Bi gazte atxilotu ditu Ertzaintzak Araban

  • Topatu.eus atariak jakinarazi duenez, bi gazte atxilotu ditu Ertzaintzak Araban, Gasteizen bata eta Amurrion bestea, eta haien etxeak miatzen ari da.


2019ko otsailaren 07an - 10:06
Galder Barbado 2016an atzeman zuten lehenbizikoz. Irudian, aske geratu zen unea. / Aiaraldea

Aitor Zelaia da Gasteizen atxilotutakoa, eta Galder Barbado Bonilla amurrion atzeman dutena, Aiaraldea Gaur webguneak jaso duenez.

Espainiako Auzitegi Nazionalaren aginduz egin dituzte atxiloketak. Datozen orduetan eramango dituzte Madrilera deklaratzera.

Galder Barbado, 2016an ere atxilotu zuten

Oraindik ez dute zabaldu zer leporatzen dion poliziak. Ez da lehenengo aldia gaztea atzematen dutela. Izan ere, 2016ko maiatzaren 25ean Guardia Zibilak eraman zuen preso Gasteizko kuartelera, Urduñan izandako Gazte Danbada jaialdian terrorismoa goratzea egotzita, baina ordu gutxiren buruan askatu zuten.

Aurrez ere poliziaren jazarpena salatu izan du gazteak, Aiaraldea Gaur agerkariak dioenez. 2011n agerraldia egin zuen, beste hiru gazterekin batera, jasotako mehatxuak ezagutarazteko. 2008an -18 urte zituela- errepideko kontrolean geratu eta mendira eraman zuen kolpatzeko Guardia Zibilak. 2009an, berriz, Ertzaintzak kalean ADN proba egiteko ilea ematera derrigortu zuen, "eskuak ahoan sartzearekin batera". 2011n, ostera, bere autoko sarrailan kola jarri eta “jodete” (izorra zaitez) idatzi zioten.


Kanal honetatik interesatuko zaizu: Ertzaintza
"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


2024-03-20 | ARGIA
Agerraldi psikotikoa zuen gizon bat hil da, Ertzaintzak "bortizki esku hartu" ostean

Drogen eraginez agerraldi psikotiko betean zen 36 urteko gizon batek Poliziaren laguntza eskatu zuen Astigarragan, pasa den otsailaren 2an. Lagundu ordez, Ertzaintzak gizona bortizki tratatu zuela eta anbulantzian sartu zutenerako hilda zegoela salatu du haren familiak.


Gomazko pilotak erabili al ditu Ertzaintzak Gasteizen, lehen aldiz Cabacasen heriotzaz geroztik?

Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]


2024-03-15 | Gedar
Larunbatean, "estatuen indarkeria eta errepresioa" salatuko ditu EHKSk Donostian

Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.


Eguneraketa berriak daude