Politikariak gu gara
aurre egingo dieten hedabide independenteak
"Politikari guztiak berdinak dira”. Esaldi hori aditzen dudan bakoitzean, egonezinak kolpatzen nau. Norbaitek bere burua apolitikotzat jo edo munduko hiritar gisa aldarrikatzen duela entzunda nabaritzen dudan egonezin berak.
Beste klase bateko erranaldiekin ere gertatzen zait: arinagoak izan daitezke –proportzio baterako, aplikazio informatikoak intuitiboak direla ziurtatzen dituzten azalpenak–, edo hanpadura larriagokoak –amatasunarekiko mirespenak aletzen dituztenak kasu–.
Gezurra edo egia izan, berdin dio azkenean: esamolde milaka aldiz errepikatu horiek tinko itsasten dira gure burmuinetan, eta zailak dira harrotzeko.
Sinplifikazioak direnez, tranpak hauteman daitezke haietan, esan gabe esaten diren gauzak, iradokiak, eta esan gabe uzten direnak, ezkutatuta.
Horrek guztiak oso baliagarri egiten ditu manipulazio-tresna gisara.
Politikari guztiak berdinak direla aldarrikatzen denean, jende asko dator bat horrekin, segur aski ez dakielako nola egin aurre politikak eragiten dion dezepzio-sentipenari. Politikari guztiak berdinak direla esanda, diagnostiko lasaigarri bati heltzen ahal diogu: politika etsigarria da, baina gu ez gara horren errudun, errua politikariena baita.
Esaldiak, ordea, herritarrengandik aparte paratzen ditu politikan dihardutenak, arrakala sortuta batzuk eta besteen artean. Arrakala faltsua, politikariak herritarrak baitira, herritarron ordezkari, eta beraz, gure on eta txar guztien isla.
Politikari guztiak berdinak direla esaten badugu, esan gabe esaten ari gara haiek baino hobeak garela –zintzoagoak ote, eraginkorragoak?–. Eta ezkutuan gordetzen dugu, esan gabe, politikarekiko destaina lauso bat, aldentze bat. Politikarekiko asperraldia. Eta hori, azken buruan, guztion aferetan (finean hori baita politika) guztiekin kontatu gabe manatu nahi dutenendako mesedegarria baino ez da. Horiek, herritarren gauzetan herritarrokin kontatu gabe agindu nahi dutenek, bultzatzen dituzte arbuioa eta nazka politikari eta politikan ari direnei.
Ez dakit nola, baina duintasuna itzuli beharko genioke jardun politikoari. Politika inportanteegia da herritarrondako, funtsezkoegia, eta ez genuke utzi beharko politika gutxiesteko helburuz politikari guztiak berdinak direla iradokitzen digutenen eskuetan. Hauteskunde gehiegi egiten direla edo erreferendumak ez direla beharrezkoak diotenen eskuetan alegia.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Setioa hausteko Palestinara janaria zeramaten aktibista batzuk atxilotuta jarraitzen duten bitartean, honako gogoeta hau:
Bigarren Mundu Gerra hasi aurretik, Hitlerrek beste herrialde batzuetako lurrak konkistatu bazituen ere, Mendebaldeko potentziek ez zuten ezer egiten... [+]
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Asilo-leku sakratua Erdi Aroko lege bat zen, zeinaren bitartez justizia atzetik zituztenek elizaren eta monasterioen babesari hel ziezaieketen. Akaso, bi mila urtetan ongia egin zuten apurra. Eta, jakina, ahal bezain azkar, lege hura desegitera jo zuten, desagertu zen arte. A ze... [+]
Bilboko Udalak iragarri du Lancor-Elgorriaga eta Consonni pabiloiak berehala eraitsiko dituela, eta segidan, Udalbatzan aurkeztu du lan horiek bizkortzeko proposamena, kontuan hartu gabe 80 pertsona inguru bizi direla bertan baldintza negargarrietan: euren ondasun urriak... [+]
Gero eta ahots gehiagok –ez eskuinetik bakarrik– “migrazioaren arazoari” ausarki helduko diotela aldarrikatzen dute. Narrazioa nahi baino ezagunagoa da: lanpostuen, zerbitzu publikoen eta baita etxebizitzaren gaineko lehian ere, baliabideak omen direlako,... [+]
Gaua egiten denean, eraikin asko ipurtargi bilakatzen dira hormigoizko basoan. Egunez ezkutuan gorde duten barnealdea eszena pusketetan voyeaur begibistara agertzen dira, argiztapen artifizialaren magia bitarteko. Gaueko auto zein oinezko paseoetan lurraldea eta eraikinak... [+]
1. Bernedo terrorismorik gabeko eremu bat izango da, erradikalik gabea, eta ez da mehatxu bat izango bizilagunentzat.
2. Bi aldeak proposamenarekin ados badaude, gerra berehala bukatuko da. Patriarkatuaren indarrek adostutako lerrora egingo dute atzera, bahitutako dutxak... [+]
Kosta egiten da hitz autorizatuak eraikitzea gaur den egunean, nahiz eta hitz horiek zerbaiti buruzko ezagutza sakona duten pertsona batzuenak izan. Maria Teresa Andruetto idazle argentinarrari entzuna nion ohartarazpena: jakintzarekiko eta lan iraunkorrarekiko... [+]
Txikitan, Txiki eta Che Guevara nahasten nituen. Umetako lainoarte baten moduan gogoratzen dut, baina gerora ulertu dut: Txikik Che miresten zuen. Horregatik, haren aurpegi mitikodun kamisetarekin agertzen da bere argazki gogoangarrian, eta Askatasun haizea poema euskarara... [+]
Onartzen dut sare sozialek nahi baino denbora luzeagoa kentzen didatela hainbatetan, eta guztiak ezabatzeko ideia buruan ibiltzen dudala maiz. Debate antzuak gogaikarriak eta bortitzak iruditzen zaizkit batzuetan, eta geroz eta zabalagoa den eskuin muturreko ideien presentzia... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Hasiera batean, memea ez nuen behar bezala ulertu, hitz hori entzuterakoan gustu txarreko irudiak zetozkidan burura, ustez grazia egin behar lidaketenak. Memeka zebilen mundu guztia nire inguruan, mugikor bidez irudi horiek igorriz, nire ustetan hutsalkeriak zabaltzeko besterik... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]