‘Merketina’, gezurrari etekina!
Akaso ez al da egia merketinak sarritan dakarkigun mezuak gezurretik gehiago/gehiegi duela? Eta hori hala izanik ere, legea ez dela justizia bihurtzen, ahal guztidunak ahal gutxidunen kontura, hitz jokoak baliatuz, iruzur egiten ari diren arren?
Auskalo egunean zenbat aldiz irakurtzen edo entzuten dugun: “Zure segurtasuna zaintzen dugu”; “Elkarrizketa hau grabatu egingo dugula jakinarazten dizugu, baina aipatu zereginetarako bakarrik erabiliko dugu”; “Zure telefono zenbakia ausaz aukeratu dugu galdeketa arin bat egiteko… Nongoa zara? Ze ikasketa dituzu? Lanbidea? Nork du etxeko ardura? Lanak erdibana egiten al dituzue?… Nori eman zenion botoa hauteskundeetan? Datozenetan nori eman asmo?”; “Zure atsedena eta ardura gure esku. Utzi zure adinekoen zaintza eta zama gure eskuetan”; “Telefonia konpainiatik deitzen dizut eta beste edozein konpainiak baino merkeago egingo dizugu”.
"Badakit baratzeetan darabiltzagun zenbait produktu ez direla hain bio, baina
ez gaitu salbatuko energia nuklearra berdea dela dioen merketinak"
Telefono konpainiak, aseguru etxeak… hasita daude bezeroari urtero joateko beren bulegora esaten eta saiatzeko urteko kuota merkatzeko ahaleginean. “Baina hori egingo didazu ni joan beharrik gabe, ezta? Ni betiko bezeroa nauzu!”; “Bai, baina etorri hala ere, bestela agian ezingo dizut merkatu…”; “Zer da hau? Nik ez dut merkeago ezer nahi, horrek esan nahi baitu benetan dagokiona baino gehiago kobratzen ari zaizkidala! Esan kosta-prezioa eta horri eutsi ahal den bitartean…”.
Ulertzen dut bezeroak erakartzeko eskaintza ezohikoak egiteko beharra ere: egunkariak Errioxako ardoa saltzen edo, auzolanean euskararen alde, Nafarroako Erriberako baratze produktuak eskaintzen… onartzen dut; eta muinean, ekintza hauekin lehen baino hobeto zaintzen direlakoan nago ingurumena eta inguru horietako herritarrak. Munduko beste puntatik ekartzeak kutsatzen duena saihesteko beharra ere hor baitago!
Entresaka
Bizi nahi dut baserrikoa kontsumituz, jarritako prezioan, eta kilo bat sagar erosten badut eta ale bat gehiago eransten badio baserritarrak, biok irabazten dugula eta hurrengoan ere berari erostea nahi duela ulertuko dut. Badakit baratzeetan darabiltzagun zenbait produktu ez direla hain bio, baina ez gaitu salbatuko energia nuklearra berdea dela dioen merketinak, ezta gure dirua jaso eta xentimorik itzuli gabe irabazi galantak dituzten bankuek ere… Eta herrira presaka, galduta iristen diren pakete garraiolariak zer, zeinek sortu ditu?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Sei urte, sei urte luze, pasa dira Ciudadanos alderdi politikoak bere mitina egin zuenetik gure herrian. Bere mitina apirilaren 14an, errepublikaren egunean, eta inongo ordezkaritzarik ez duen herri eta lurralde batean. Ohituak gaude horrelako probokazioekin, baina egia da... [+]
Portugaletera bazoazte, autobidea utzi eta hiriko sarrerako bi erreiko bide bazterrean 40 ardiko artaldea ikusiko duzue agian. Makilarekin zaindari dute alboan artzaina, iluntzetan itxituran sartu eta egunez pisu-lantegi arteko zelaietan bazkatzen du artaldea. Bere izena izan... [+]
“Ez dakit” esaldi itzela da, baina zenbat kostatzen den esaten ikastea! Irakasleoi, batez ere, ikasleek eta gizarteak orojakileak garela sinistarazi digutelako. Beraz, eskola-emaileoi ezjakintasuna aitortzeak lotsa eta larria eragiten digu, gure ahultasun hori... [+]
Ikasturte hau, zalantzarik gabe, ekitaldi handien ikasturtea izan da. Horrek hainbat hausnarketa eragin ditu kalean, eragile sozialetan zein sareetan. Eragin baino gehiago, azaleratu; egon bazeudelako lehenago ere. Esan beharrik ez dago: aisialdia ez da erantzukizun politikotik... [+]
Lagunen arteko erlazioak fluidoen fisikaren pean daude, amodio erlazioak baino gehiago, Zygmunt Bauman gorabehera. Ez du gura esan amodio harremanak, egun, solidoak direnik. Likuadora-ren soziologoak saiakera gomendagarria idatzi zuen horretaz, Maitasun likidoa, azpitituluz Giza... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Pasa den astean kontabilitatea egiteko software libreko programa instalatu nuen ordenagailuan. Ez dakit lurralde guztietan berdin izango den, baina Bizkaian jarduera ekonomiko bat garatzen dugunok Batuz atarian egin behar ditugu fakturak. Batuz ataria ondo dago, baina... [+]
Kooperatiben mugimenduak euskal nortasunaren sakoneko afektu bat esnatzen du gehienetan. Kontzeptuarekiko gertutasun, harrotasun, lurraldetasun bat. Eta bizirik dabil, kooperatibek gaurkotasun handia irabazi dutelako, ez da iraganeko historiako ekimen euskaldun bat... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Lehengoan batera elkarrizketatu gintuzten Gonzalo Hermo poeta galiziarra eta neu. Kontatzen nion niri ere gustatuko litzaidakeela esatea nire aurrekoak marinelak izan zirela, baina nire familian denak dira galdatzaileak. Gainera, eremu industrial batean bizi naiz, itsasotik... [+]
Prekaritateak prekaritate, Euskal Herriko ezkerreko militanteak, oro har, ez gara txarto bizi. Udako oporrak dira horren adibide, asko baikara atseden plan bikaina dugunok; ikastaldi aroko gure ekologismoari, ordea, keroseno kiratsa dario. Zein baino zein hegaldi garestiagoak... [+]
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Wesley Clark AEBetako jeneralak azaldu zuen moduan, 2001eko plana zen bost urtetan zazpi herrialde hartzea: Afganistan, Irak, Somalia, Sudan, Libano, Siria eta Iran. Ez dira bost urte izan, baina denak, azkena Siria, erori dira, Iran izan ezik.
Iranek erasoak Sirian, Iraken... [+]