Pantailaldia egingo dute azaroaren 11tik 18ra, astebetez euskarazko ikus-entzunezkoak kontsumitzeko erronka
Pantailak Euskaraz elkarteak sortu du ekimena, pantailetatik jasotzen dugunak hizkuntza ohituretan “zuzeneko eragina” duela uste baitu. Astebetez euskarazko ikus-entzunezkoak kontsumitzeko eta horretarako dauden zailtasunez ohartarazteko xedea du Pantailaldiak.
Pantailaldia egitasmoa antolatu du Pantailak Euskaraz elkarteak, astebetez, azaroaren 11tik 18ra, euskarazko ikus-entzunezko edukiak kontsumitu eta sortzeko xedez. Hain justu, Euskaraldiaren atarian egingo dute ekimena, “Euskal Herri mailako halako ekimenarekin sinergiak aprobetxatuz”, taldeak azaldu duenez. Dagoeneko parte hartzeko izena eman daiteke Pantailak Euskaraz-en webgunean.
Euskararen egoeraren hainbat datuk kezka zabaldu du azkenaldian: Soziolinguistika Klusterraren 2021eko kale erabileraren neurketen arabera, Euskal Herrian zortzi lagunetik batek egiten du euskaraz, 2006an baino 1,1 puntu gutxiago. Pantailak Euskaraz taldearen iritziz, pantailetan kontsumitzen dugunak eragin zuzena du hizkuntza ohituretan. Horregatik, Pantailaldiko astebeteak ikus-entzunezkoen kontsumo joera aldaketa bat bultza dezakeela uste dute: “Telebistak, zinemaz, streaming plataformetan, Youtuben, bideojokoetan… Dauden euskarazko kateak, baliabideak, euskal sortzaileen lanak eta nazioarteko eduki euskaratuak kontsumitu daitezen”, hori espero du elkarteak, Berriak jaso duenez.
Baliabideek inoiz baino gehiago diruditen honetan, ordea, Pantailaldiaren beste helburu bat da euskarazko edukiak jasotzeko dauden zailtasunez ohartzea eta, hala, ikusaraztea erakundeen aldetik neurri gehiago eta eraginkorragoak behar direla. Parte hartzaileek beren bizipenak azaltzeko eta elkarren berri izateko sareetan #PANTAILALDIA traola erabiltzeko eskatu dute antolatzaileek. Sare sozialetako profiletan egitasmoaren logoa ipintzea ere proposatu dute. Bost lagunek konpromiso berezia hartu dute, Hego Euskal Herriko lurralde bakoitzeko batek eta Ipar Euskal Herriko beste batek, beren esperientzia aktiboki partekatuko dute sareetan eta tokiko hedabideetan, Berriak jaso duenez.
Dinamikaren bueltan jarduera gehiago ere egingo dituztela jakinarazi du Pantailak Euskaraz-ek; hala nola, azaroaren 13an protesta bat egingo dute, euskaldunek zinemetan bizi duten “diskriminazioa” salatzeko. Euskalgintzako beste talde batzuek ere babestuko dute ekimena: Euskalgintzaren Kontseiluak, Euskaltzaleen Topaguneak, Uemak, Euskal Herrian Euskaraz-ek, Gazte Euskaltzaleen Sareak, Euskal Encodingsek eta Game Erauntsiak.
UEMA Udalerri Euskaldunen Mankomunitateak orain gutxi azaleratutako ikerketa baten arabera, Euskal Herrian euskarazko ikus-entzunezko edukiek presentzia oso urria dute, bai gazteen artean baita haurrenean ere.
Bestalde, Pantailak Euskaraz plataformak gogorarazi du ia bi aste direla Twitterrek kontua itxi zionetik, eta “behin betiko erabakia” dela jakin duela. Zentsuraren aurka eta adierazpen askatasunaren alde, sinadura bilketa abian du taldeak.
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
Hizkuntz Eskubideen Behatokiak argudiatu du kontraesanean daudela jardunaldien helburua, hau da, gaztelania bultzatzea, eta euskararen normalizazioa eta biziberritzea. Observatorio Global del Español erakunde antolatzaileari gutunez eman dio erabakiaren berri, eta 2024an... [+]
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]