Piromania
Autoan noa eta ezin dut burutik kendu Oliver Laxeren O que arde pelikulako elkarrizketa bat: kartzelatik atera berria den piromanoa bere herrixkara bueltatua da, amaren etxera. Ama-semeak zuhaitzei begira daude, haritz gaixotuei, eta gaitza nola etorri zaien horretaz ari dira hizketan: kamioi batek ekarri omen zuen onddo hiltzailea. Haritzen gainetik eukaliptoak gailentzen dira. Sustrai sarriak dituzte, lurra pobretzen dute eta inguruko landarediari bizitzen eragotzi. Amak orduan sufritzen duenak sufriarazten duela esaten du, eta ez dakizu eukaliptoei buruz ari den, edo bere semeari buruz. Eta egia da: jende askok gorroto ditu eukaliptoak. Eta egia da: zaurituek egiten dituzte zauririk sakonenak. Autoan noa eta Anariren Piromania kanta etorri zait burutara. “Zuk hainbeste zaintzen duzuna, eder eta egi izan dadin… Baina zuk ere nola basoa adina sua maite duzun…” Eta kasualitateak zer diren, edo kausalitateak, O que arde-ko piromanoa lanbidez basozaina da Galizian, eta jarraitzen duzuen poeta baten aita: Xela Arias.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Urte bat bestearen ondotik, 87 urte joan dira astelehen lazgarri hartatik, apirilaren 26 hartatik; azoka eguna Gernikan, heriotza eguna. Suzko eta berunezko egunak eta urteak ondoren. Hildako ugariren gainean porlana eta isiltasuna. Porrota eta sufrikarioa. Nortasun debekatua,... [+]
Garai batean nire ustez naftalinaz gainezka zeuden esaldiak erabiltzen hasia naizela antzeman dut. Zahartzen ari naizen seinale ote? “Osasuna badugu behintzat-eta, gustura egoteko moduan gaude!” edo “gure garaian jan ez, baina barre...”. Eta tristuraz... [+]
Azken hamarkadan, EAJk hiru harrobitatik datozen kargu publikoen esku utzi du Eusko Jaurlaritzako sailen kudeaketa. PwC eta Andersen bezalako aholkularitza-enpresetan aritu zen talde bat nabarmentzen da. Beste talde garrantzitsu bat karrerako funtzionarioek osatzen dute... [+]
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]