PSEk eta PPk beteko al dute legealdia? Hori izan ezean, EAJrekin ituna lor lezake PSEk?

Zaila. Izan ere, Alderdi Sozialistak eta PPk EAEn –eta Nafarroan ere bai– sinaturik duten akordioa Espainiara begira egina dago, eta akordio hori arriskuan jartzen duenak –gehiengo unionista apurtzen duenak–botoetan ordaindu beharko du Espainian. Nori komeni zaio legealdia kolokan jartzea? Espainiako Kongresurako hauteskundeak egin arte behintzat ez PPri ez PSOEri. Noski, ondoren, EAEko hauteskundeak gerturatu ahala, euren arteko desadostasunak azalduko dituzte. Baina orain akordioa zalantzan jartzea... ez, inola ere, ez batak ez besteak.