Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2025eko uztailaren 30ean
ILUSIOA SALGAI DUTEN AZOKEN ISTORIOA
- Behin batean baziren hainbat liburu azoka Bilbon, Tolosan, Eibarren, Hondarribian, Galdakaon, Laudion... Batzuetan, liburu berriak bakarrik egoten ziren salgai. Besteetan, euskal disko eta liburuak. Hurrengoan, liburu zahar eta aukerazkoak... Baina denetan aurki zenitzakeen ehunka idazlan eta disko, eta ilusioz beteriko jendea salmenta postuen atzean, egin zezakeen hotz, euri edo beroari aurre eginez, bere altxorrik preziatuenak zeureganatu nahian...
Zure babesik gabe independetzia ezinezkoa zaigu
Guztira, urtean zehar 26 bat ekitaldi antolatzen ditugu hiru probintzitan". Asier Muniategi, Euskadiko Liburu Ganbararen euskara arloko arduradunaren hitzak dira horiexek. Euskal Autonomia Erkidegoan burutzen dira bakarrik berak aipatutako azoka horiexek, baina horrek ere badu bere arrazoitxoa, ordea. "Azken batean, Eusko Jaurlaritzako babesa ere badugu, 15 milioi pezeta-edo (600.000 libera) ematen dizkigu urtero, eta horrek lurraldetasunaren zera mugatu egiten du".
Beraz, gehienbat Bizkaian eta Gipuzkoan ikusi ahal izango dituzu azoka hauek, eta Arabako lurraldeari dagokionez, Laudion eta Gasteizen. "Arabak ez dauka beste herri handirik, eta noski, herri txikietan oso zaila da azokak egitea, esfortzu handia eskatzen duelako".
Hona hemen Euskadiko Liburu Ganbaran elkartzen direnak: Euskadiko Editoreen Elkartea (euskarazko zein erdarazko liburuena, bistan da); probintzi bakoitzeko liburu saltzaileen elkarteak, banatzaileak, idazleak eta egileak. "Eta horien guztien menpean dago gurea, horiek guztiak baitaramatzagu herriz herri. Gutxi gorabehera, bakoitza nahi duen tokira joaten da, edota ahal duenetara".
Beraz, gehienbat Bizkaian eta Gipuzkoan ikusi ahal izango dituzu azoka hauek, eta Arabako lurraldeari dagokionez, Laudion eta Gasteizen. "Arabak ez dauka beste herri handirik, eta noski, herri txikietan oso zaila da azokak egitea, esfortzu handia eskatzen duelako".
Hona hemen Euskadiko Liburu Ganbaran elkartzen direnak: Euskadiko Editoreen Elkartea (euskarazko zein erdarazko liburuena, bistan da); probintzi bakoitzeko liburu saltzaileen elkarteak, banatzaileak, idazleak eta egileak. "Eta horien guztien menpean dago gurea, horiek guztiak baitaramatzagu herriz herri. Gutxi gorabehera, bakoitza nahi duen tokira joaten da, edota ahal duenetara".
PERUKO ERAKUSKETARIA ETA GUZTI
Erakusketari bakoitzak kuota bat ordaintzen du parte hartzen duen azoka bakoitzeko. Baina datozen guztiak ez dira EAEkoak. "Kanpokoak ere etortzen dira. Nafarroako ohiko liburudendak, Etxepare eta horiek, adibidez. Madril eta Bartzelonako argitaletxe indartsuenek ere parte hartzen dute. Eta, beti izaten da Leon, Valentzia, Andaluzia eta beste tokietako norbait, urtean zehar aldatzen badira ere. Peruko erakusketari bat izaten da beti! Munduko libururik txikienak saltzen ditu honek... Horrelako bitxikeri batzuk ere izaten dira gure azoketan. Guk ateak denontzat zabalik dauzkagu, lehentasuna etxekoei ematen zaien arren. Baina etxekoek betetzen ez baldin badute, bada, kanpokoekin osatzen da".
