Emakumeak borrokan

Gose grebalari kurduak justizia eske

  • 2018ko azaroaren 8an utzi zion jateari Leyla Güven legebiltzarkide kurduak. Mundua beste alde batera begira den bitartean, gose greban 100 eguneko langa kritikoa gainditua du berak, eta atzetik beste 400 kurdu baino gehiagok protestarekin bat egin dute. Eskaera bat eta bakarra dute: Abdullah Oçalan buruzagi presoaren 20 urteko isolamendua amaitzea. Hori lortu arte ez dutela jango diote.

Lander Arbelaitz Mitxelena @larbelaitz
2019ko otsailaren 24a
Leyla Guvenen gose grebak kalera atera ditu berriro ere milaka kurdu.
Leyla Guvenen gose grebak kalera atera ditu berriro ere milaka kurdu.

Kurduek bero hasi dute 2019. urtea. Bobby Sands eta beste bederatzi gose grebalari irlandarrek espetxean bizitza galdu zutenetik laster 40 urte beteko direnean, Leyla Güven izeneko politikari eta ekintzaileak borroka molde bera hautatu du Öçalanen isolamendua amaitzea helburu.

Euskal Herrian bere izena oso ezaguna ez bada ere, 55 urteko emakume honek feminismoari eta herri kurduaren aldeko borrokari eman dio bizia. Emakume Askeen Mugimenduko (TJA) kidea eta ilegalizazioen ostean sortutako KCD alderdi kurdu abertzaleko presidentea da, beste kide batekin kargua partekatuz. Küçükdikili herriko alkate izan zen 2004 eta 2009 bitartean eta Viransehir herrikoa 2014 arte. Turkiako legebiltzarkide hautatu zuten ondoren HDP koalizio ezkertiarraren izenean, plaza zaila kurduentzat inondik ere. Turkiako armadak Siriaren menpe dagoen Afrin eskualde kurduan egin zuen inbasioa kritikatzeagatik 2018ko urtarrilaren 22an behin-behinean atxilotu zuten. “Erakunde terrorista gidatu eta babestea” egotzita 31 urte eta erdiko espetxe zigorra du jokoan.

Azaroaren 17an gose grebari ekin zion eta nazioarteko elkartasun presioa tarteko, urte honetako urtarrilaren 25ean askatu zuten, baraualdian 79. eguna bete zuenean. Bere eskaera bete ez zutenez, etxean protestarekin jarraitzen zuela jakinarazi zuen. 98. egunean larri eraman zuten ospitalera, eta bertan medikatua izateari uko egin zion.

400 lagun gose greban

“Leyla Güvenen eskaera gure eskaera da” lelopean, 400 lagunek baino gehiagok bat egin dute gose greba mugagabearekin. Iraken menpeko Hego Kurdistanen Nasır Yağız izeneko gazteak bi aste geroago hasi zuen baraualdia, eta lehenak 100 egun bete zituenean, honek 87 egin zituen. Hau ere oso kritiko dago. Ipar Kurdistandik joandako erbesteratu politikoa da. Honez gain, hainbat herrialdetako kideek osatutako Nazioarteko Bake Delegazioak adierazi du –PKK eta PJAK erakundeetako– 313 preso politikok ere Guvenek hasitako bideari ekin diotela Kurdistan eta Turkiako espetxeetan. 60 egunetik gora daramatzate hauek gose greban. Kurdistango emakume talde ugarik ere gose greba abiatu du, baita hamaika ekintzailek atzerrian ere: Frantzia, Gales, Libano eta Kanadan, adibidez.

Speak up for Leyla kanpainaren presioari esker urtarrilaren 12an Abdullah Öçalanek bere anaiaren bisita azkar bat izan zuela jakinarazi dute. Lehen bisita izan da bi urtean, ezohiko baldintzetan lotua eta indarrean dagoen bisita-prozeduratik kanpo. “Turkiako gobernuak Güvenen erresistentzia apurtu nahi du. Hala ere, Öçalan ez dute isolamendu egoeratik atera. Gose grebalariek gobernuaren planak agerian jarri eta garaitu egin dituzte, erresistentzia zabalduz”.

Leyla Guven, artxiboko argazki batean.
Zergatik Öçalan?

Kurdistandik kanpo batzuetan zail egiten da ulertzea zergatik emakume kurduek ere Öçalani ematen dioten horrenbesteko zentralitatea, bizitza emateko prest egoteraino. Ez al da hori kontraesana ikuspegi feminista batetik? Hona Munduko emakumeei gutun irekia artikuluan Leyla Güvenek berak nola arrazoitu duen.

“Emakume kurdua naiz. Emakumeen aurkako injustiziari buruzko nire kontzientzia Öcalan jaunari esker garatu dut. Berak emakumeen askapenaren aldeko borrokari eman dion garrantziari esker, milioika emakumek borondate indartsua garatu dugu. Esnatze gisako bat bizi izan genuen eta ni emakume horietako bat naiz. Ikasi nuen nire generoarekin bakean bizitzen, pentsaera patriarkala borrokatzen eta feminista izaten. Öcalan jaunarengandik ikasi genuen gizartea soilik izango dela libre, emakumeak libre direnean. Ordutik, urte luzeetan emakumeen askatasunaren alde egin dut borroka eta hala jarraituko dut.

Nire esnatzea zor diodan Öcalan jauna isolamendu ziega batean daukate preso 20 urtez. Isolamendua amai dezatela eskatzeko gose greba abiatu nuen. Milioika kurduk ikusten dugu gure borondate politikoak Öcalanek ordezkatzen dituela. Ekialde Hurbilean eta munduan bakea eraikitzeko ahaleginetan ari den aktore garrantzitsua da bera. Preso gisa bere eskubide eta askatasunak ukatu dizkiote, herrialdeko eta nazioarteko legedia hautsiz”.

