Sustrai Erakuntzak salatu du enpresa batek Nafarroako lau eremutan kobre meategiak ireki nahi dituela
Fundazioaren arabera, Aguilar de Codes eta Sorlada artean, Villamayor de Monjardinen, Villlatuertan eta Kasedan ustiatu nahi dute kobrea. Iberian Copper SL izan da Nafarroako Gobernuari lau eremu horietan prospekzioak irekitzeko baimenak eskatu dizkion enpresa.
Nafarroan kobrea ustiatzen zen azken meategia Sorladako Mina Emilia izan zen, Estellerrian, baina 1890 eta 1910 artean irekita egon ondoren mineral eskasiagatik itxi zuten. Bada, Sustrai Erakuntza fundazioak jakinarazi duenez, badirudi kobre meatzaritza itzul daitekeela Nafarroara: fundazioaren arabera, Iberian Copper SL enpresak Nafarroako Gobernuari lau eremutan prospekzioak irekitzeko baimenak eskatu dizkio. Zehazki, Aguilar de Codes eta Sorlada artean, Villamayor de Monjardinen, Villlatuertan eta Kasedan.
Antonio Aretxabala geologoaren ikerketetan oinarrituta, Sustrai Erakuntzaren arabera Nafarroan kobrea zorupetik ateratzeko aukerak "urriak" dira. Fundazioak gogorarazi duenez, mineral hori aurkitu diren zerrendak Nafarroa zeharkatzen du mendebaldetik ekialdera, eta iberiarren nahiz erromatarren garaietako meategi asko aurkitu dira eremu horietan.
Egungo testuinguruan kobreak duen garrantzia ere azpimarratu du Sustrai Erakuntzak. Izan ere, energia berriztagarrien ekoizpena eta kontsumoa gora doan heinean, energia horren pilaketa galarazteko eta banaketa ahalik eta galera txikienekin lortzeko geroz eta paper garrantzitsuagoa jokatzen du kobreak, fundazioaren arabera.
Geoalcaliren kasuarekin antzekotasunak
Fundazioak Iberian Copper enpresaren inguruan dituen susmo txarrak ere aipatu ditu: 2024an sortu zen Salamancan (Gaztela eta Leon, Espainia), 3.000 euroko kapital "urriarekin". Gainera, Sustrai Erakuntzak aitortu du Geoalcali enpresarekin –Zangozako eta Aragoiko lurretan potasio meategi bat bultzatzen ari dena– gertatu den historia errepikatzeko "beldur" direla, haren modus operandi bera baitu Iberian Copperrek: "Meatze-esperientziarik gabeko enpresa bat sortzen da, esploraziorako eta ikerketarako meatze-eskubideak bereganatzen dituena".
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Taldeko kideen aurkako eraso matxistak talde osoaren aurkako eraso gisa ulertzen dituela adierazi du Aroztegiko Elkartasun Komiteak. Komiteak salatu duenez, Aroztegiko epaiketara ikusle gisa sartu nahi zuen jendearen zerrendatik "Baztango mutil-dantzari talde... [+]
Sexu erasoei lotutako epai ugari eman dira azken egunetan, eta bost gizon zigortu dituzte. Tuteran izandako bortxaketa batengatik, bi gizoni 9,5 urteko kartzela zigorra ezarri diete. Gasteizen gizon bati bost urteko kartzela zigorra ezarri diote emakume bat bortxatzeagatik... [+]
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Javier Escudero Pascual (Iruñea, 1979) “poz-pozik” dago erretiroa hartuta nahi beste gauza egiteko astia duelako. Nafarroako Aspace kirol klubeko motordun aulkiko futbol taldeko jokalaria da. Duela urtebete sortu zuten taldea, eta hirugarren geratu dira... [+]
Langileak kexu agertu ziren ekainaren hasieran. Fernando Domínguez Nafarroako Osasun kontseilariak erantzun zien "euren eskuetan" zegoen guztia egiten ari zirela, baina baliabideak "mugatuak" zirela.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
Azkoitian egindako aurtengo lehenengo batzar nagusian batu dira UEMAra ondoko bost herri hauek: Donamaria, Ibarrangelu, Mundaka, Mutiloa eta Ormaiztegi.
Joan den asteko asteazkenetik ostegunera bitarteko gauean istiluak izan ziren Martzillan (Nafarroa), eta hainbat bizilagunek harriak eta aulkiak jaurti zizkieten zentroan zeuden etorkin adingabeei. Bizilagunak kalera irten ziren igandean, "herri seguru bat defendatzeko"... [+]
Joan den astean iragarri zuen BSH enpresak Eskirotzeko lantegia itxiko zuela langile batzordeak, Espainiako Industria Ministerioak eta Nafarroako Gobernuak eginiko eskaerei jaramonik egin gabe. Asteartean egingo dute Enplegu Erregulazioko Espedientearen negoziatzeko lehen... [+]
