Heineken vs. Brasilgo ondarea

  • Brasilen, 11.000 urteko giza arrastoak aurkitu zituzten eremu batean lantegia eraikitzen ari da Heineken multinazional herbeheretarra, agintariek baimena eman eta gero, hango balio arkeologikoa kontuan eduki gabe. Eztabaida pil-pilean dago.

1974an, Brasilgo Lapa Vermelhan, duela 11.000 urteko emakume baten arrastoak aurkitu zituzten. Amerikako giza arrastorik zaharrenak ziren, eta kontinenteko populatzeari buruzko teoriak irauli zituen.

Orain, Heineken enpresa herbeheretarra fabrika bat eraikitzen ari da eremu horretan. Berriki agerian geratu da, garagardo ekoizleari baimenak emateko orduan, Brasilgo erakundeek ez zutela kontuan hartu hango balio arkeologikoa.

Une honetan obrak geldirik daude, eta eztabaida, aldiz, pil-pilean: fabrikak 350 lanpostu zuzen sortuko ditu, inguruan eragin ekonomiko nabarmena izango du, baina oraindik oso gutxi ikertua dagoen aztarnategi garrantzitsua arriskuan jartzen du.


Kanal honetatik interesatuko zaizu: Arkeologia
Larrahe jainko baskoiari eskainitako aldare bat aurkitu dute Larunben
I. mendeko harrizko pieza bat da, eta Baskoieraren idatzizko beste lekukotasun bat. Aranzadi Zientzia Elkarteko ikerlariek egin dute aurkikuntza, Arriaundi mendiko aztarnategian.

Neandertal arkaiko baten fosilak aurkitu dituzte Karrantzako El Polvorínen

Neandertal baten 18 arrasto aurkitu dituzte Karrantzako El Polvorín kobazuloan dagoen beheko galerian, Lehenengo Osina deitua. Guztiak banako bakarrarenak direla uste dute, eta, haien ezaugarri morfologikoetan oinarrituta, neandertal arkaikoenak direla azaldu du Asier... [+]


Ebakuntza onkologiko zaharrena

Duela bi urte, Edgard Camarós arkeologo katalanak bi giza garezur eta "Minbizia?" zioen txartel bat topatu zituen kartoizko kaxa baten barruan, Cambridgeko Unibertsitatean. Garezurrak Gizatik zetozten, Egiptotik eta berriki Frontiers in Medicine aldizkarian... [+]


Mikroplastikoak ondare arkeologikoan

York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]


Baskoien beste herrixka baten aztarnak aurkitu dituzte Nafarroan eta AHTren lanek suntsitu ditzaketela salatu dute

Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela.  Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.


Eguneraketa berriak daude