11 ordu bertsotan
Urriaren 27an, larunbatez, Arabako bertso eskolek 30 urte bete dituztela ospatuko dute, egun betez. Asier Lafuente Arabako Bertsozale Elkarteko Sustapen eragileak azaldu digunez, “11 ordu horiekin ugaritasuna irudikatu nahi genuen, batetik, eta bertsoa kalera eta jendartera atera, bestetik”.
1982an Gasteizen (Txusta tabernan) eta Aiaran (Aretako Tunel jatetxean) erein zen bertso eskolen hazia. 30 urteren ostean izugarri ugaritu dira Araban bertsolaritza lantzen duten taldeak: 11 herritan daude bertso eskolak, eta guztira 29 taldetan 190 lagun biltzen dira. Hezkuntza arautuan, berriz, 2.200 haurrek ikasten dute bertsolaritza 41 ikastetxetan.
11 ordu bertsotan ekimenean era guztietako saioak dastatuko ditu entzuleak. 11:00etan emango zaio hasiera Arabako Bertsozale Elkartearen egoitza den Amaia Zentroan. Bertso eskolen sortzaileetako bat izan zen Patxi Aizpuruak kantatuko du hasierako agurra. Segidan, Gasteiz Europako hiriburu berdea dela baliatuz, bertso eskolek ondu dituzten bertso sorta berdeak kantatuko dira, “berde”aren tonalitate guztietakoak (ekologikoak, sexualak, poliziakoak...).
Jarraian, Bertxorakeriketa abiatuko da tabernaz taberna. Izena eman duten bertsolariek zozketaz jakingo dute zein tabernetan eta zein bertsolariren aurrean kantatu beharko duten, beren burua defendatu eta parekoa etzanaraziz. Bost minutuko konbateak izango dira, gai librean. Dagoeneko 14 bertsolarik eman dute izena, besteak beste, Irati Anda, Juan Mari Juaristi, Iker Olabarrieta, Ainara Balantzategi eta Asier Iriondok...
Eguerdian bazkaria egingo da Landatxo kiroldegian eta bazkalostean jokatuko da bertxorakeriketako finala, era guztietako ariketekin.
Arratsaldeko lehen orduetan Bertsodantzaplazan egingo da Landatxon bertan, Araban arrakasta handia lortu duen ekimena. Lautadako bertso eskolako Jotafa euskaldunen txarangak dantzako doinuak joko ditu, baina Oihane Pereak eta Izar Mendigurenek bertsotan markatuko dute erritmoa. Gorka Urturi animatzaileari esker, bertaratutakoek hainbat dantza pauso ikasteko aukera izango dute.
19:00etan bertso batukada egingo da lehen aldiz, Kutxi kalean zehar. Rapean zaildutako Iñaki Viñasprek eta Iker Pastorrek batukada erritmora inprobisatuko dute.
20:30etan Jimmy Jazzen egingo da bertso eskolak omentzeko gala. Bertso eskoletan aitzindari izan ziren Serapio Lopez eta Zigor Enbeitak kantatuko dute hasierako agurra. Ruben Sanchezek euskararen eta bertsoaren gaineko bakarrizketa egingo du eta bertso saioak Arabako bertsolariak eta beronekin harremana izan duten beste lurraldeetako bertsolariak elkartuko ditu. Bertso eskola bakoitzetik ordezkari bana igoko da oholtzara, omenaldi xumea jasotzera.
22:30etan Jimmy Jazzen Bertso Tavern emanaldiak itxiko du eguna. Behin baino gehiagotan eskaini duten moduan, Manex Agirrek, Ander Solozabalek eta Jagoba Apaolazak irlandar musikarekin egingo dute bertsotan.
Antolakuntzan murgildutako Asier Lafuentek egun berezi horretan parte hartzeko gonbitea luzatu dizu “30 urte ez dira urtero betetzen, eta bertsolaritza Araban euskararen akuilua da, funtzio hori betetzen jarraitzen du gaur ere”.
Joxe Azurmendi (Zegama, 1941-2025) idazle, filosofo eta saiakeragilea zendu da. Literatura eta pentsamenduaren arloan lan itzela egindakoa, intelektual gisa ez ezik, euskararen eta kulturgintzaren aldeko mugimenduetan engaiaturik eman zuen bizitza osoa. Besteak beste, Udako... [+]
Altzagatik itsasadarraren parean doan BI-711 errepidearen Jose Luis Goyoaga etorbidearen izena aldatzeko herritarren parte-hartze prozesuaren ondoren, kale horren izen berria Zirgariak etorbidea izango da.
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize, eta horien arduradunak eta goi karguak ikertzeko eskatu du.
Asteartean eginiko bozketan, enpresako zuzendaritzak eginiko proposamenari uko egin eta grebari eustea erabaki dute Iruñeko garraio publikoko autobus gidariek. Iruñerriko Mankomunitateak sanferminetan %70ko gutxieneko zerbitzuak eskaintzea proposatu du.
Adimen Artifizialaz egindako bideoak sareratu dituzte, Mengolini difamatzen dutenak. “Gorrotoa bultzatzea, indarkeria kolektiboa eta bortxazko mehatxuak” izan direla salatu du kazetariak, eta zigor bideari ekingo diola.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
AEBetako presidenteak adierazi du orain Hamasen erantzunaren zain daudela: "Ez badute onartzen, egoerak okerrera egingo du". 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar itzultzea, eta beste hamabosten gorpuak ere... [+]
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Pasa den astean kontabilitatea egiteko software libreko programa instalatu nuen ordenagailuan. Ez dakit lurralde guztietan berdin izango den, baina Bizkaian jarduera ekonomiko bat garatzen dugunok Batuz atarian egin behar ditugu fakturak. Batuz ataria ondo dago, baina... [+]
Kooperatiben mugimenduak euskal nortasunaren sakoneko afektu bat esnatzen du gehienetan. Kontzeptuarekiko gertutasun, harrotasun, lurraldetasun bat. Eta bizirik dabil, kooperatibek gaurkotasun handia irabazi dutelako, ez da iraganeko historiako ekimen euskaldun bat... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Urtebete baino gehiago eman dute hausnarketa prozesuan Aiaraldeko Euskalgintza Kontseiluarekin batera, eta agerraldi bateratua egin dute ateratako ondorioak plazaratzeko. Familiak eta erakunde publikoak ere interpelatu dituzte.