Herritar gehienak babesik gabe
Espainiako Gobernuak oso baldintza zehatzak betetzen dituzten kasuetan soilik geraraziko ditu etxetik kaleratzeak, bi urtez. Dekretuak ez du aldatuko EBk gaitzetsitako hipoteken legea.
Errenta eskasekin irauten duten milaka familia hipotekatu, babesik gabe utziko ditu Rajoyren Gobernuaren lege-dekretuak. Gobernuak “muturreko egoeran” dauden gutxi batzuen kasuak soilik geraraziko ditu, bi urteko moratoria aplikatuz. Ez du azaldu nahi izan zenbat laguni eragingo dien, baina etxetik kanporatuak izateko arriskuan dauden herritarren gehiengoak ez du aukerarik izango.
Lau kideko familia: amak egun erdiko lana du, aitari paroa bukatu zaio, eta 3 urtetik gorako bi seme-alaba dituzte. Lege-dekretu berriak ez ditu horrelako egoerak aintzat hartzen, eta hipoteka ordaindu ezean, etxetik botako dituzte.
Oso kasu zehatzen kanporatzeak soilik geraraziko dituzte: 19.200 eurotik behera irabazi eta hipotekaren kuota errenta horren erdia baino gehiago denean, eta horrez gain, familiaren inguruko baldintza hauetako bat betetzen dutenean: familia ugaria edo bi haurren guraso bakarra izatea; 3 urte baino gutxiagoko haur bat egotea; familiako kideren bat ezindua, menpekoa edo gaixo larria izatea, edo %33tik gorako ezintasuna duen pertsona langabeturen baten kargu izatea; kide guztiak langabezian eta prestaziorik gabe egotea; genero indarkeriaren biktima izatea.
“Pobreak euren artean lehiatzen jartzea bezala da”
Etxetik kanporatzeen kontrako taldeen esanetan dekretua “adabakia” besterik ez da eta ez du ezertarako balioko. Bartzelonako hipoteken kontrako mugimenduko Ada Colauk Europa Press agentziari honakoa adierazi dio: “Dekretua zentzugabea da, pobreak euren artean lehiatzen jartzea bezala da, ea zein den pobreago”.
Jadanik martxan dauden 400.000 kanporatzeak bere horretan utzi ditu Espainiako Gobernuaren erabakiak, ez baitu atzerako eraginik; ez du aurreikusten etxearekin ordaintzeko modurik, eta Hipoteken Legea ez du ukitu ere egiten. Julianne Kokott Europar Batasuneko Justizia Auzitegiko abokatu nagusiaren irizpidearen arabera, Espainiako hipoteken legeak ez dio babesik ematen herritarrari, bankuen “neurriz kanpoko klausulen” aurrean.
Egunero Hego Euskal Herrian batez beste 17 familia bota dituzte euren etxeetatik azken hilabeteotan. Azaroaren 9an Amaia Egañak bere buruaz beste egin zuen Barakaldon, etxetik kanporatu behar zuten unean. Gertaerak sumindura sortu du jendartean eta alderdi politikoak eta bankuak mugiaraztera derrigortu ditu, baina Expansion egunkarian irakurri dugun datu hotz bat gailentzen ari zaio gupidagabe justizia sozialari: Espainiako bankuek 489.000 milioi euro dituzte euren balantzeetan etxebizitzen hipoteken kontura. Dena nahi, dena galdu dio esamoldeak.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.