Zenbat salmenta postu du azoka bakoitzak? Sarritan, azoka egoten den plazak edo pasealekuak inposatzen du kopurua. "Bilboko Arenalean 60 bat stand jartzen ditugu. Handik kanpo ere jarri genitzazke, baina, zer gertatzen da? Jendeak ohitura batzuk dituela eta horiek ezin ditugula aldatu. Ibilbide arruntetatik at jartzen ditugun stand-ak, jendeak ez ditu bisitatu ere egiten. Arraroa, baina halaxe da. Oraintxe bertan, Eibarren izan dugu azoka bat, Unzaga plazan. Ez betiko plaza zaharrean, obratan dagoelako, alde berrian, bidetik beste aldera. Bada, nabaritu da!". Ohitura, burdinazko katea baino lokarri etengaitzagoa omen da...
Zenbat salmenta postu du azoka bakoitzak? Sarritan, azoka egoten den plazak edo pasealekuak inposatzen du kopurua. "Bilboko Arenalean 60 bat stand jartzen ditugu. Handik kanpo ere jarri genitzazke, baina, zer gertatzen da? Jendeak ohitura batzuk dituela eta horiek ezin ditugula aldatu. Ibilbide arruntetatik at jartzen ditugun stand-ak, jendeak ez ditu bisitatu ere egiten. Arraroa, baina halaxe da. Oraintxe bertan, Eibarren izan dugu azoka bat, Unzaga plazan. Ez betiko plaza zaharrean, obratan dagoelako, alde berrian, bidetik beste aldera. Bada, nabaritu da!". Ohitura, burdinazko katea baino lokarri etengaitzagoa omen da...
ESKUMATIK EZKERRERA, BETI
Beste bitxikeria bat. Asier Muniategik baieztatzen digunez, azokara inguratzen den jendeak eskumatik ezkerrera egiten dio buelta beti, antza. "Lelokeria dirudi, baina kontuan hartu beharrekoa da, zeren urteak joan ahala hori horrela dela baieztatu dugu. Eta saltzaileek esan dezakete: bada, toki hobeagoa du eskuman dagoenak...".
Azoka hauetan denetarik dago. Nobedadeak gehienbat. Liburudenda handi bat da. Eta urte asko daramatzatenak honetan, jakin badakite herri bakoitzean zer duten gustukoen, esate baterako, "Eibarrera bazoaz, armak, urregintza eta horrelako gaiak eraman behar dituzu. Kostaldeko ez dakit zein herritara zoazela? Itsasoaz, arrantzaz eta abarrez diharduten liburuak ez ahaztu. Argi dago baita, gastronomia Euskal Herrian gai nagusienetakoa dela, gure historia eta politikarekin batera, jakina. Gehien-gehiena, berriz, nobela saltzen da. Batez ere gaztelaniaz".
Azoka hauetan denetarik dago. Nobedadeak gehienbat. Liburudenda handi bat da. Eta urte asko daramatzatenak honetan, jakin badakite herri bakoitzean zer duten gustukoen, esate baterako, "Eibarrera bazoaz, armak, urregintza eta horrelako gaiak eraman behar dituzu. Kostaldeko ez dakit zein herritara zoazela? Itsasoaz, arrantzaz eta abarrez diharduten liburuak ez ahaztu. Argi dago baita, gastronomia Euskal Herrian gai nagusienetakoa dela, gure historia eta politikarekin batera, jakina. Gehien-gehiena, berriz, nobela saltzen da. Batez ere gaztelaniaz".
EUSKARAZKO SALMENTAK
Asier Muniategi kezkatu xamar ageri da euskarazko liburuen salmentei dagokienean. Izan ere, azken urteotan halako jaitsiera bat ikusi dute azoketan. "Lehenago jendea militanteago-edo zen, liburuak erosterakoan. Orain produkzioa igotzen doa, editoreen aldetik urtez urte eskaintza zabalagoa da, eta nire ustez hobea. Baina, erosteko orduan, gaztelaniazko joera nabarmentzen zaio jendeari". Badira beti hiruzpalau idazle euskaldun salmenta nahiko itxurazkoak egiten dituztenak, baina orohar asko kostatzen da beste idazleen lanak saltzea, "eta 800.000 irakurle potentzial baldin bagara, nik uste dut horrek eman beharko lukeela salmenta kopuru dezentea, baina..." Zifratan: 150 liburu plazaratzen ziren urtero 1975ean. Gaur egun, berriz, 2.000 liburu baino gehiago. Hezkuntza aldetik asko zabaldu da, eta literaturan ere bai, jende berria eta onarekin gainera. Baina, proportzioan gutxiago erosten da. "Hobeto saldu beharko genuke produktua".
