Bi album helarazi dizkigu Txalaparta argitaletxeko Mikel Sotok, tapaki gogorrekoak biak, inpresioaren kalitateagatik eta irudien orijinaltasunagatik ikusgarri egiten diren horietarikoak. Bata, Ez da munduan min handiagoa ematen duenik, Paco Livanek idatzia –Boli Kostako herri-ipuin batetik abiatuta, antza– eta Roger Olmosek ilustratua. Hiena bat eta erbi bat ditu protagonistak eta, oro har, zintzotasunaz dihardu.
Iban Barrenetxearen Zurginaren ipuina dugu bestea, 2012an Euskadi Saria jasotakoa, gaztelaniazko haur eta gazte literaturan. Euskaraz bikain emana dago, Arkaitz Goikoetxeari esker. Firmin zurgin fina du protagonista, eta Von Bonbus baroi gerrazalearen jokamoldea istorioaren gakoa. Testu luzexka du, albumetan ikusi ohi denarekin alderatuta. Aipamen berezia, halaber, lau tolesetan emana eta posterraren moduan zabaltzen den ilustrazioari.
Motzean esanda, ipuin-ipuina da zurginarena, irudimen eta ingenio handikoa, umorea ardatz nagusitzat hartu duena. Izugarri dibertitu naiz.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
