Irudia egin

Irudia egin, itxura egin, damu irudia egin. Irudialdatu, antzaldatu. Artista ezagun batek irudiz osatutako egutegi bat prestatu du, keinu ikonoklasta batean bere eskuekin irudiak zulatuz eta itxuraldatuz. Zulatutako irudiz beterikoa egunkaria da. Honakoa dio urtarrileko orrialde zulatuak: “Irudi oro hitzen munduan sortzen da. Ez dago hitzetik bananduta dagoen irudirik, ez dago hitz egiten ez duen hitzik. Hizkuntza irudiak ekoizten jaiotzen da”. Hitzak Georges Didi-Hubermanenak dira. Mediatizazioa eta espektakularizazioa dira irudiak desagerrarazteko tresnarik boteretsuenak. Bitartekari baten bidez iristen zaizkigu beti irudiak eta horixe da, hain zuzen ere, irudiak itoarazi eta haiek ikusten uzten ez diguna. Itxurakeriaren irudikerian bizi gara. Sutearen ostean ez da deus geratzen, baina sutea gertatu aurreko segundo horretan, keinu ikonoklastaren azken segundo horretan du irudiak, eta ondorioz hitzak eta keinuak ere bai, bere indar gorena, bere potentzia maximoa. Eraikin ofizialetan paratutako artazien debekuarekin gertatu den modura. Desagertu aurreko instant horretan.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2024-06-19 | Tere Maldonado
Lehiakortasuna hezkuntzan

Saldu eta erosi giza jarduerak dira batik bat. Merkatuak eta azoka txikiak espazio publiko zalapartatsu eta biziz beteak dira, soziabilitate-lekuak, non behar ditugun gauza baliotsuak topatzen ditugun (janaria, arropa, tresneria), bidezko prezio baten truke. Bertan, gizaki... [+]


Eragin esferak eta soberania

Europako Parlamentuko hauteskunde kanpainan geundela, Iñaki Galdosek Berria-n artikulu interesgarria idatzi zuen azalduz EH Bilduk iragarri zuela Hego Euskal Herriak 1986ko erreferendumean NATOri emaniko ezetza defendatuko zuela Europan. Ondoren, Galdosek herrialde... [+]


Eguneraketa berriak daude