BETIMU, BETIZU, BETI LEHIAN
- Ilaski Serranok eta Iban Garatek aurkeztua, norgehiagokak astero-astero Euskal Herriko bi ikastetxe aurrez aurre jarriko ditu.
Lehiaketa honetan, astero Euskal Herriko bi ikastetxe nor baino nor arituko dira, hiru hilabetero izango den finalean parte hartzeko ahaleginean. Final honetara norgehiagoketan puntu gehien lortu duten taldeak helduko dira, eta bertako irabazleak milioi erdi pezeta (20.000 libera) poltsikoratuko ditu.
Lehen saioan Lekeitioko Resurreccion Maria de Azkue ikastetxea eta Iruñeko Jaso Ikastola lehiatu ziren, eta, besteak beste, puzzle handi bat osatzea, soka batetik zintzilik lau metrora dagoen hodi batean baloiak sartzea edota zirkuituak burutzea bezalako frogetan beren trebezia erakutsi behar izan zuten.
"Betizu Arena" saio berriaren aurkezleak Ilaski Serrano eta Iban Garate dira. Ilaski, "Betimu" eguneroko lehiaketaren aurkezle eta Euskadi Gaztea irratiaren esatari da, eta Iban Garatek Goenkale arrakastatsuan parte hartzen du, Arraldeko medikuaren semearen, Aitorren paperean. Bai bata zein bestea saioko haurrekin ongi konponduko direla dirudi.
"Betizu Arena"k, horrenbestez, Euskal Telebistaren haurrentzako programazioa osatzen du. Horrela, urriaren 2an "Betizu"k lehen urratsak eman zituen, etxeko txikienak dibertitzeko helburuarekin. Bidaia honetan, euskal haurrek Betizu, Betisuis eta Eme-u behitxoen laguntza izan dute, unibertsolarienaz gain.
Behi eta galaxietako izaki dibertigarri hauen abentura eta desbenturez gain, egunez egun umeek gustukoen dituzten marrazki bizidunak pantailaratzen dira, eta "Betimu" izeneko musika lehiaketa arrakastatsuak ere bere lekua izaten du. Helburua abesten eta dantzatzen trebeak diren hainbat euskal haur eta gaztetxoren ametsak egi bihurtzea da.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
EHUren ikerketa batean, haur batzuk arkatza eta beste batzuk teklatua erabilita jarri dituzte idazten. Helburua zen jakitea ea irakurtzeko eta idazteko ikasketa-prozesuan alderik badagoen. Emaitza argia atera dute: haurrek eskuarekin egindako mugimenduen bidez ikasten dute... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Euskaraldia martxan da, hizkuntza ohiturak aldatzea bultzatzeko ekimen erraldoia. Milaka eta milaka herritarrek konpromisoa hartu dute, hamaika egunotan, euskarak presentzia gehiago izan dezan euren eguneroko bizitzan. Askorentzat pauso txikia baina ahalegin handia izango da,... [+]
Putaren bakarrizketa eroetxean
- Egileak: Franca Rame eta Dario Fo.
- Itzultzailea: Xabi Martinez De Lezea.
- Aktorea: Laura Penagos.
- Noiz: apirilaren 12an.
- Non: Zizurkilgo Atxulondo Kultur... [+]
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Atarrabiako Paz de Ziganda ikastola ari da antolatzen aurtengo Nafarroa Oinez festa. Gaur aurkeztu dute egun horri begirako abestia eta bideoklipa. Estitxu Arozena bertsolariaren letrarekin eta Igor Martinezek sortutako musikarekin osatu dute.
Ia hiru hamarkada daramatza Aiora Zulaika lasarte-oriarrak Pirritx pailazoa gorpuzten, eta haurrei eta familiei irri egiteko espazio goxo bat eskaintzen, errebeldiaz eta asmo eraldatzailez. Pirritx, Porrotx eta Marimotots pailazoek “Maite zaitut” herri omenaldia jaso... [+]
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte.