Pentsioak eta berdintasuna blindatu

  • Azaroaren 10eko Espainiako hauteskundeetan jaurtitako promesak betetzeko ordua iritsi da.

Ñabardurak ñabardura, alderdi politiko guztiak –Espainiako Estatukoak zein Hego Euskal Herrikoak– pentsio duin batzuen alde agertu dira eta emakume eta gizonen arteko berdintasuna aldarrikatzen dute, nola arlo sozialean edo lanean. Bai pentsioek bai berdintasunak denoi eragiten digute, helduak izan edo gazteak izan. Beraz, promesa horiek bete ditzatela eskatzeko ordua ere iritsi zaigu.

Hauteskunde gauaren ondoren sortuko den Espainiako Gobernuak beharrezko neurriak hartu beharko lituzke pentsioak eta berdintasuna blindatzeko. Baina blindatu bakarrik ez, balioan jarri ere bai, eta milioika alargun eta herritarrek jasotzen duten gutxieneko ordainsaria handitu behar luke. Kalean mobilizatzen ari diren pentsionistei erantzun behar diete eta 1.200 euroko gutxieneko pentsioa ezarri. Gobernu autonomikoek ere badute erantzukizunik auzi honetan, baita baliabideak ere, pentsio horiek osatzeko. Berdintasunaren arloan, bestalde, garbi dago: lan berdina, soldata berdina.

Horretarako dirua behar da. Eta badago. Nola lortu? Krisi garaian bankuei emandako 60.000 milioi euroak berreskuratuz; bankuei, enpresa handiei eta multinazionalei zerga berezia ezarrita; zerga-paradisuak pertsegitzen; militarren eta Errege Etxearen faktura erabat murriztuta; ustelkeriaren bidez lapurtutako dirua itzularaziz…  

Plan hori aurrera ateratzeko, eta soldatak, osasun zerbitzuak edo hezkuntza hobetzeko, borondate politikoa edukitzea nahikoa da. Espainiako Gobernuaren gain dago ardura, baina baita Urkullu, Chivite eta hitza eman duten beste guztien gain ere.


Kanal honetatik interesatuko zaizu: Espainiako hauteskundeak 2019 (A10)
2019-11-14 | Aritz Galarraga
HUMANITATEAREN UNE GORENAK
Hauteskundeak

Ondo gogoratzen du noiz izan zen lehen ziztada: 2019ko apirilaren 28an. Espainiako hauteskundeekin kointziditu baitzuen. Modurik txepelenean gertatu zen: beti bozkatzen duen –tradizioz, konformismoz, are abulia puntu batez– alderdiaren boto papera hartu eta... [+]


INFOGRAFIAK | Non izan zen alderdi bakoitza indartsuen A10 hauteskundeetan?

Zein udalerrietan izan da indartsuen EAJ? Zeinetan EH Bildu? Non bozkatu da gehien Ahal Dugu? Eta Vox non da indartsuen Euskal Herrian? Zein dira PSOEren indarguneak? Eta PPrenak? Kontsultatu guztia infografia interaktiboen bidez.


2019-11-13 | ARGIA
EAJk ordezkari bat galdu du Espainiako Kongresuan PPren mesedetan

EAJk Bizkaiko azken diputatua galdu du PPren mesedetan, atzerriko botoengatik eta gaizki zenbatutako 200 boto ingururengatik.


2019-11-13 | ARGIA
Aitor Esteban, PSOE-UP paktuaren ostean: “Ziur akordio asko lor ditzakegula”

Asteartean PSOEk eta Unidas Podemosek Espainiako Gobernua osatzeko akordioa sinatu zuten, baina bi alderdi horien batura ez da nahikoa inbestidura ziurtatzeko. Nola jokatuko du EAJk Madrilen dituen zazpi diputatuekin? Aitor Estebanek ez du gauza askorik argitu oraingoz.


Eguneraketa berriak daude