Gazta tarta piku marmeladarekin


2004ko abenduaren 12an
Osagaiak

Hondoa prestatzeko:
- 2 arrautza
- 100 gramo gurin, pomadan
- 100 gramo azukre
- 100 gramo pastel-irin ahul
- Ximiko bat legamia hauts

Betegarria prestatzeko:
- 3 terrina gazta fresko, San Millan
edo antzeko
- Litro laurdena esnegain irakin
- 3 orri arrain-gelatina, uretan beratuak eta
xukatuak
- 6 piku lehor, txortenik gabe eta dado
txikitan pikatuak

Gainera:
- Tarta-moldea, 24 bat zentimetroko
diametrokoa
- Piku marmelada ona

Hondoa prestatzeko gaia guztiak gopor batean nahasi eta lortutako orea moldearen hondoan igurtziko dugu. Labean sartuko dugu moldea, 200°ko tenperaturan, eta 15 bat minutuan edukiko dugu, gorritu arte.

Betegarria prestatzeko, esnegaina irakin eta gero erantsiko ditugu gelatinak -aurrez 10 minutuan edukiko ditugu uretan beratzen. Ongi xukatuko ditugu ondoren-. Urtu egingo dira. Gopor batean edukiko ditugu gainerako gaiak eta haiekin nahasiko ditugu esnegaina eta gelatina. Ongi nahasi eta labean erretako tarta-hondo hotzaren barruan isuriko dugu nahastura. Giro tenperaturan mamituko da orea. Hoztu egingo da gero.

Ur pixar batekin edo, nahiago badugu, likore xorta batekin arinduko ondoren piku marmelada. Harekin estaliko dugu tarta, gainetik ongi zabalduz.

Lanpernak nola egosi

2 kilo lanperna fresko -apoa iluna eta oinak lodi-
Erramua, hosto fresko bat
Ura eta gatza

Eltze zabal bat urez bete eta gatza emango dugu: 30 gramo, litro ur bakoitzeko. Erramu hostoa sartuko dugu ondoren. Eltzea tapatu -bizkorrago egosiko da ura- eta bor-bor bizian irakiten hasi orduko irauliko ditugu lanpernak eltzearen barruan. Hantxe edukiko ditugu ura berriro irakiten hasi arte. Borborka hasi eta 15 segundo kontatu orduko aterako ditugu lanpernak. Berehala xukatuko ditugu.

Epeldu eta mahai-oihal eder handi bat paparrean daukagula jango ditugu lanpernak, ez baita haien mantxak osoro garbituko dituenik jaio.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude