Askotan esan izan da gazteak direla musikaren oraina eta etorkizuna; gazteei lekua egin behar zaiela haiek dituzten kezka eta musika estiloak adierazteko. Baina, era berean, onartu beharra dago zoritxarrez ez dagoela horrenbesteko ‘itxaron zerrendarik’ eta edozeinek –adinaz harago– daukala eskubidea barruan daukana ateratzeko.
Azken hamarkadetan argi ikusi da Oñatin punkak presentzia handia izan duela. Horren erakusle argia da Oñatiko rockaren historia ederki errepasatuta Iñigo Biain Berraondok idatzitako Alanbre-hotsa eta jazbana. Oñatiko rockaren historia txikia liburua.
Hori esanda, herrian punk giroan aritu izanagatik eskarmentua daukan boskote batek talde berria sortu du: Larru Beltzak. Underground giroan zeresana emandako taldeetan aritutakoak dira bostak; hala nola, Sospechosos, Golpe de Estado, Papalagi, Antihumano, CC627 eta beste batzuetan. Eta oraingoan ere, ez genuen kontrakoa espero, punka da esku artean dakarten proposamenaren oinarria, baina baditu ñabardura asko. Naiarak oso modu garbian abesten du, eta estreinako disko honetarako idatzitako hitz esanguratsuak merezi beste nabarmentzen dira. Melodia itsaskorrak landu dituzte, ‘gutxiago gehiago da’ leloari jarraituta ihes egin diote punkaren garraztasunari eta gitarren gehiegizko presentziari. Iraganeko soinua landu dute.
Dena lehertu baino lehen hasiera ederra da: antzinako soinua daukan punk melodikoa, sarkorra. Bidejokoetan hardcore melodikoa eta punk-rock gitarreroa ezkontzen dituen pieza borobila. Nork epaituko du epailea? Altsasuko gazteen aldeko eta mendekuaren kontrako deiadar oso-oso melodikoa. Bizitzaren gidoia The Boys-en arrasto handia daukan punk sarkorra. Zertarako? punk-rock-and-rolleroa. Hortik aurrera diskoan kantei amorrua eta indarra gehitzen zaie: Erretzen nau azkarragoa da, ukitu ilun eta erritmo zein armonia jostariak ditu. Ehortzi nahi nauzue-k denetatik dauka: rock urbanoaren zantzuak, 77ko punkaren leloak… Bukatzeko, Bidai luze bat ia-ia Commando 9mm-ri gorazarrea da; melodia borobila badu ere, punkaren ostia txarrena dauka.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]