Geurea ez ei dakigu ondo saltzen, Muniategiren aburuz. Horretan ikasi behar handia omen daukagu euskaldunok. Badago beste arazotxo bat ere, euskal literaturan egin diren gaztelaniazko bertsioak direla-eta. "Gaztelaniazko bertsio horiei errazago heltzen diegu denok, jatorrizkoei baino".
Eta zer proportzioetan egoten da euskal liburua eta erdal liburua herrietako azoketan? Eskaintzen denaren %10-%15 omen da euskarazkoa. "Arazoa salmenta da. Guk zera egiten dugu: euskarazko liburuen stand-ak daramana babestu. Baina babesturik ere, saltzen ez bada... Euskal diskoa itxuraz saltzen da, berriz. Musika arloan hobeto gabiltza".
Geurea ez ei dakigu ondo saltzen, Muniategiren aburuz. Horretan ikasi behar handia omen daukagu euskaldunok. Badago beste arazotxo bat ere, euskal literaturan egin diren gaztelaniazko bertsioak direla-eta. "Gaztelaniazko bertsio horiei errazago heltzen diegu denok, jatorrizkoei baino".
Eta zer proportzioetan egoten da euskal liburua eta erdal liburua herrietako azoketan? Eskaintzen denaren %10-%15 omen da euskarazkoa. "Arazoa salmenta da. Guk zera egiten dugu: euskarazko liburuen stand-ak daramana babestu. Baina babesturik ere, saltzen ez bada... Euskal diskoa itxuraz saltzen da, berriz. Musika arloan hobeto gabiltza".
PROMOZIOAREN GARRANTZIA
Garrantzi handia ematen die Muniategik liburuei egiten zaien promozioei. Baina horretan ere hutsuneak nabarmendu ditu. "Liburuen aurkezpenak antolatzen ditugu, idazlea eramanez bere liburuak izenpetu ditzan, jendea hurbiltzeko eta zuzenean egilea ezagutu dezan... Bada, gehienetan, nahiko tristea izaten da, oso jende gutxi hurbiltzen delako. Horrek zer esan nahi du? Ez dagoela aurretiaz horrelako ekitaldirik bultzatuko duen talderik, idazlan horren inguruan eztabaidatuko duen jenderik. Pertsona zehatz batzuen kasuan biltzen da jendea, baina beti ezin gara Bernardo Atxagari edo Anjel Lertxundiri begira egon. Nire iritziz, literaturan zaletuak garenok behintzat, jakin beharko genuke noiz behinka idazleekin elkartzen...". Hori ematen den bitartean, ordea, bada Euskadiko Liburu Ganbarak egin dezakeenik. Eta baita egin ere: aurkezpenak egin, publizitatea, azoka bakoitzean bere inguruko berria sortu...
Liburuaren katean, hastapena idazlea da; hark argitaratu egin behar du; argitaletxeek, banatzaileak behar dituzte argitaratutakoa banatzeko, eta beste muturrean liburu saltzailea dago. "Kate guztia elkartzen dugu guk,
-dio Muniategik- eta hori da zailena, interesak guztiz desberdinak eta kontrakoak ere badaudelako erdian".
Liburuaren katean, hastapena idazlea da; hark argitaratu egin behar du; argitaletxeek, banatzaileak behar dituzte argitaratutakoa banatzeko, eta beste muturrean liburu saltzailea dago. "Kate guztia elkartzen dugu guk,
-dio Muniategik- eta hori da zailena, interesak guztiz desberdinak eta kontrakoak ere badaudelako erdian".
