ARGIA.eus

2022ko urtarrilaren 25a

AEBek droneekin milaka zibil hil dituztela frogatu dute beren dokumentu ezkutuek

  • Gudarako droneen teknologian milioika dolarreko inbertsioak egin ostean, “historiako aire kanpaina zehatzena” iragarri zuen AEBetako presidente Barack Obamak. 2014tik gaur arte Pentagonoak bildutako dokumentuak aztertzen bost urte igaro ostean, ordea, ez zela hala izan erakutsi du New York Times-eko kazetari Azmat Khanek.

Lander Arbelaitz Mitxelena @larbelaitz
2022ko urtarrilaren 16a
AFP
AFP

Gerra-eremuetan harrapatuta geratzen diren milaka zibil hil dituzte  AEBek Afganistan, Siria, Irak eta beste herrialde batzuetako gerretan. Horixe ondorioztatu du Azmat Khan kazetariak bi puskatan argitaratutako The New York Times-en ikerketan, Pentagonoko barne-dokumentuak eta aire-erasoen inguruko txostenak aztertzen, eta bizirik atera diren dozenaka pertsona elkarrizketatzen aritu da bost urtez. Lehen parteak izena du Aire eraso hilgarrietan joera okerrak utzi dituzte agerian Pentagonoaren erregistro ezkutuek, eta bigarrenak AEBen aire guden giza kostua. 2014az geroztik hildako zibilen –asko haurrak– kasu zehatz ugari jasotzen dituzte erreportaje hauek eta jarraian xehe aipatuko ditugu krimen horietako batzuk:

2016eko uztailaren 19an, goizaldeko 03:00etan, AEBetako Operazio Berezien Unitateak bonbardatu egin zuen ustez ISISeko kideak “prestatzen ziren eremua”, Siriaren menpeko Kurdistanen. AEBek egun hartan publiko egin zuten 85 gerlari hil zituztela, baina egitan, guda eremutik urrun zeuden etxeak bonbardatu zituzten, non baserritarrak eta beren familiak zeuden babes hartuta, bonbardaketa eta tiroetatik ihesean. 56 eta 212 zibil artean hil zituzten, “familia osoak erraustuz".

Azmat Khan ikerketa kazetariak atera ditu argitara informazio hauek.

2017 hasieran Iraken, AEBen hegazkin militar batek kolore iluneko auto bat begiz jo zuen bidegurutze batean Mosulen, Wadi Hajar auzoan. Bonba auto bat zela ondorioztatu zuten eta eraso egin zioten. Barruan Majid Mahmoud Ahmed, bere emaztea eta bi haurrak –erreportajeak ez dakar beren izenik– zeuden, borroka eremu batetik ihesean ari ziren herritarrak. Familia hau eta beste hiru zibil hil zituzten aire eraso hartan.

2015eko azaroan, gizon bat “objektu pisutsu ezezagun bat” arrastaka eramaten ikusi ostean ISISen “borroka posizio defentsibo batera”, AEBetako armadak Ramadi hirian eraikin oso bat bota zuten behera eraso batean. Militarrek jaso zuten txosten baten arabera, “altuera txikiko pertsona bat” –haur bat, alegia– hil zen erasoan.

Ikerketarik gabe: inpunitatea

Erreportajeek publiko egin dute Pentagonoaren ezkutukeria zibilen heriotzen aurrean, horrek dakarren inpunitatearekin. Hilketa hauetako bat bera ere ez dute sakon ikertu gerora AEBek, ez inor zigortu ere. Kazetariak idatzi du oso kasu gutxitan egin zirela publiko azterketak, ez duela kasu bakar bat ere aurkitu non irregulartasunen aurrean zigor neurririk hartu dutenik, guztira dozena bat herritarri bakarrik ordaindu dizkieten kalte-ordainak, nahiz eta eraso hauetatik bizirik irtetea lortu duten zibil askok arreta mediku garestia behar izan, utzi dizkieten ezintasun fisikoengatik.

Kanal hauetan artxibatua: AEB  |  Kazetaritza

AEB kanaletik interesatuko zaizu...
Itzalaldien itzalak

1977an New York hirian tximista baten ondorioz gertaturiko itzalaldi elektrikoak ondorio berehalakoak izan zituen, nagusiki Bronx, Brooklyn eta Harlemeko auzo txiroetan: gainbehera ekonomikoaren ezinegonak herritarren haserrea piztu zuen.


Google Analyticsek EBko datuen babeserako legea urratzen du, Austriako ebazpen baten arabera

Oraindik neurtzen zailak diren ondorioak izan ditzake Austriako datuen babeserako agintaritzak (DSB) ostegunean Google Analyticsi buruz hartutako erabakiak. Erakunde horrek adierazi du multinazional estatubatuarrak webguneen trafikoa zenbatzeko eskaintzen duen tresna etengabe... [+]


2022-01-10 | ARGIA
Patenterik gabeko COVID-19aren aurkako txerto "librea" Indian erabiltzea baimendu dute

Patenteetatik libre dagoen COVID-19aren aurkako txerto berri bat sortu du Texasko haurrentzako ospitaleko txertoen garapenerako zentroak (AEB). Indiak dagoeneko onartu du txerto hori erabiltzeko emergentziazko baimena eta haren sortzaileek espero dute laster Indonesian,... [+]


Noa Eshkolen mugimendu notazioa, Sharon Lockharten begiradaren bitartez

Mugimendua deskonposatzen bide-urratzailea izan zen Eadweard Muybridge argazkilari eta ikertzaile britaniarra. Argazki segiden bitartez lasterketa-zaldien mugimendua era zehatzean jaso ahal izan zuen lehenengoz, eta 1887. urtean Animal Locomotion liburua argitaratu zuen,... [+]


Irakurrienak
ASTEKARIA
2022ko urtarrilaren 16a
Azken albisteak
Argia buletina
Egunaren laburpena
zure e-postan
Eguneraketa berriak daude