Mirentxin gidarien kolektiboak presoak bisitatzeko bidaiak egiteari utzi dio, beharrik ez dagoelako jadanik
Mirentxin boluntarioen taldeak azaldu duenez Etxerat elkarteak adierazi die jadanik ez dela euren laguntzarik behar euskal presoei bisitak egiteko bidaietarako, preso gehienak gertuagoko kartzeletara hurbildu dituztelako. 1999an sortu zen kolektiboa eta urtero 700 gidari baino gehiago aritu dira boluntario lanetan senide eta lagunak kartzeletako bisitetara eramaten.
aurre egingo dieten hedabide independenteak
"Bukatzeko jaio zen Mirentxin, eta, zorionez, bukatu da". Hala adierazi dio Berria egunkariari Iñaut Zabala Mirentxinen Hernaniko koordinatzaileak. Kolektiboak amaitu du bidea, Etxerat euskal preso eta iheslari politikoen senideen elkarteak adierazi baitie jadanik ez dutela euren laguntzarik behar; behin urruntze politika aldatuta preso gehienak gertuagoko kartzeletan daude eta senideak euren kabuz moldatzen dira jadanik.
Mirentxin 1990eko hamarkadan sortu zen, senarra Algecirasen preso zuen Mirentxin Aurrekoetxea Mungiako senidearen omenez, astero-astero egiten baitzion bisita, eta hari laguntzeko antolatu ziren. Geroztik, urtero 700 boluntariotik gora aritu da gidari moduan lanean kolektiboan. Haien furgonetek –bederatzi furgoneta izatera iritsi dira– urtero 100.000 kilometro baino gehiago egin dituzte bidaia horietan eta "oso gutxitan egin dugu kale".
Sarritan asteburu osoa irauten zuten bidaia luzeak egin dituzte urte guztiotan, eta zerbitzua, ez da soilik garraioarena izan, senideen harremanetarako ere bai, elkarrekin bidaiatuz: "Mirentxinekin bidaiatzea terapia ere bada; denok gaude egoera berean eta gaitzari aurre egiten laguntzen du", azaldu zion Izaskun Usandizaga senideak ARGIAri haiekin duela urte batzuk egindako bidaia-kronikan.
2021eko maiatzean egin zuten azken bidaia: "Algecirasera, oker ez banago, eta harrez geroztik hau bukatu da", azaldu dio Donostiako arduradun Karlos Abadek Berria-ri. Asteburu honetan Sarek deituriko mobilizazioetan ere eman dute jarduera horren amaieraren berri eta haien lana eskertu dute. Jarduera amaitu badute ere, ez dituzte furgoneta guztiak kendu eta talde batzuk antolatuta dituzte, "badaezpada". Haien beharrik ez izateko esperantzaz, hala ere.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.