IRRATI GAZTEAREN KONKISTARA

  • Radio Euskadik "Bilin Bolon" izeneko lehiaketa jarri du martxan. Protagonistak hainbat ikastetxetako 3.000tik gora gaztetxo eta beraiek egindako programak izango dira.

2007ko otsailaren 21an
Lauro Ikastolako gaztetxoak izan ziren lehenak azaroaren 11n, baina hauen atzetik Euskal Autonomia Erkidegoko 100 bat ikastetxetako 3.000tik gora ikaslek eskatu du ekimen honetan parte hartzea.
Eskola-lehiaketa hau gazteak irratira hurbildu asmoz antolatu da; hezkuntza eta irratia bategin nahi dira. "7 Calle del Trinkete" programak duen gazte saioan eskainiko da lehiaketa.
Ekimen hau EITBk gaztetxoak erakartzeko eman dituen urratsetako azkena da, Betizu eta Betimu telebista programen ostean. Andoni Ortuzar EITBko zuzendariak azaldu duen bezala, "gazteak gure etorkizuneko ikus-entzulegoa direlako, eta, beraz, gerorako inbertsioa".
Lehen edizio honetan 100 ikastetxetako 3.000 inguru gaztek hartuko du parte, batez ere DBHko lehen ziklokoak (12-14 urte bitartekoak). Euskaraz zein gazteleraz burutuko dituzte programak eta hauetako onenak larunbat eta igande eguerdietan antenaratuko dira Galder Perez eta Ane Zabalak zuzendutako gazte saioan.
Partehartzaileek lehenbizi ikastetxeetan egin beharko dute lan, gero Radio Euskadi ezagutzeko aukera izango dute, eta azkenik "Berbalapiko" izeneko irrati iratxoak, larunbat eta igandetan 12:00etatik 14:00etara, gaztetxoen lanik onenak aurkeztuko ditu. Ondoren, hainbat sari banatuko duen (gazte eta eskolarentzat) lehiaketa handi bat izango da.


Azkenak
2024-06-17 | Hala Bedi
Berakah-k familiak etxegabetzen jarraitzen du Gasteizko Alde Zaharrean, udalaren axolagabekeriaren aurrean

Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]


2024-06-17 | dantzan.eus
Ba al datoz gazteak euskal dantzara?

Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]


18 urteko gizonezko bat atxilotu dute Gasteizen sexu erasoa leporatuta

Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.


Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


Eguneraketa berriak daude