AURREKONTUAK
Azoka bakoitzera datozen guztiek kuota berbera dute. Gainera, Euskadiko Liburu Ganbarak lege bat ezartzen die: %10eko beherapena egitea. Horrek esan nahi du, normalean liburu saltzaileen etekina %30ekoa bada, azokara etorriz %20ean gelditzen zaiela. Eta hortik, etortzeagatik bakarrik dauzkan gastuak kendu behar ditu, "hau da, berrehun mila pezeta irabazteko, milioi bat pezeta liburutan saldu beharra du, eta hori ez da sarritan gertatzen". Beraz, askotan diru aldaketa bat baino ez omen da azokak ematen duena. Beste batzuetan, galdu egiten da. Baina promozioaren ikuspegitik ikusita, oso interesgarriak izan daitezke ere liburu azokak. "Azkenean, azoka bakoitzean hiru, lau, edo bost milioi saltzen dira, eta horrek sektorea mugitzen du. Eta gainera, erabat garrantzitsuena dena: urte osoan liburua protagonista egin ahal duzula herri batean edo bestean".
Baina, noski, argitaletxe eta liburu saltzaile askok ez dauka azpiegiturarik edozein momentuan azoketan parte hartzeko. Bestela, agian denda itxi beharra daukatelako. Bakoitzak aztertu behar du zernolako salmenta eskaintzen dion azokak, hau da, gastuak ordaintzeko emango al dion ala ez. Jende asko dagoen tokian salmenta onak egiten dira. Herri txikietan, berriz, esfortzu handiagoa egin behar izaten da... Eta kasu horietan, beste interes batzuk daude.
Baina, noski, argitaletxe eta liburu saltzaile askok ez dauka azpiegiturarik edozein momentuan azoketan parte hartzeko. Bestela, agian denda itxi beharra daukatelako. Bakoitzak aztertu behar du zernolako salmenta eskaintzen dion azokak, hau da, gastuak ordaintzeko emango al dion ala ez. Jende asko dagoen tokian salmenta onak egiten dira. Herri txikietan, berriz, esfortzu handiagoa egin behar izaten da... Eta kasu horietan, beste interes batzuk daude.
AUZO ETA HERRIETAKO LIBURUDENDAK
Euskadiko Liburu Ganbarak ez du batere begi onez ikusi PPk egin duena testu liburuetako beherapenak onartzean. "Espero dezagun hortik aurrera ez dela joango! Kalte handia egin du, batez ere liburudenda txikietan, eta guretzat derrigorrezkoa da auzo eta herrietako liburudendak hor izatea, horiek ematen baitute urte osoan zehar liburuak erosteko aukera. Azokak gehigarri bat izan behar du, ohiturarik ez duenari liburura inguratzeko ohitura sortzeko era bat. Baina, gero, erosle horrek liburu dendara jo behar du eta herriko liburu saltzaileari erosi, han adiskidetasun bat edo aholkuak eskuratuko dituelako".
Eta zenbat liburu mugitzen ote dituzte herrietako liburu azokek urtean zehar? Milioiak! Ezinezkoa omen da jakitea. Gutxi gorabehera, azoka bakoitzean hogei stand egon ohi da, eta stand bakoitzean, eguneko 500-600 liburu. "Kalkula ezazu!".
Muniategik dioenez, liburu zahar eta aukerazkoak gehiago saltzen dira nobedadeak baino. Merkeagoak direlako, apika. Gauza da, salmenta kopuruan, berdindu egiten omen dela batzuen eta besteen kopurua dirutan: liburu berri baten prezioan zortzi-hamar aukerazko liburu eros ditzakezu... "Nobela da gehien saltzen dena. Eta haur eta gazteen literatura. Hizkuntza guztietan gainera, baita euskaraz ere. Azoketan, haurrak dira onenak: 'Ama, erosi hau'... Diskoa, marrazki biziduna, ipuina...".
