Izua eta algara
aurre egingo dieten hedabide independenteak
Bikain moldatzen den bikotea da izuak eta algarak Fantasiazko eta Beldurrezko Zinemaren Astean osatzen dutena, eta bereizgarri horri eutsi dio Josemi Beltranek, iaztik jaialdiaren zuzendari –eta Jose Luis Rebordinosen oinordeko–. Aurten ere, urriaren 27tik aurrera, armiarma-sarez eta eskeletoz atonduko dituzte Donostiako Antzoki Zaharra eta Victoria Eugenia, litxarkeriaz eta garagardo katxiz hornituta gerturatuko dira ikusleak, pelikulak iraun bitartean publikoaren garrasiek, komentario umoretsuek eta trufek berotuko dute giroa, mozorroa janztera ausartuko denik izango da, edo katana bizkarrean daraman samurai zale porrokaturen bat, edo aurpegia margotuta paseatzera aterako den koadrilaren bat.
Osotasunean, dibertsioa gailentzen zaio eskainitako filmen kalitateari, eta denetik aurkitu ohi dugu egitarauan, ona eta kaskarragoa. Guztien gogoa asebetetze aldera, nagusiki hiru motatako lanak proiektatzen dira zinemaldian: thriller kutsuko beldur psikologikoarekin jolasten duten istorioak, erraiak eta gorea maiteago dituen terrore efektista, eta izua baino gehiago barregura sortzen duten pelikula ero eta harrigarriak. Edizio honi ez zaio ezer falta: baditu zonbiak, jakina (Cockneys vs Zombies); baditu piztia nazkagarriak, noski, tartean txipiroi erraldoiak eta hiltzeko makina bihurturiko hegalabur pusketak (Dead Sushi; Grabbers); baditu esperimentu susmagarriak, gaixotasun arraroak eta hildakoak, hiltzeko moduak, heriotza sailkaezinak (Sinister; The ABCs of Death; Deranged; Insensibles); eta nola ez, badu anime japoniarra (Blood-C. The Last Dark). Parte hartuko duten zuzendari ugarik eskarmentua dute generoan, tartean Scott Derrickson, Ti West, Xavier Gens eta Noboru Iguchi zinegileek. Srdjan Spasojevic-en lan bat ere izango da; duela bi urte haren A serbian film pelikula aurkeztu nahi izan zuten jaialdi honetan, baina film esplizitua izanik, “sexu askatasunaren aurkako deliturik” ote zegoen ikertzeko proiekzioa debekatu zuen Donostiako epaitegi batek, prebentzioaren izenean. Zinema zentsuratzeko plazer ezkutuak bizi-bizi dirauela erakutsi digute berriki, ez ahal da ostera halakorik gertatuko.
Nostalgikoen gozamenerako, Steven Spielbergen Marrazoa eta E.T. Estralurtarra, David Bowie aktore duen Labyrinth, edota Bill Murray eta gainerako mamu-harrapari xelebreen Ghost Busters gogoangarria ikusi ahal izango ditugu berriz pantaila handian.
Eta zine aretoetatik at, Drakula kondeari buruzko erakusketa Okendon, banpiro bihurtzeko makillaje eta mozorro tailerra –eta segidan poteoa Alde Zaharrean–, lehiaketa, ginkana… Aspertzeko betarik ez: festa eta ikara, elkarren eskutik astebetez.
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Zinemagile iruindarrak, ibilbide labur baina baliotsua egin zuen zinemagintzan 1970eko eta 1980ko hamarkadetan, zuzendari lanetan emakumerik apenas zebilenean. Irrintzi lanarekin garai hartako errepresioa islatu nahi izan zuen, eta Ikuska proiektuan euskal emakumeak erretratatu... [+]
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Jose Manuel Gorospe Meagas aktore eta kultur ekoizle donostiarra zendu da, 81 urterekin, Madrilen. Bizitza osoa antzerkiarekin eta ikus-entzunezkoen munduarekin era batera edo bestera lotuta pasatu zuen Gorospek, eta, besteak beste, Euskadiko Filmategiaren sortzaileetako bat... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Chantal Akerman zinegile eta lankidea hil eta hamar urtera, haren ondarea zabaltzen buru-belarri jarraitzen du Claire Atherton muntatzaileak. Gaurkoan, ordea, Athertoni bere ibilbideaz galdetu nahi izan diot bereziki. Gasteizen, Artium museoko areto batean hartu gaitu,... [+]
30 urte baino gehiago daramatza Zero Chou zinemagile taiwandarrak istorioak kameraren atzetik kontatzen, bai zinemarako, bai telebistarako. Aurten, Zinegoak jaialdiaren 22. edizioko ohorezko saria jaso du.
Bilboko LGTBIQ+ zinema eta arte eszenikoen Zinegoak jaialdiak 2025eko edizioko sariak iragarri ditu. Between Goodbyes eta Alma del desierto dokumentalak izan dira palmaresaren irabazle nagusiak.
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
'Ehun metro', Zergatik panpox', 'Hamaseigarrenean aidanez' eta 'Oraingoz izen gabe' dira zaharberritzen ari diren lanak. Zinemaldiko Klasikoak sailean ikusi ahalko dira.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
