ARGIA.eus

2021eko apirilaren 18a

Abestiak zaurietan

Uxue Apaolaza Larrea
2021eko apirilaren 04a

Gure bizitzako kantak, maiz, ez ditugu guk aukeratzen. Momentuetan sartzen dira, argazkietan oinezko ezezagunak bezala. Konfinamenduaren urteurrenari jaramonik egin gabe nenbilen, entzun nahi ez nuen abesti batek nire pragmatismoari zaplazteko bat eman dionean. Mespretxuz tratatzen ari nintzen kanta batek, hain zuzen ere, sinesten ez ditudan hitzez josia: “Zeinen ederra izango den”.

"Zoriontasunaren oroitzapena baino labana zorrotzagorik ez dago batzuetan"

Nire talaiari onartzen dizkiodan pribilegioen jakitun, amorruak lekualdatu ditut, minak besteengan marraztu, eta konfinamenduan semearen animatzaile soziokultural, kartoizko jostailuen artisau, sukaldari, mendeko izan nintzen, nire lan-konpromisoak betetzeko gai sinetsi nuen nire burua eta dena pasarte epiko batera mugatu nuen nire gogoan, irribarretsu, soineko loredunak soinean, logale ibiltari. Kitto, itxita.

Youtuberen bihurgune batetik irristatu da kanta, eta ezustean hartu naute lehen notek, irudiek: oso aspaldikoak dirudite. Eta ezin diot zotinka negar egiteari utzi. Buruan bi urteko semea ikusten dut ohean saltoka, abestia hasi orduko “hori, hori!” oihuka, “ez kendu!”, 45 metro karratuko bere munduaren erdian, zoriontsu. Zoriontasunaren oroitzapena baino labana zorrotzagorik ez dago batzuetan.

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Koronabirusa

Iritzia kanaletik interesatuko zaizu...

ASTEKARIA
2021eko apirilaren 04a
Azkenak EGILEA
Argia buletina
Egunaren laburpena
zure e-postan
Eguneraketa berriak daude