Jose Ignacio Lopez de Arriortua, mundu osoan "Superlopez" bezala ezaguna0 den euskal enpresaburua, Madrileko Nazionalaren erabakiaren zain dago, Estatu Batuetara estraditatua izango den jakiteko. Iruzurra eta dokumentu konfidentzialen lapurreta leporatzen diote. Lopezek ukatu egiten du. General Motors-eko lehendakariordea zen eta 1993an Wolkswagen-era pasa zen kargu berberarekin. Amerikako enpresak ez zion barkatu eta bere aurkako ekintzekin hasi zen. Aipatu behar da urte haietan prentsak, Arzalluzek, Praderak eta halakoek Superlopez goraipatu zutela, guztiek uste baitzuten beraien laguna zen "enpresaburu argi eta eredugarria"k Zornotzako Boroan automobil lantegi bat eraikiko zuela. Arzalluzek, proiektu horretan konfiantza zuenez, publikoki erlojua eskuz aldatu zuen lantegia eraiki artean. Baina Arzalluzek erlojua ohiko eskuan jarri zuen berriro eta Superlopezen lagunek publikoki goraipatzeari utzi zioten. Orain, Entzutegi Nazionalaren aurrean, bera goraipatu zuten lagunak ez dira agertu. Superlopezi, Lopez Arriortua orain, bere familiak bakarrik lagundu dio.