Estrategikoak
aurre egingo dieten hedabide independenteak
Esku artean dugun proiektuaren azken helburua garbi izanik, erabaki estrategikoak hartzean, dauzkagun baliabideak egokiro nola erabil ditzakegun aztertu behar ei dugu.
Estrategikoa, proiektua, baliabideak... Hitz handiak. Omen.
Ezin omen zaie eskatu kirol emanaldietan urteetan aditu rolean aritu direnei, komunikazio tresna duten hizkuntza, lanetik kanpo, landu dezaten. Ez omen dute soldatatxoa jasotzen euskaraz txukun aritzeagatik, adituak izateagatik baizik.
Era berean, ezin omen zaie eskatu prentsaurrekoetara azaltzen diren kirolariei, ahalegintxoa egin, eta euskara landuxeagoa erabil dezaten. Kirolariak dira, ez euskara irakasleak.
Ez omen da ulertzekoa, kirolari elkarrizketatuak erdaraz ere baldin badaki, soilik euskaraz erantzuteko aukera izatea.
Ez omen da parte onekoa kirol emanaldiak euskara hutsean eskaintzea, gure hizkuntza ulertzen ez dutenek ere zergak ordaintzen dituztela kontuan izanda.
Azkenik, gustu txarrekoa omen da, besteak beste euskarari esker lana duen kazetariari, kamera edo mikro aurrean ez dagoenean ere, euskaraz jarduteko eskatzea.
Euskaltzaleen Topaguneko buru berria den Kike Amonarrizek esana da giro sozio-politikoa hobera aldatu dela, eta, euskara erdigunera eramanez gero, egungo egoera balia daitekeela aurrerapauso erabakigarriak emateko. Primeran.
EHUko Patxi Azpillaga irakasleak esan berri du, ikerketa talde baten ondorioak laburtzea xede, EiTBn erdarazko kateetan euskara gehiago sartzea komeni dela Euskal Herriko komunikazioan erreferentzia izateko. Dotore oso.
Ildo berean, EiTBko zuzendari nagusi Maite Iturbek Eusko Legebiltzarreko kontrol batzordean azaldu du erakunde publiko honek %20ko diru igoera behar duela aurrekontuetan, lehen katea indartu ostean, plantea daitekeelako euskarazko saio batzuk bigarren katean ematea erdarazko azpitituluz lagunduta. Erabat ados, baina…
Agian zuek erabaki estrategikoak hartzen dituzuen horietakoak zarete. Ni ez. Niretzat estrategikoa da lankideak euskaraz ari direla entzutea; urteetan ondoan izan ditudan kirol adituak euren euskara txukuntzen ari direla jakitea; erdaraz galdetu beharrik ez izatea euskaraz dakienari; kirol emanaldiak nire hizkuntzan jarraitzea; herri bat garela sinesten duen kirolariak denontzat hitz egitea. Guztiok uneoro aletxoa jartzen ez badugu, euskararen etorkizuna besteen eskuetan utziz, akabo estrategiak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gauzak ez dira horrela, baina horrelaxe daude, bai. Euskal erreferente politiko ofizialak Espainiara eta Frantziara begira daude Euskal Herrira bainoago. Estebanek eta Otegik etengabe kontseiluak ematen dizkiote Sánchezi gobernagarritasun modu berriaz eta Espainiako... [+]
Ez naiz buruan ideia hau darabilen bakarra, asko gara munduan Whatsapp eta Telegram mezularitza aplikazioak hartzen ari diren botereaz kontziente bide hori jorratu nahi dugunak.
Familia, lagunak, komunitateak, lana, komunikabideak... Mezularitza aplikazioekin dena dugu... [+]
Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Herria astekariaren ez hain aspaldiko aleak irakurtzea aski da antzemateko Mixel Garikoitzek Lapurdiko, Nafarroa Behereko eta Zuberoako gizarte nagusiki katolikoan utzitako arrastoaren sakonari.
Ibarreko Garakoitxeko semea, bertze ordezkaririk ez du Iparraldeak Erromako... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Semea futbol talde batean jolasten da eta, kurtso amaieran jokatutako hamaika torneoren artean, Athletic Cup-era gonbidatu dute bere ekipoa aurten. Txapelketak laurehun talde eta 5.000 futbolari inguru batu ditu; haur eta nerabe, senideak eta lagunak kontatu gabe. Itzelezko... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.
Euskal Herrian ere... [+]
Azken urteotan Donostian gero eta ozenago entzuten ari gara bizilagunen ahotsa: turistifikazioa gure hiria itotzen ari da. Joan den ekainaren 15ean, ehunka donostiar atera ginen berriro kalera gure bizi-baldintzak eta bizimoduak defendatzera. Jendartearen eta auzoen beharrak... [+]
Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Ikastetxeetako ikasgelak, tamalez, espazio gatazkatsuak izaten dira askotan eta, gatazka gehienetan gertatzen den moduan, emozio intentsuak eta minak izaten dira. 2022an, ikastetxeetan aritzen diren beste eragile batzuekin batera, azken urteetan ikasgela askotan bizirik dagoen... [+]