1. Zein da zure bertuterik maiteena: Bertuterik eza, edo, nahiago bada, ezintasunez betetako bertute txikien bilduma 2. Gizonezko batengan atsegin duzun dohaina: Adeitasuna, neurrian beti ere 3. Emakumezko batengan atsegin duzun dohaina: Adeitasuna, neurrian beti ere (zergatik nahiago izan beharko nuke beste gaitasun bat emakumeengan?) 4. Zeregin gustukoena: Lo egitea 5. Zoriontasunaz daukazun ideia: Liburu mendi bat nire zain edukitzea 6. Zorigaitzaz daukazun ideia: Liburu mendi bat nire zain edukitzea, eta zein liburu irakurri ezin erabakitzea 7. Kolore, eta lore, maiteena: Zuri, gorri eta berdea izan ezik, beste edozein; zalantzarik gabe geranioa 8. Zu ez bazina, nor izan nahiko zenuke: Galdera agian litzateke nork izan nahiko lukeen ni, ez duzu uste? 9. Non nahiko zenuke bizi: Orain, Joseph Brodsky irakurri eta gero, Venezian. Edo, tira, zuzenean Atlantidan 10. Prosazko autore gustukoena: Poetaren bat, adibidez William McGonagall 11. Poesiazko autore gustukoena: Narratzaileren bat, adibidez Amanda McKittrick Ros 12. Pintore eta musikagile gustukoenak: Pintoreak, gure seme-alabak, bizpahiru urterekin; musikagileak, edo hobeki, zaratagileak, gure seme-alabak, 11-13 urterekin 13. Bizitza errealeko heroi maskulinoa: gure auzoko postaria; eguna joan, eguna etorri, etxeraino ekartzen dizkidalako liburuak 14. Bizitza errealeko heroi femeninoa: gure auzoko okina; eguna joan, eguna etorri, aurpegian asmatzen baitit uneoro zehazki zer nahi dudan 15. Fikziozko heroi maskulinoa: Santi Leoneren edozein pertsonaia maskulino 16. Fikziozko heroi femeninoa: Uxue Apaolazaren edozein pertsonaia femenino 17. Gehien gogaitzen zaituena: Galdetegi zentzugabeak erantzutea 18. Zerekin zara barkabera: Barkabera direnen akatsekin, segur aski 19: Esapiderik maiteena: Ze telebista katetan emango dute hau?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Urte bat bestearen ondotik, 87 urte joan dira astelehen lazgarri hartatik, apirilaren 26 hartatik; azoka eguna Gernikan, heriotza eguna. Suzko eta berunezko egunak eta urteak ondoren. Hildako ugariren gainean porlana eta isiltasuna. Porrota eta sufrikarioa. Nortasun debekatua,... [+]
Garai batean nire ustez naftalinaz gainezka zeuden esaldiak erabiltzen hasia naizela antzeman dut. Zahartzen ari naizen seinale ote? “Osasuna badugu behintzat-eta, gustura egoteko moduan gaude!” edo “gure garaian jan ez, baina barre...”. Eta tristuraz... [+]