Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
larunbata 2024ko maiatzaren 04an
AZPEITIAN TXANGOA EGITEKO BADA ARRAZOI FRANKO
- Azpeitiak historia luzea du, 1310 urteko sorrera gutunak eta 1785ko dokumentu batek ziurtatzen duten lez. Gipuzkoaren bihotzean kokatua, Urola ibaiak bustitzen du eta Izarraitz mendikateak babesten du. Kilometroak festa han dela-eta, Azpeitiko kaleetatik barrena abiatuko gara bertako eliza eta monumentu ederrenak bisitatzeko asmoz.
HERRIKO GARBITOKIA
Arkitektura neoklasikoa agertzen du 1842an eraikitako ikuztegiak. Urte askoan arropa garbitzeko lekua izan ondoren, amuarrainen haztegia dago orain bertan, eta arrantza garaian ibaia hornitzeko erabiltzen dira bertan hazitako arrainak.
AMUBEKO ZUBIA
Herriko zubi zaharrena industriaz inguratua dago. Kondairaren arabera erromatarren garaikoa omen da.
ANTXIETA ETXEA
Mudejar estiloaren erakusgarri dugu Joan Antxietaren bizileku izan zen eraikina. Antxietak Errege Katolikoen zerbitzura egin zuen lan. Egun Azpeitiko erakusketa areto nagusia bilakatu da.
OLATZEKO ERMITA
Olatzeko Ama Birjina Azpeitiko zaindaria da eta Erdi Aroko ermita du. Bertako tailu gotikoek atentzioa ematen dute. San Inazio haurtzaro eta gaztaroan maiz etorri zen Olatzeko Amari otoitz egitera.
DAMA KATEKISTEN KOMENTUA
Olatzeko ermitaren ondoan aurkitzen da komentu hau. Ikusgarriak dira bertako kaperan dauden etaMaumajean-ek egindako beirateak.
ANBULATORIOA
Egungo anbulatorioa dagoen eraikinak oso bestelako jardunak bildu zituen garai batean. Izan ere, epaitegia eta kartzela lekutu ziren bertan. Anbulatorioak aspaldiko kartzelaren aurrealdea mantentzen du.
MADALENAKO ERMITA
XIV. mendean eraiki zen mudejar estiloko aurrealdea duen eraikina. San Inaziok herritarrei predikatzen zien eta haurrei kristau bidea irakasten zien ermita honetan. 1921ean zaharberritu zen San Inazio Iruñean zauritu zutela lau mende bete zirenean.
MADALENAKO OSPITALEA
San Inazio bertan egon zelako izan da famatua. Loiolako santua han bizi zen hiru hilabetez 1535ean gaixo zegoenean. Hemen zela, egunero ateratzen zen Azpeitiko kalera diru eske eta ondoren, erietxeko behartsuen artean banatzen zuen.
KIOSKOA
XX. mendearen hasieran eraikia, Azpeitiko ikur garrantzitsua da. Plaza Nagusiaren erdigunean kokatzen den kioskoa. Asteartero feria izaten da bere inguruan.
FRANTZISKORTAR LEKAIMEEN KOMENTUA ETA ELIZA
Azpeitiko ordena erlijioso zaharrena Kontzeptzionista Frantziskotarrena da. Duela gutxi berritua izan da eliza eta Jeronimo Larraren "Kristo Gurutziltzatua" da bertako harri bitxia.
SOREASUKO SEBASTIAN DONEAREN ELIZA
Euskal gotikoa deitu denaren adierazgarri dugu eraikin erlijiosoa. XVI. mendean birmoldatua izan zen. XVIII. mendeko atea du, estilo platereskokoa.
UDALETXEA
Agustindarren monasterioa izan zen eta oraindik eliza gordetzen du. 1842an Udalak bere gain hartu zuen eraikina lehen aldiz.
UDALETXE ZAHARRA
Harri landuko eraikinak udaltzaingoaren bulegoak eta Udalaren beste lokal batzuk hartzen ditu. Udalaren egoitza nagusia agustindarren monasterio ohian dago, ordea.
ENPARAN DORRETXEA
Etxe hau dugu Azpeitiko monumenturik zaharrenetarikoa. 1320an eraikia izan zen eta Erdi Aroko euskal dorretxeen adierazgarri bikaina da. Egun Udal Liburutegia aurki dezakegu Enparan familia noblearen bizileku zen dorretxean.
ZEZEN PLAZA
1903koa da hainbat eta hainbat korrida hartu dituen plaza. Zezenek jarraitzaile sutsu ugari dituzte Azpeitian.
TRENAREN MUSEOA
Urolako Trenbidearen geltoki izandakoan kokatzen da Trenaren Museoa. Europa mailan garrantzitsuenetakoa den museo honek 1998 erdialdetik "Aurrera" lokomotoraren bagoietan Lasaoraino ibilalditxo bat egiteko aukera eskaintzen die bisitariei.
LOIOLAKO SANTUTEGIA
Dudarik gabe, Loiola da bisitari gehien erakartzen duen monumentua, San Inaziok duen ospea dela-eta. Basilika da eraikuntza nagusia, 1668 urtekoa. Carlo Fontana arkitekto italiarrak egin zuen eta XVII. mendeko estilo barrokoaren adierazle garrantzitsua da. Basilikaren alboan dagoen dorretxeak ere badu xarmarik. Loiola leinuaren dorretxean, San Inazio jaio zen 1491n. 1380-1400 bitartean mudejar estiloan berreraiki zuten. Santutegiko liburutegia 1997tik bisitarientzat irekia dago. Loiolako Egoitzak ere merezi du begiratua, 1713an eraikia, Kristo Erregeren Ahizpak ordenaren komentua izan da orain arte. Gogo-jarduneko etxea ere gune honetan ikus daitekeen eraikuntza da. Azkenik, aipagarria da Frantzisko Garate anaiaren jaiotetxea, Errekarte baserria
Irakurrienak
Matomo erabiliz
#1
Xabier Letona Biteri
#2
Beranduegi
|
ARGIA
#5
Arkaitz Zarraga Azumendi
#6
Nagore Zaldua
|
Eneko B. Otamendi
Azkenak
2024-05-06
Nagore Zaldua
Arrosarioa, sexu-estrategia aurrerakoiaren adierazle
Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]
2024-05-06
Jakoba Errekondo
Intsusa lore edariak
Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.
2024-05-06
Garazi Zabaleta
Erlauntzako airea arnastearen onurak
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
2024-05-05
Jenofa Berhokoirigoin
Adimen artifizialaren esku utzi du palestinarren hilketa Israelek
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Eguneraketa berriak daude