Adin eta ezaugarri ezberdinetako jendea inguratzen omen da azoketara. Jakinminak bultzata, asko. "Denetarik aurki dezakezu horrelako azoka batean: berez inguratzen dena, zerbait bilatzera doana, eleberriak direla-eta beherapenarekin merkeago erosiko dituela jakin eta erostera doana, paseoan ibili eta lagunekin bertan topo egiten duena eta beste abar luze bat. Orain, benetan jende jakituna eta zaletasun handia duena topatzen dugu. Eta horrek poz handia ematen du".
Eta zenbat liburu mugitzen ote dituzte herrietako liburu azokek urtean zehar? Milioiak! Ezinezkoa omen da jakitea. Gutxi gorabehera, azoka bakoitzean hogei stand egon ohi da, eta stand bakoitzean, eguneko 500-600 liburu. "Kalkula ezazu!".
Muniategik dioenez, liburu zahar eta aukerazkoak gehiago saltzen dira nobedadeak baino. Merkeagoak direlako, apika. Gauza da, salmenta kopuruan, berdindu egiten omen dela batzuen eta besteen kopurua dirutan: liburu berri baten prezioan zortzi-hamar aukerazko liburu eros ditzakezu... "Nobela da gehien saltzen dena. Eta haur eta gazteen literatura. Hizkuntza guztietan gainera, baita euskaraz ere. Azoketan, haurrak dira onenak: 'Ama, erosi hau'... Diskoa, marrazki biziduna, ipuina...".
Adin eta ezaugarri ezberdinetako jendea inguratzen omen da azoketara. Jakinminak bultzata, asko. "Denetarik aurki dezakezu horrelako azoka batean: berez inguratzen dena, zerbait bilatzera doana, eleberriak direla-eta beherapenarekin merkeago erosiko dituela jakin eta erostera doana, paseoan ibili eta lagunekin bertan topo egiten duena eta beste abar luze bat. Orain, benetan jende jakituna eta zaletasun handia duena topatzen dugu. Eta horrek poz handia ematen du".
IPARRALDEAN ERE, IZAN BADIRA
EKAINAREN lehen egunetan, urtero-urtero, liburu azoka bat egiten da Donibane-Lohizunen. Hasiera batean, AEKk antolatzen zuen, baina duela hiru urte edo, Azoka Elkartea osatu zen eta geroztik bera da antolaketaz arduratzen dena. Iparraldeko argitalatxe eta liburu saltzaileak biltzen ditu azoka honek, euskarazko zein frantsesezko liburuak eskainiz.
Honez gainera, Pazko astelehenean eta Saran, Idazleen Biltzarrak aurrera ateratako azoka ere bada, non idazleek berek sinatutako euskarazko zein frantsesezko liburuak erosteko aukera dagoen.
Honez gainera, Pazko astelehenean eta Saran, Idazleen Biltzarrak aurrera ateratako azoka ere bada, non idazleek berek sinatutako euskarazko zein frantsesezko liburuak erosteko aukera dagoen.
NAFARROAN EGITEN DIRENAK
URTEAN bi liburu azoka egiten dira Iruñean, bertako Iratxe liburudendako Kike Abarzuzak adierazten digunez: ekainaren hasieran eta Gaztelu Plazan izaten da lehena, non liburu berriak saltzen diren. Iruñeko liburu saltzaileek bakarrik parte har dezakete honetan. Bestea, berriz, nahi duenari irekita dago. Jadanik hogei urte daramatzate liburu zahar eta aukerazko azoka egiten, eta irailaren amaieratik urriaren hasiera bitarteko epe horretan burutzen da.
Iruñeatik at, Tafallan ere bi urtez behin egin izan zen liburu azoka, eta Elizondon zein Altsasun antolatu izan dira baita ere. Bestalde, Tutera da urtero-urtero azoka bi duen beste herri bakarra. Julio Mazos, iaz arte Nafarroako liburu saltzaileen gremioko lehendakaria izan zenak dioenez, Aste Santu aurreko egunetan liburu zahar eta aukerazkoen azoka egiten da, eta ekainaren lehen astean, aitzitik, liburu berriena.
