Urte berri on!
Txantreatar batek beti aurkeztuko du bere burua txantreatar gisa. Baina uztailaren 6 heltzen denean, o bai, orduan bai, PTV (Pamplona de Toda la Vida) peto-petoak bihurtzen gara.
Sanferminen hasiera
NOIZ: uztailak 6
NON: Iruñea
PTV on batek uztaila iritsi aurretik egiten ditu jantzi zurien erosketak, txupinazoaren egunean, behintzat, dotore joateko. Normalena da festen bezperan ezin lorik hartzea urduri dagoelako. Baten batek, gainera, ezin dio gogoari eutsi eta 5ean mozkortu egiten da eta damua datorkio gero. Baina PTV on batek nahiago du goiz lotaratu urteko egun berezienerako fresko egoteko.
Goizeko zortzietan goiztiarrenek, eta eguerdira arte, almuerzikoa izaten da, hala esaten diogu PTVok hamaiketakoari, bakoitza bere kuadrillarekin eta ohiko txoko edota taberna estimatuenean. Eta esaten ez den arren, PTV askok bihotzerrea du magrak tomatearekin jateagatik. PTV kuadrillek eztabaida izaten dute sarri: txupinazoa auzoan ala alde zaharrean ikusi/bizi. Jendetzaren beldurrez, baina giro gosez. Gureak aurten auzoko tabernako pantailan ikusi zuen. PTV karneteko puntuak galduko genituen ziur aski.
Euri azpian harrapatuko zuen PTV asko hamabietako eztandak aurten, eta beste askoren planak zapuztu ere bai. Kaleak aurreko urteetan baino hustuago zeuden, iazkoa dut gogoan, birusa oraindik ere bazegoen arren, lepo zegoen alde zaharra. Egunak, hala ere, utzi zituen momentikoak. Giririk ez Nabarreriako iturritik salto egiten, baina baloiarekin jolasean zebiltzanak, brindiseko ur azpiko aurreskua, aspaldiko lagunen itzulera…
Txosnarik ez zegoen aurten, bene-benetako PTVentzako Gaztelu plazakoak salbu. Topaleku baten falta igarri zen eta kuadrillek tabernaz taberna ibili besterik ez zuten izan, atertu zuen arte behintzat.
PTV hau, hiru urteren ondoren, behintzat, gogobete zen. Ez zen amesten genuen moduan, espektatibak goian genituelako akaso. Baina ederra izan zen Iruñea zuri-gorriz jantzita ikustea. Urtea bitan hasten da Iruñean, urtarrilean lehenbizikoz, uztailaren 6an bigarrenez. Beraz, urte berri on PTV guztion partez!
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.