Otsailaren 15ean 100 egun bete zituen gose greban Güvenek. Egun hartan 20 urte bete ziren 1999an Öçalan –APO ezizenez– Kenyan atxilotu zutela hainbat herrialdetako inteligentzia zerbitzuek elkarrekin egindako operazioan. Hasiera batean heriotzera kondenatua, ondoren bizi osoko espetxe zigorra ezarri zioten. Imrali uhartean goi segurtasun espetxeko preso bakarra izan zen lehen hamar urteetan. Azken urteetan ez zuen inork lortu berarekin harremanetan jartzea. Antikapitalista sutsua, bere liburuetan behin eta berriro erdigunean jartzen du patriarkatua borrokatu beharra.

Nola amaituko da kontua lehen hilotza mahai gainean jarriz gero? Mugituko al da Erdoganen Turkiako estatua? 

Leyla eta bere alabetako bat.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Kurdistan

Kurdistan kanaletik interesatuko zaizu...
"Biji" Kurdistan

Biolentzia betikotzen denean ikuslea immunizatzen da, txerto bat jartzea modukoa da. Ural mendietatik haragoko errealitateei europar instituzioek eta hiritarrek ez ikusiarena egiten diete, eraginkortasun txundigarriaz. Ehunka ekintzaile kurdu, zaila zenbat esatea, gose greban daude. Muturreraino eramandako gose grebak dira, eta hiltzen ari dira. Beste batzuek beren gorputzei su emanda egiten duten aldarria: azken 20 urteak kartzelan daramatzan Abdullah Öcalan PKKren buruaren erabateko... [+]


Kurduen gose greba masiboa iruditan
MULTIMEDIA - erreportajea

Dagoeneko 7.000 kurdu baino gehiago gose greba mugagabean daude Abdullah Öcallan beren liderraren isolamendua amaitzea eskatzeko. Azken hilabeteetan gutxienez zortzi hil dira "sakrifizio ekintza" moduan beren buruaz beste eginda. Hemen duzue iruditan kurduen ekimena.


2019-03-25 | ARGIA
Bosgarren hildakoa: Beste preso kurdu batek bere buruaz beste egin du igandean

Martxoaren 24an, igandea, bere buruaz beste egin du Oçalanen isolamendua salatzeko Medya Çınar preso politikoak, ANFn irakur daitekeenez. Mardin hiriko espetxean zeukaten eta 24 urte zituen.


2019-02-13 | ARGIA
JARRAIPENA | Zortzigarren hildakoa: beste preso batek ere bere buruaz beste egin du

Leyla Guvenek 2018ko azaroaren 8an hasi zen gose greban. 55 urte ditu. Erdoganen alderdiak Afrinen egin zituen operazioak salatzeagatik espetxeratu zuten "erakunde terrorista gidatu eta babestea" egotzita. 31 urteko espetxe zigorra jarri zioten. Urtebetez espetxean izan ostean, gose grebaren 79. egunean askatu egin zuten. Ehunka lagunek bat egin zuten bere protestarekin, gose greba mugagabeak abiatuz.


2019-02-08 | Leyla Güven
Munduko emakumeei gutun irekia, gose greban 100 egun betetzear den Leyla Güven kurduaren partez

Emakume agurgarriak, nahiz eta gure geografiak milaka kilometrok zatitu, pozik nago nire ahotsa heldu zaizulako. Munduko iskina oso ezberdinetan gauden arren, emakume gisa, beti aitortu izan dugu elkar. Hypatiak dioen bezala, "gutako inor ez da berdina, baina batzen gaituzten gauzak banantzen gaituztenak baino handiagoak dira". Ahizpak gara. Gehien batzen gaituzten gauzak askatasunaren aldeko borroka, era guztietako faxismoen, diktaduren eta pentsaera patriarkalaren aurkako... [+]


85. eguna gose greba mugagabean Leyla Guven kurduak, Ocalanen isolamendua amaitzeko eskatuz

Abdullah Ocalan PKK-ko buruzagi historikoaren espetxe isolamentua amai dadila eskatzeko, 85. eguna bete du gose greban Leyla Guvenek. HDP alderdiko legebiltzarkidea eta DTK alderdiko presidentea da. Mundu mailan Guvenen protestari oihartzun ematen ari dira ekintzaileak eta dozenaka lagunek gose greba abiatu dute batean eta bestean.


2019-01-08 | Topatu.eus
Hitzaldi bira bat eskainiko du udan Rojavan izandako brigadista talde batek

Irakaspenak jaso eta elkartasuna adierazteko asmoz joan ziren hainbat euskal herritar udan Kurdistango Rojava eskualdera. Bertan ikasitakoak partekatu asmoz egingo dute hitzaldi bira urtarrilean eta otsailean, sei herritan.


2019-01-07 | Hala Bedi
Rojavako Iraultzaren ekarpenak etxera ekartzeko unea

Aurreko udan Kurdistanen egondako talde batek, internazionalismoaren beharra azpimarratuz egin du publiko brigada. Hala Bedi Tabernan hitzaldia eskainiko dute urtarrilaren 30ean, baina ez da bakarra izango.


Hondamendia eragin du presa baten matxurak Kurdistanen

Diyarbakir probintziako iparraldean, Turkiaren menpe dagoen Kurdistanen, Dicle urtegiko presako ate bat hautsi zen abenduaren 13an eta urak inguru guztia hartu zuen.


ASTEKARIA
Azkenak
EGILEA
Eguneraketa berriak daude