Iruñeatik at, Tafallan ere bi urtez behin egin izan zen liburu azoka, eta Elizondon zein Altsasun antolatu izan dira baita ere. Bestalde, Tutera da urtero-urtero azoka bi duen beste herri bakarra. Julio Mazos, iaz arte Nafarroako liburu saltzaileen gremioko lehendakaria izan zenak dioenez, Aste Santu aurreko egunetan liburu zahar eta aukerazkoen azoka egiten da, eta ekainaren lehen astean, aitzitik, liburu berriena.
LIKINIANOK GUTXITAN AHAL DU
"BiLBON egiten diren bietara etortzen gara gu. Eta Durangoko azokara ere urtero goaz. Baina ezin dugu herriz herri ibili, Likiniano argitaletxea txikia delako. Gainera, saltzen dugun materiala batik bat politikoa da: liburu alternatiboak, anarkisten, autonomoen eta beste jende borrokalarien pentsamendua islatzen duten liburuak baititugu salgai. Gehien saltzen dena? Euskarazko liburua da: ipuin mordoa saldu dugu, sukaldaritzako liburuak ere bai... Baina guk material politikoari ematen diogu garrantzirik handiena, eta horietaz jendea ez da beste liburu mota batzuetaz bezain beste interesatzen". Halaxe dio Juanito Del Mundo Likinianoko kideak.
Durangoko Azoka
Durangoko Azoka
AZOKA orotan aurkituko duzu Zabaltzen banatzailea, eta bertako langile diren Pako Aizpurua eta Andoni Aranburu ere bai, ziur aski. "Kanpaina osoko azoka guztiak egiten ditugu. Kalean liburuak jartzearekin, nolabait jendeari hurbiltzen dizkiozu. Eta nola beti izaten den, liburu berrietan eta, %10eko beherapena, bada, jendea etortzen da eta erosi ere egiten du". Gutxi gorabehera finkatua dute jada kanpaina, urtero gauza bera egiten dute. Hainbat urtetan ibili ziren herri ezberdinetatik pasatzen, "baina egia da herri batzuk ez dutela ematen, biztanleri kopuruarengatik batik bat. Ea garestia ateratzen den azokan parte hartzea? Betikoa gertatzen da: badaude etxe handiak, material asko mugitzen dutenak, eta etxe txikiak. Eta azken hauentzat, herri batzuetan, jende gutxi bizi bada, estu antzean jartzen da gauza. Baina guk, liburu asko mugitzen dugunez, bailara guztietan behintzat egiteko modua dagoela pentsatzen dugu".
Irakurrienak
Matomo erabiliz
#1
#2
#3
Jon Fernández González
#4
#5
Ruwaida Amer Khan
|
+972 Magazine
|
CTXT
Azkenak
2025-07-30
Sustatu
Tea app: emakumezkoen online segurtasunerako behar zuen tresna desastre bilakatu da
Tea App edom Tea Dating Advice delakoa ustez emakumeak online sortutako zitetan babesteko sortutako app bat da (edo izan da). Bere funtsa zen emakumezkoek online ligatzeko plataformetan ageri diren gizonezkoak etiketatzea hitzordu edo topaketa txar, susmagarri edo ez... [+]
2025-07-30
Ahotsa.info
Eskuin muturreko talde sektario batek ‘Nabarro’ren omenaldia oztopatu du Abarzuzan
Eskuin muturreko sekta erlijioso bateko kideek, Deierrin bizi direnek, 1986an erbesteratuen aldeko ekintza batean Hernanin hil zen Fernando Ros Abartzuzako gaztearen omenezko ekitaldiko bidea oztopatu zuten igandean.
2025-07-30
Eneko Imaz Galparsoro
Milaka juduk Palestinaren askapenaren alde lan egiteko konpromisoa berretsi dute, “sionismoaren krimenen aurka”
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
2025-07-29
Jon Fernández González
Uribarrin urperatutako herrietatik bota zituztenak omendu dituzte
Ur azpian utzitako herrietatik joan behar izan ziren 600 pertsonen omenez jarri dute oroigarria urtegiaren begiratokian, "ez ditugu inoiz ahaztuko urperatutako bizitzak", adierazi du Arabako ahaldun nagusiak.
