ARGIA.eus

2022ko urtarrilaren 26a

Izorratu, botoak dakartzalako

Jenofa Berhokoirigoin @Jenofa_B
2022ko urtarrilaren 16a

"Badut zinez txertatuak ez direnen izorratzeko gogoa. Bururaino aspertuko ditugu”. Frantziako presidentearen hitzak dira, lehendakaritzarako berriz aurkezten denarenak. Hasi da kanpaina, eta ondoko ehun egunetarako tonua eta norabidea markatu dizkigu Macronek. COVIDari bideratuko zaio monopolioa –eta izorra daitezela zerbitzu publikoez, krisi sozioekonomikoaz, kulturaz edota ingurumenaz eztabaidatzea espero zutenak–. Bestelako guzia gorderik eta aipamenik gabe atxikitzeko estalki sendoa badu botereak; ezkerraren proposamen eskasia begi-bistan uzteko gaia badu; bozka beldurretik bideratzekoa. “Etorkin terroristaren” mamua bezain emankorra izan daiteke koronabirusa. Boto-emaileak eskuinetik xarmatzeko amuzkia badu: aker pekatzailea edota barne-arerioa izendatzeak eta hauen haserrea hauspotzeak botoak dakartzate –eta hainbat hobe sua piztuz adierazten badute kexua–. Errepresioz eta nagusikeriaz “ordena” eta “bake soziala” berreskuratzeko urratsak botoak dakartzalako.

Esaldi ttipi mingarrien estrategia ezaguna da. Sarkozyk bere garaian “kaka [banlieue auzogune txioetako gazteak ] karcher-arekin garbitzeko” asmoa zuen. Aurretik Chiracek “atzerritarren gaindosia” eta hauen “arrabotsa eta usaina” zituen azpimarratu. Hiruak presidente. Hiruak eskuinekoak. Hiruak zentzu guztietan pribilegiatu. Hiruak azpikoa iraintzeko axolagabekerian. Ze gauza batzuen haserre eta miseriatik zukua atera nahi izatea. Ze gauza piramidaren puntatik oinarrian dagoenari tu egitearena. Banlieue-tako gazteak aurpegia estalirik barrikadetan behar dituen gisara, nahiko lituzke berriro ere Parisko hirigunea sutan jartzen dabiltzanak –Jaka Hori, blac block ala txertoaren kontrako... bost axola zer diren; sua piztu dezatela, besterik ez–. Hortik Le Parisien egunkariari eskainitako elkarrizketako iraina, Eliseoko kontseilariek aurretik irakurritakoa, zuzendutakoa eta onargarritzat jotakoa. Hots, kalkulu politiko bati segi plazaratutakoa.

Baina sua menderakaitza bihurtu daiteke. Makineria indartsuenak ukateak ez dakar automatikoki suaren kontrola. Onerako ala txarrerako. Eskuin-muturraren mehatxua erreala da, piramidearen gailurrean baita oinarrian ere. Maleruski, ezkerraren muturretik, mugimendu guti sendi da. Karrikan egon behar luke ezkerrak, benetako aldaketak proposatzen. Eskuin-muturra hauspotu ez dadin.


Emmanuel Macron kanaletik interesatuko zaizu...
2022-01-25 | ARGIA
Macronen argazkia petroliotan sartu du Bizi!k
Frantziako presidentearen agintaldia "sabotaje klimatikoa" izan dela salatu dute

Biarritzeko Herriko Etxetik bahitua izan den Macronen argazkia petrolio faltsutan sartu du Bizi! mugimenduak urtarrilaren 19an, presidenteak bost urteko agintaldian egin duen "sabotaje klimatikoa" salatzeko. Macronek bere kargualdian justizia klimatikoan eta sozialean... [+]


2022-01-05 | ARGIA
Macronek txertoa jarri ez duten herritarrak “izorratu” nahi ditu

Frantziako Errepublikako lehendakariak horixe adierazi du Le Parisien egunkariari emandako elkarrizketan. Adierazpenen ondoren, kritika handiak jaso ditu ezker-eskuinetik.


Frantziako presidenteak musulmanak haserretu ditu

Mahomaren karikaturak ikasgelan erakusteagatik muturreko islamista batek irakasle bat hil ostean, “separatismo musulmana” kritikatu zuen Frantziako presidente Emmanuel Macronek eta eraikin publikoetan Mahomaren karikaturak proiektatu zituzten ondoren. Gehiegizkoa... [+]


2020-10-28 | ARGIA
Frantziako Estatu osoan konfinamendua ezar dezake Parisek ostegun arrats honetan

Frantziako Estatua neurri berriak hartzeko prestatzen ari da koronabirusaren pandemiari aurre egiteko. Besteak beste, ostegunetik aurrera indarrean sartuko litzatekeen konfinamendu berri bat aztertzen ari da Eliseoa eta itxialdia gutxienez lau astez luzatzea mahai gainean dago... [+]


Irakurrienak
ASTEKARIA
2022ko urtarrilaren 16a
Azken albisteak
Argia buletina
Egunaren laburpena
zure e-postan
Eguneraketa berriak daude