Zumaiako Bedua jatetxeko esplotazioaren testigantza gehiago bildu dituzte
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
"Paperik ez duten pertsonak hartzea lehenesten dute [Bedua jatetxean], horrek aukera ematen dielako pertsona horiekin nahieran jokatzeko", zioen Elkar-ekin taldeak Zumaiako (Gipuzkoa) luxuzko ostatuko esklabotza-baldintzen berri ematean. Hamazazpi ordurainoko lanaldiak, langileei "probaldian" egon direla esan eta ez ordaintzea, jatetxetik kanpoko lanak egitera behartzea (nagusiaren senideen etxeak garbitzera edo pertsona nagusiak zaintzera adibidez) eta abar luze bat jasan behar dituzte Beduan lanean hasten diren pertsonek, gehienak, emakume migratzaileak.
Elkar-ekinek hainbat beharginen lekukotzak argitaratu ostean, beste hainbat langilek pairatutakoen berri eman dute Urola Kostako Guka zein Zestoako (Gipuzkoa) Danbolin hedabideek. Bailara osoan ikusten dira Beduaren "lan-eskaintzak", "platerak garbitzeko jendea" behar dutela diotenak.
Guka-k, esaterako, Azkoitian (Gipuzkoa) bizi den pertsona migratzaile baten testigantza jaso du. Sukaldeko laguntzaile gisa arituko zela esan zioten, baina "proba" egunean jatetxera iritsi bezain pronto, baratzera bidali zuten. "Harrituta geratu nintzen baratzeko lanetan jarri nindutenean. Horretan pasatu nuen goiza, eta eguerdi aldera sartu nintzen sukaldera. Egun oso luzea izan zen; 08:00etan hasi eta 19:00etan bukatu nuen, eta tartean hogei minutu besterik ez nituen izan bazkaltzeko", dio behargin ohiak. Pertsona horrek jakinarazi duenez, nagusiak ez zion "probaldi" hori ordaindu ere egin, baina Beduan ohikoa da praktika hori: "Gauza bera egin dioten pertsona bat baino gehiago ezagutzen dut. Probako egunean hamar-hamabi orduz lana eginarazi, gehiago ez itzultzeko esan eta ez ordaindu; gu bezala behar gorrian daudenetaz aprobetxatzen dira".
Zestoako bizilagun batekin ere hitz egin du Guka-k, eta lan-egutegiak etengabe aldatzen zizkiotela seinalatzeaz gain, langileek jasotzen duten tratu umiliagarria nabarmendu du: "Langileei ematen zieten tratua, oro har, ez zen ona; garrasika eta iseka eginez hitz egitea ohikoak ziren [...], batez ere paperik ez zeukatenei". Eta honakoa gehitzen du Danbolin-en: "Tratu okerrena beraientzat [pertsona migratzaileentzat] zen, eta gainera, guztiek lan-hitzarmenik gabe jarduten zuten".
Danbolin-i behargin zestoarrak adierazi dionez, zerbitzari gisa kontratatu zuten berez, baina bestelako hainbat lan egitera derrigortzen zuten: "Lanparak garbitu, kanpoko jardinerak eta parrilla garbitu, hautsa kendu eta aparkalekua eskobatu, besteak beste". Bestalde, Beduako nagusiek etxe bat dutela eta langileei gelak alokatzen dizkietela ere esan du: "Lanean jasandako esplotazio-egoera salatzeko beldurrez bizi ziren, zerbait esanez gero, etxetik botako baitzituzten".
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Zenbait urtetatik hona sarri entzuten dugun kontzeptua da zaurgarritasuna. Gaur gaurkoz, diskurtso politikoetan pertsona zaurgarriez aritzea ohikoa da. Seguru nago nik ere inoiz erabili dudala berba hori Bizilan.eus webgunean, eskubide laboralak eta prestazio sozialak azaltzeko... [+]