Ukraina eta internet
Ukrainan dauden herritarrengatik arduratuta, laguntzen saiatzen ari da jende asko. Eremu digitalari lotuta, bi laguntza ekintza interesgarri ezagutu ditut. Batetik, harritu nau Pussy Riot Errusiako punk taldeak Ukrainako herritarrei laguntzeko 6 milioi eurotan baloraturiko kriptotxanponak lortu dituen moduak. Bigarrenik, Elon Musk magnateak hain polemikoa den Start Link proiektuaren satelite batzuk Ukrainaren gainean jarri ditu, interneterako sarrera-laguntza herritarrei ematea helburu.
Pussy Rioten ekintzak erakutsi du NFTa (non fungible token delakoa) laguntza ekonomikoa bideratzeko aukera bat dela. Nik neuk, NFTak espekulatzeko baino ez nituen ikusten orain arte. Kriptotxanponak lortzeko, Pussy Riotek Ukrain DAO (Decentralized Autonomous Organization) izena duen NFTa sortu du: Ukrainako banderaren irudia, laguntza adierazten duen testu batek lagunduta. Ideia hain ona izan da, aktibismorako bide bat bilakatu daitekeela, gardentasuna eskaini eta pribatutasuna zaintzen duen BlockChain teknologia erabilita.
Elon Musken ekintza ere garrantzitsua da Ukrainako herritarrentzat, euren telekomunikazio azpiegiturak deuseztatuak izaten ari diren egun hauetan. Azpiegitura horiek erabiltzeko segurtasun gomendioak ere partekatu ditu Muskek, jakin badaki-eta sateliteen seinaleak errusiarrek jaso ditzaketela.
Internet sustatzen duten azpiegiturak behar dituzte bi ekintzek: Pussy Rioten ekintzaren atzean azpiegitura eta sare banatuen ideia dago –neurri handi batean kriptotxanponen inguruan espekulazio, botere eta azpiegitura kontzentrazio handia dagoen arren–. Elon Muskena, azpiegituren kontzentrazioak ematen duen boteretik dator. Muga guztiak gainditu ditzakeen azpiegitura baten boterea erakusten du, herrietatik harago, espazioan, eta erakunde pribatu bakar baten eskuetan. Urgentzia garaian gaude, eta dena da ongi etorria, baina zeinen interesgarria den ikustea teknologia eta azpiegitura hauek eragiteko duten ahalmena.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Zergatik ez utzi. Zutabeak idazten dituenak atzetik izaten ditu beti garaiz erretiratzearen apologetak. Agortu baino lehen. Gaiak, niri, ezin agortu, ez ditudanez; ezertan ez naiz aditua, eta inoiz ez dut izan Euskal Herriari transmititzeko mezurik. Ez lidake azalpenak balioko,... [+]
Hiri askotako tren geltokiek XIX. mendeko burdinazko egituraren edertasun gorena azaltzen dute, hiriaren epizentrora iristearen ongietorri goraldiarekin batera. Hirira ate nagusitik sartzea bezalakoa da, arkitektura eta toki perla bat. Hiri askotan, baina, birdentsifikazio edo... [+]
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]
Badaude hitzak, formak, keinuak eta jarrerak gorputzean sartu eta handik irten ezin daitezkeenak. Gorputzean sartu eta bertan usteltzen direnak. Gorputza zulatzen dutenak. Gorputza deskonposatzen dutenak. Gorputza desagerrarazten dutenak. Eta akabo. Ezin daiteke deskonposatu den... [+]
UEUko Glotodidaktika Sailaren topaketetan euskaltegiez eta intersekzionalitateaz aritu dira hainbat aditu eta biktima. Ikasleak egon dira erdigunean, pribilegiorik gabeko ikasleak, zapalduak, bazterretan daudenak. Izan ere, genero disidenteek, gorrek, itsuek, gaitasun... [+]
Denok dakigu askatasuna kontzeptu zaila dela, ertz askotarikoa, hitzez definitzen zaila. Maiz mugagabetasunarekin definitu ohi dugu, baldintzamendurik gabe erabaki ahal izatearekin, ondoriorik ez edukitzearekin, edota ekintzen ardurarik hartu behar ez izatearekin. Baina ez denez... [+]
Azken aldian politizazioa eta despolitizazioa aztertzeko aukera izan dugu, arreta gazteen kasuan bereziki jarrita. Hala ere, gazteak aztergai dituzten ikerlan soziologikoen ondorio gehienak beste adin taldeetarako ere aplikagarriak izan ohi dira, intentsitate desberdinez bada... [+]
Nortzuk bultzatuko dute euskal orden berria eraldaketa sozialaren begiradatik? Nortzuk dira gaur egun zapalduenak Euskal Herrian?
Esku-hartze sozialeko sektore publikoaren alde.