ARGIA.eus

2021eko azaroaren 30a

Estralurtarrak: inoiz izan ez den talde bat?

Xalba Ramirez @xalbaram
2021eko azaroaren 14a
Another Frontline Compilation 94/00 | Estralurtarrak | Hegoa diskak.

Whatsapp bidez heldu zait. Kobaneko Josebak entzun berri du Paralelo3-n, 1990eko hamarkadako Iruñeko elektronika talde baten kantu bilduma kaleratu duela Hegoa Diskak diskoetxeak. Diskoetxea ezagutu bai, baina Another Frontline Compilation 94/00, ez.

Ximaur ona, bai. Barrionuevo, Alternatiba Demokratikoa, eta beste garaiko diskurtso politikoak sampleaturik, erritmo kutxa analogikoak, eta sintetizagailu monofonikoen laguntzaz. Erdizka ekualizatuta, batzuetan nahigabeko polirritmiak sortzen dira.

Estralurtarrak da taldearen izena eta taldekideak MC Buztana, DJ Ipurdi, Urtzi eta Ekaitz. Zortzi EP kaleratu zituzten 1994 eta 2000 artean, eta ondorengoa diskoetxeak hala du jasota: “Bigarren Aukera izeneko teknopop talde berria osatu omen zuten, inolako arrakastarik gabe”. Influentzien artean Hemendik At! aipatzen dute, baina horien lehen lana 1997koa da eta ordurako estralurtarrek bost EP kaleratuak zituzten. Zerbait ez doa ondo.

Iruñeko konfiantzazko ximaur banatzaileari bota diot. Eta hara, berak ere ez du ezagutzen. Mugimendu hartan zebilen jendeari galdetu behar! Klub zaleak, raveroak, musikazale frikiak... Zeru eta lurrean inork ez daki ezer estralurtarrei buruz.

Googlek ere, ezer gutxi: bi blog sarrera eta bideo bat. 2013ko eta 2016ko sarrerak dira, baina sorpresa, editatuak daude! Bideoa Euskadi Gaztean egindako elkarrizketa bat da, baina gezurrak buztana labur. Bikoizketa da, eta gainera, Urola Kostako euskalkian!

Hegoa Diskak-eko Mikel Acostarengana jo dugu, beraz. Musikazale amorratua, altxor bilatzailea. Gure aurkikuntzaren berri ematean zur eta lur geratu da: “Zer diozue baina, ez direla existitu?”. Martin lagunak deskubritu zuen taldea, Youtubeko El barco chino kanalean. Estralurtarrak-en 'club fan' batekin egin zuen topo eta berak pasa zizkien kantuak, EGIko Julian Jantzi edo Bozkatu Herri Batasuna afixekin egindako diskoen azalak barne.

Euskal Rock Erradikalaren 80ko hamarkadaz gehiegi hitz egin da gurean. Ezer gehiago gertatu izan ez balitz bezala. 90eko hamarkada aski emankorra izan dugula gogoratu behar behin eta berriz. Garaiko punk eta hardcoreak Ingalaterratik zetorren elektronika berria ezagutu zuen, bakalaoa eta technoa etorri aurretik, Massive Attack eta The Prodigy taldeen bidez. Esperimentazioa hasi zen, disko txikiak grabatuz eta lagunen artean banatuz.

Estralurtarrak-en misterioa argitu gabe jarraitzen dugu. Baziren? Dena fake bat da Ferminen Zuloak-en bezala? Edo besterik gabe, etxean musika elektronikoarekin esperimentatu zuen lagun taldea da, sekula bere lana kaleratu ez zuena, eta orain tankera honetako mezuren bat bidali nahi digu: “Bai, gu han izan ginen eta etorkizunetik gatoz”. Elektronika gauza zaharra delako, lagun.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Diskoak

Diskoak kanaletik interesatuko zaizu...
2021-11-28 | Xalba Ramirez
Urrutiko palmondoan hamalau, gerturatu eta hogeita hamabost

Euskal folklorea reggaera emana. Ideia sinple batean laburtzen da Reggaean jarrai lan kolektibo eta korala. Euskararen tradizioa ulertzeko era ireki eta bizia, fosiletik ezer ere ez duena.

Herri kantu tradizionalak, XIX. mendeko egileen sortak –Xenpelar,... [+]


2021-11-21 | Iker Barandiaran
Mondraueko musikaren arkeologia

Arrasaten jardunaldi oso bereziak antolatu dituzte azarorako. Herrian jaio berri den Ez Donk Amaitu izeneko ekimenak, punkaren iragana, oraina eta etorkizuna balioan jarri nahi duenak, Arrasateko 80ko hamarkada nolakoa zen erakusteko, gogoratzeko eta ikasteko hainbat ekintza... [+]


2021-10-31 | Xalba Ramirez
Laranjondoari eta etxeko beste zuhaitz guztiei
Krak | Maite Larburu | Zart.

Manex eta Ximun Fuchs eta Maite Larburu. Hirukote bat oholtza gainean, Amua antzezlanean, maitasunaren gogoetan: “Bi laranja erdi eta hiru bihotz”.

Antzerki obra baterako egindako soinu banda? Edo disko bat antzezlan bihurtuta?... [+]


2021-10-24 | Iker Barandiaran
Garapen natural eta heldua
Cavaré | Northagirres | Folc Records.

Urretxu edo Zumarraga entzuten dudan bakoitzean hango The Hot Dogs! taldeaz oroitzen naiz ezinbestean. Hango ia erreferente bakarra dut eta ez edonolakoa gainera.

Pandemia betean ikusi nuen Northagirres taldea zuzenean... [+]


2021-10-10 | Iker Barandiaran
Gogoz berpiztu
Phoenix | The Clayton | Autoekoizpena.

Aramaio Arabako herri euskaldunena da, hurbiltasunagatik Arrasaterekin lotura handia daukana. Hala, aramaioarrek gertutik bizi izan dute alboko herriak (izan) duen musika bizitza handia. Dena den, gutxi dira han sortutako taldeak eta... [+]


Irakurrienak
ASTEKARIA
2021eko azaroaren 14a
Azken albisteak
Argia buletina
Egunaren laburpena
zure e-postan
Eguneraketa berriak daude