'Geuria' hilabetekaria eta webgunea abian dira Hego Uriben
Azken urteotan, euskarazko prentsa egiteko saiakera bat baino gehiago izan dira Bizkaiko Hego Uribe eskualdean, baina denek egin dute porrot lehenago edo geroago. Geuria proiektua Basauriko Euskara Aholku Batzordetik sortu da eta Udalak diruz babestu du.
Basaurin, Galdakaon, Arrigorriagan, Etxebarrin eta Zaratamon hilabetekariaren 10.000 ale banatuko dira. Gune publikoetan egongo da Geuria eta etxean jaso ahal izateko eskaera egin behar da.
Bi langile izango ditu egitasmoak (Jon Villapun izango da zuzendaria) eta horrez gain, kolaboratzaileak eta bizilagunak ezinbestekoak izango dira. Esate baterako, hilero erredakzio bilera irekiak antolatuko dituzte herrietako eta auzoetako bizilagunek aldizkarian eta webgunean landu nahiko lituzketen gaiak proposatzeko.
Basaurin euskarazko azken aldizkaria 2012ko urtarrilean desagertu zen. Berbaz hedabidea 2010eko urrian abiatu zuen Sustraiak Fundazioak, bizkaieraz.
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
