABeko Iratxe Azkuek aurrera begira gerta daitekeenaz ohartarazi du: "Bost greba egun hauek eta gero FVEMek jarrera berarekin jarraitzen badu, argi dagoena da gatazka gehiago gogortuko dela". Hala, ez dute baztertzen greba mugagabera jotzea.
Azkeneko greba zikloan koska bat gora egin zuen tentsioak, bi atxilotu izan ziren eta Ertzaintza piketeen kontra oldarkor ibili zela salatu dute langileek. Hala ere, jarraipena %85ekoa izan zela esan zuten eta horniduran eragin handia izan zuela, esaterako, Mercedes lantegia geldiarazi zuten.
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
ESK eta LAB sindikatuek jakinarazi dutenez, lorezainek greba egiteko duten zilegitasuna aldarrikatu nahi izan dute ekintza ikusgarri honen bitartez. PSE eta EAJren gobernu-taldea seinalatu dute erantzule nagusi gisa, "Green Capital markaren atzean hiriaren ikurra zaintzen... [+]
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]