2025-07-29
Gedar
609 langile kaleratuko dituzte Ezkirozko BSHn
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
2025-07-29
Jon Fernández González
Gasteizko lorezainek lau hilabete bete dituzte greban, Jaurlaritza eta Enviser enpresa aurrean manifestazioa eginda
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
2025-07-29
Eneko Imaz Galparsoro
Álvaro Uribe Kolonbiako presidente ohia errudun jo dute iruzurra eta eroskeriagatik
2002 eta 2010 artean Kolonbiako presidente izan zenari gutxienez lau eta zortzi urte arteko espetxe zigorra ezarri diezaiokete. Auzitegi Gorena 2018an hasi zen ikertzen Uribe, Ivan Cepeda senatari ezkertiarrak jarritako salaketa batean lekuko ziren hainbat paramilitarri... [+]
2025-07-29
Jon Fernández González
Israeldar kolono batek ‘No Other Land’ dokumentala grabatzen lagundu zuen aktibista palestinar bat hil du Zisjordanian
Yinon Levi izeneko kolonoak Odeh Hadalin aktibista hil du Zisjordania hegoaldean. 'No Other Land' dokumentala grabatzen lagundu zuen Hadalin, dokumental onenaren Oscar saria irabazi zuen martxoan. Kolono hiltzailea palestinar lurraldeak okupatzeagatik AEBetako zigor... [+]
2025-07-29
Mikel Aramendi
Analisia
Kanbodia eta Thailandia, gerra-plantak egiten?
Arma astunekin elkarri erasoka lau egun eman ondoren, baldintzarik gabeko su-etena adostu dute Kanbodiak eta Thailandiak, Malaysiaren bitartekaritzarekin, Kuala Lumpurren egin duten aurrez aurrekoan. Ezingo dute akabera hori ikusi bonbardaketetan, alde batean zein... [+]
2025-07-29
Jon Fernández González
Euskal diaspora elkartuko da Boisen, eta jendetsua izatea espero dute
AEBetako Idaho estutako Boise hiriburuan ospatuko dute euskal kultura ezagutarazteko, eta euskal diaspora batzeko. Hainbat ekitaldi egingo dituzte uztailaren 29tik abuztuaren 3ra arte.
2025-07-29
Ekologistak Martxan
Ekologistak Martxan-ek eskaerak erregistratu ditu udaletan eta Eusko Jaurlaritzan, airearen kalitateari buruzko informazio okerra zabaltzeari uzteko
2025-07-29
Gorka Peñagarikano Goikoetxea
Gurasotasun baimena 16 astetik 17ra luzatuko du Espainiako Gobernuak, eta 32 aste gurasobakarrentzat
Astearte honetako gobernu bileran onartuko dute PSOEk eta Sumarrek, akordioa iragarri baitute. Neurria "berehala" ipiniko dela indarrean jakinarazi dute.
2025-07-28
Eneko Imaz Galparsoro
Astebeteko liskarren ondoren, Thailandiak eta Kanbodiak su-eten akordio bat sinatu dute
Duela astebete, bien arteko mugan Thailandiako eta Kanbodiako tropak elkarri eraso egiten hasi ziren, Frantziaren kolonizazio aldian jatorria duen gatazka berpiztuta. Bi herrialdeek "berehalako eta baldintzarik gabeko" su-etena ezartzea adostu dute astelehenean, 35... [+]
2025-07-28
Eneko Imaz Galparsoro
Zuzenean eta zeharka 434.000 palestinar hil ditu Israelek 2023ko urritik, Gazako biztanleriaren %20, kalkulu baten arabera
The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]
2025-07-28
Gorka Peñagarikano Goikoetxea
Europa makurrarazi du Trumpek
AEBek Europako produktuei %15eko muga-zergak ipiniko dizkie, eta alderantziz ezer ere ez
Horrez gain, Europa behartu egin du gasa AEBei erostera, 750.000 milioi euro xahutu beharko ditu horretan datozen hiru urteotan; beste 600.000 milioi euro gehiago inbertitu beharko ditu han, "inbertsio estrategikoetan"; eta, "ehunka milioi euro", zehaztapen... [+]
Eguneraketa berriak daude