Albisteak 

1870. alea
2002-10-06
alde 0    kontra 0

UZEI-K 25 URTE

UZEI terminologia eta lexikografia zentroak 25 urte betetzen ditu aurten eta hori ospatzeko, hainbat ekitaldi antolatu ditu, besteak beste, hizkuntza corpusen inguruko jardunaldiak urriaren 24 eta 25erako. Horrez gain, web gunea (ww.uzei.org) berritu du.


EUSKARAREN ERABILERA BEHERA INTERNETEN

Eustat estatistika erakundeak egindako azterketaren arabera, euskal internautek euskara %5 gutxiago erabili dute urtearen bigarren hiruhilekoan lehenengoan baino. Lehen hiruhilekoan euskal internauten %19,9k erabiltzen zuen euskara eta bigarrenean %14,9k.



AEK EGUNA SANTUTXUN

Urtero bezala, AEK eguna antolatu du Alfabetatze Euskalduntze Koordinakundeak. Urriaren 27an izango da euskaltzale ugari bildu ohi dituen jaia eta Bilboko Santutxu auzoa izango du kokaleku. Eguerdiko hamabietan hasiko da jaia kalejira batekin eta ondoren, Santutxuko hainbat euskaltzaleri omenaldia egingo zaio. «Metroz metro, beti euskaraz» lelotzat duen jaiak hiru gune izango ditu: rockarena, folkaren eta umeena. Besteak beste, Zea Mays eta Piztiak taldeek emanaldia eskainiko dute.



EAE ETA GALES ELKARLANEAN

Hezkuntza, Unibertsitate eta Ikerketa kontseilari Anjeles Iztuetak eta Galesko Hezkuntza eta Etengabeko Ikaskuntza sailburu Jane Davidsonek elkarlan hitzarmena sinatu dute. Hala, euskarazko eta galesezko irakaskuntza bultzatzeko asmoz, elkarri laguntza emango diotela adierazi dute.


AISIALDIA ETA EUSKARA ARDATZ

Berriozarko Udalak «Aisialdia: euskara kolokialaren gunea» ikastaroa antolatu du. Urriaren 15etik 31ra bitartean burutuko da eta aisialdiko irakasleentzat zuzenduta dago. Lagunarteko hizkerari eta jolasei buruzko hitzaldi andana izango da. Matrikula epea urriaren 11n bukatzen da.



Facebook  Twitter  Delicious  Digg 
azala  
azala1869
 
azala1868

1870 zenbakia.
2002ko urriaren 06a

   
Jaso egunero email bakarrean eguneko 10 albisteak. Eta astean behin, astekaria. Dohainik.

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys