Dirdirak eta fantasiak

Edu Zelaieta Anta
2019ko urriaren 20a

Ez dakit Argia foro egokia den nire fantasia (kasik) erotiko baten berri emateko. Hala ez bada, barkatu. Akaso film (estatubatuar) gehiegi ikusi ditut eta, ondorioz, irudi mitifikatua dut publizitateko kreatibo deitzen diren profesionalen gain. Baliteke. Kontua da nik ere nahiko nukeela parte hartu halako prozesu apartsu batean, beste enpresa baten enkarguz, kanpaina bat diseinatzeko nahiz lelo erakargarri bat asmatzeko.

Izan ere, ororen gainetik, nire hiriko bi kirol talderik ezagunenak enpresak dira: Alaves eta Baskonia. Enpresa bakarrean bilduak dira biak: Grupo Baskonia–Alaves Group. Saskibaloiaren kasuan, Kirolbet da babesle nagusia; futbolaren kasuan, berriz, Betway. Funtzio publikoa betetzen omen duten etxeko taldeen elastikoetan apustu-etxeak ageri dira. Sosak, sosen gainean. Txin-txin.

Get ready to shine leloa aukeratu dute Baskoniako bazkideen kanpaina egiteko aurten. Dirdira maite dugu, nonbait. Eta kirolez mozorrotutako fikzio epikoa ere bai. Ez didazue ukatuko, beraz: (hagitz) onak dira kreatiboak gure fantasiez ari direnean.

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Baskonia

Iritzia kanaletik interesatuko zaizu...
ASTEKARIA
Azkenak
EGILEA
Eguneraketa berriak daude