ARGIA.eus

2022ko abenduaren 09a
Koldo Tellitu

"Gurea baino publikoagorik ba al dago?"

  • Euskal Herriko Ikastolak europar kooperatiba-elkarteko burua, hots, Ikastolen Elkartekoa.

Iñigo Azkona
Aritz Galarraga @aritzgalarraga
2012ko azaroaren 18a

Nik entzun dut ikastolak ez direla eskola pribatuak.

Galdera da: “Gurea baino publikoagorik ba al dago?”. Herritik sortutakoak gara, ekonomia sozialean oinarritutakoak, irabazi asmorik gabekoak eta zerbitzu publikoa eskaintzen dugunak.

Baina, sosik ezean, normala da administrazioak bere ikastetxeak salbatu nahi izatea.

Ez, administrazioa Hezkuntza Sistema osoaz kezkatu behar da, hezkuntza eskubidea bermatzeaz eta hezkuntza den zerbitzu publikoa eskaintzen duten ikastetxe guztiei laguntzeaz.

Ikastolak eta krisi ekonomikoa. Txarra da harremana, edo ez hainbeste?

Ona ez, baina aurre egiteko errezetarik eraginkorrena dugu, Ikastolen arteko elkartasuna, eta herri bat, Euskal Herria, laguntza eskatzen diogun orotan erantzuten duena, badakielako nor garen.

Hezkuntza munduan erreferentzia...

Gure proiektuan oinarrizkoa da Ikerketa+Garapena, eta oraintxe bertan Euskal Curriculumaren garapena. XX. mendeko ikastolen erronka euskara izan zen moduan, Euskal Curriculuma da XXI. mendeko gure erronka.

Eta jendarteak eta eskolak ez dute euskalduntzen. Ikastolek ere ez?

Gure esparruetan euskararekiko zaletasunaren tentsioa mantentzen dugu, baina inguru sozial osoan euskararen egoera hobetuz ez badoa, burbuila faltsuan ari gara.

Ikastolak eragile sozial izan behar baitira.

Hilabete bukaerara iritsi behar den eragile soziala. Baina bere izaera herrikoiagatik Euskal Herriaren garapenaren subjektu aktibo eta kooperantea da, bere hezkuntza sistema propioarena, euskararena eta bere kulturarena.

Eztabaidak izan dira Elkartean, antolamendu ereduari, botere banaketari buruzkoak.

Duela hiru urte, zauriak sendatzen ari dira. Antolamendu eredua adostasun zabalarekin definitzeko gai izan ginen, baina karguen aukeraketa ez ordea.

Egia al da ezker abertzaleak zuzentzen dituela ikastolen ildoak?

Ez. Beste kontu bat da zelako interesa erakusten duten gure planteamenduekiko. Eta horrek harreman estu eta arina mantentzera garamatza. EAJ eta PSErekin bezala.

Zergatik azaldu dira haserre orduan Elkarteko kide batzuk?

Mugimendu bizi eta anitza gara, eta guztiok helburu bakarra dugun arren –ikastolak– desadostasunak daude estrategiei ala mugimenduaren karakterizazioari dagokionean.

Kanal honetan artxibatua: Ikastolak

Ikastolak kanaletik interesatuko zaizu...
Ikastolen Elkartea: "Zehaztu ditzagun Euskal Hezkuntza Zerbitzu Publikoan parte hartzeko baldintzak, eskubideak eta betebeharrak"

“Eskolaren autonomia erreala bermatzea, publiko-pribatu dikotomia gainditzea eta Euskal Hezkuntza Zerbitzu Publikoa ardaztuko duen sistema arautzea” eskatu diote ikastolek EAEko Hezkuntza Legeari, besteak beste.


2022-11-21 | Euskal Irratiak
Hiriburuko Ametza ikastola berogailu eta ur berorik gabe, energia kostuen goratzearen ondorioz

Zazpi aldiz biderkatu zaio gas faktura Hiriburuko Ametza Ikastolari. Ezin pagatuz, kontratua uztea erabaki dute, eta ondorioz berogailua eta ur beroa ez dute gehiago ukanen haurrek astelehen honetatik goiti.


2022-11-14 | ARGIA
Seaskak giza katea egin du Bordelen azterketak euskaraz egiteko eskubidea aldarrikatzeko

Duela bi hilabete bildu ziren Euskararen Erakunde Publikoa eta Frantziako Hezkuntza Ministerioko ordezkaria, eta brebeta eta baxoa euskaraz egin ahal izateko aukerak negoziatzen jarraitzea adostu zuten. Ordutik, ez da mugimendurik egon ordea. Seaskak giza katea egin du... [+]


2022-11-03 | ARGIA
Zuberoako ikastolentzat dirua biltzeko eguberrietako saskiak salgai dira

2003tik martxan mantendu dute Zuberoako ikastoletako familiek Ikaskoli ekimena. Azaroaren 27ra arte egin ahal izango da eskaria online, eta abenduaren 10etik aurrera jaso. Antolatzaileek nabarmendu dute Ipar Euskal Herrian ikastolak direla euskararen transmisioa bermatzen... [+]


2022-10-30 | Leire Artola Arin
Nafarroa hegoaldetik sortu da euskararen aldeko bultzada berria

Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]



Irakurrienak
ASTEKARIA
2012ko azaroaren 18a
Argia buletina
Egunaren laburpena
zure e-postan
Eguneraketa berriak daude